Балабақша педагогтары мен тәрбиешілерінің қарым – қатынас құзіреттіліктерін дамыту

Шығыс Қазақстан облысы Семей  қаласы
№ 8 «Балбөбек»   ясли-бақшасының  психологы
Турабаева   Кенжеғайша  Капасовна
Балабақша педагогтары мен тәрбиешілерінің қарым – қатынас құзіреттіліктерін дамыту
Мақсаты: педагогтардың   қарым – қатынасқа түсу  құзіреттіліктерін дамыту.
Міндеттері: топтық тұтастықтарын жоғарылату:
—         педагогтар арасындағы түсінушілік, жағымды өзара қарым – қатынастарына қолдау көрсету;
—         педагогтардың эмоциональдық жағдайларын жақсарту.

Құралдар:   топтың ережесі,  магнитофон, жайлы сазды күй таспа, ойыншық, қағаз және қаламсап, орындықтар.

Тренингтің барысы
І. Таныстыру. Жаттығу «Есім + қимыл».
Мақсаты: топқа жағымды эмоциональды жағдай жасау және қысымдықтан арылту, бейтаныс адамдармен жақынырақ танысу.
Өз есіміңізді айтыңыз және сізді сипаттайтын қимылды көрсетіңіз. Содан соң бәрі бірге есімді және қимылды қайталайды. Жаттығуды шеңбер бойынша орындайды.
ІІ. «Біздің топтың ережесі».
Топтың негізгі ережелерін қабылдау және талқылау
ІІІ. Негізгі бөлім
Психолог педагогтарды тиімді қарым – қатынас тәсілдері, түрлерімен таныстырады.  Оларға белсенді тыңдау, пассивті тыңдау, эмпатикалық тыңдаулар жатады.

«Белсенді  тыңдау» ойыны
Мақсаты: тыңдай алу дағдыларын дамыту.
Қатысушылар үшке бөлінеді. Екеуі әңгімелеседі, ал үшіншісі белсенді тыңдау тәсілін қолдануларын бақылайды. Содан кейін қызметтері ауыстырылады. Үштіктің  жұмысынан соң топта тапсырманы талқылайды.
Рефлексия
«Зейінді тыңдаушы» ойыны
Қатысушылар жұпқа бөлінеді. Біріншісі сөйлеуші болады, ал екіншісі – тыңдаушы. Біріншісі өзінің адамдармен қарым – қатынастағы қиындықтары, өзінің күмәні мен болжамы туралы хабарлайды. Тыңдаушы толық ойын жеткізуіне көмектесуге тырысады. 2-3 минуттан соң белгі беріледі: сөйлеуші өзінің тыңдаушының мінезіне, тәртібіне  байланысты мүмкіндіктер және өзін толық ашуға  не көмектескенін,  қандай кедергі болғаны туралы  әсерлерін айтады.  Содан кейін тыңдаушы, сөйлеушінің сөзінен нені естіп, тыңдағаны туралы айтады. Сөйлеуші басын изей отырып, тыңдаушының сөзін растайды. Қатысушылар ауысады.
Рефлексия.
«Қос белгі» ойыны
Барлық қатысушылар  қағазға  жазылған эмоциональды түрдегі педагогикалық  қарым — қатынасқа маңызды айтылымдарды алады. Мысалы, кейбір айтылымдар қарама – қайшылық мазмұнда болуы мүмкін: «Сенің аквариумды сындырғаныңа,  қуаныштымын!» . Ары қарай  әрбір қатысушы өзінің шеңбер бойы жазылған сөйлемдерін  эмоциональдық нақыш (шынайы – шынайы емес) беріп, оқиды.
Рефлексия.
«Сүйіспеншілік  көзқарас» жаттығуы
Ойынның барысы: бір қатысушы бөлмеден шығып кетеді.Оның міндеті топтағы кім оған «Сүйіспеншілік» көзқараспен қарағанын анықтау. Ол жоқ болғанда психолог 2-3 кісіні сайлап қояды. Содан кейін басқа табушы таңдалып алынады. Осылайша «Сүйіспеншілік көзқараспен » қарайтындар саны артады.
Рефлексия
«Менің сүйікті ойыншығым» жаттығуы
Қатысушыларға өздерінің сүйікті ойыншықтарын естеріне түсіру ұсынылады,мұнда эмоциональдық  еске түсіру белсендіріледі.
V. Тренинті аяқтау
6. «Бізді не біріктіреді?» жаттығуы. Әрбір қатысушы бір сөзді айтады және өзінің түйсінуі бойынша оны аяқтайды  (өздік талдауды, ұжымды біріктіруді қолдайды)
Рефлексия
Тренинг өткізу қорытындысы бойынша кері байланыс:
Не ұнады – не ұнамады, қандай да бір жағдайларды өздерін қалай сезінді, қандай жаңа нәрсені білді.

[bws_related_posts]

Добавить комментарий

Ваш e-mail не будет опубликован. Обязательные поля помечены *