Тәуелсіздік тірегім!

kzМурзабаева Айша

Сабақтың   тақырыбы:   « Тәуелсіздік  тірегім! »

Сабақтың мақсаты:  Елін, жерін, тілін құрметтейтін, өз отанын сүйетін азамат қалыптастыру, от жүректі өжет мінезді ұл-қыздардың ерлік істеріне мәңгі құрмет көрсетуге баулу. Патриоттық сезім қалыптастыру. Осындай тыныш, бейбіт өмірдің қандай қиындықтармен келгендігін ұғындыру.

сабақтың көрнекілігі:  Желтоқсан құрбандарының суреттері, слайдпен оқиғаны баяндау, көтеріліс түсірілген бейнежазба.

Ұйымдастыру бөлімі:

Сабақтың барысы:

 

 1-жүргізуші:  Армысыздар, құрметті ұстаздар, оқушылар және қадірменді қонақтар!  Бүгінгі Тәуелсіздігіміздің  23 жылдығына арналған  « Тәуелсіздік тірегім» атты ашақ тәрбие сағатына  қош келдіңіздер!

2-жүргізуші: 

Армандарды жақындатып тым алыс,                                                                                                                                                                                        

Біздің жаққа жеткен екен жылы ағыс.                                                                                                                                                                                                                                                                                                                   Егемендік – ел бақыты, ертеңі                                                                                                                                                                                                                                                                                                                                  О, халайық! Құтты болсын қуаныш!

1-жүргізуші:

                                                                                                                                                                                                                                                                                                                                                                                     Әнұраным – жан ұраным                                                                                                                                                                                                                                                                                                                                             Айтар әнім – сөйлер сөзім                                                                                                                                                                                                                                                                                                                                               Туған жерім – сағынарым                                                                                                                                                                                                                                                                                                                                              Мәңгі – бақи шырқалады,                                                                                                                                                                                                                                                                                                                                Республикам  әнұраным!             Хор: «Гимн»

2- жүргізуші:

Мен қазақпын, болмысым, барымменен,                                                                                                                                                                                                                                                                                                            Азаттығым үшін мен бәрін берем.                                                                                                                                                                                                                                                                                                                              Ұлы елде ұлттар көп, Отан жалғыз,                                                                                                                                                                                                                                                                                                                               Отанымды сүйемін арымменен.

  Дей келе 3-сынып оқушыларының бүгінгі мерекеге арнаған өлең, тақпақтарын қабыл алыңыздар.   (Жайна,Қыдірәлі,Нұрлыбек

1-жүргізуші:

Көрініс: « Желтоқсанның желі деген не?»

(атасы мен немересі ақырын басып сахынаға шығады. Атасы орындыққа келіп дем алып отырады. Осы кезде жүгіріп немересі келеді.)

Немересі:  – Ата, не ойлап отырсыз?

Атасы:   – Ә, балам, атаң не ойлайды дейсің?! Осындай тыныштық заманға шүкірлік етіп отырмын дағы. Тәуелсіз елде тыныш өмір сүріп жатырмыз. Оның бәрі сонау 1986 жылы  желтоқсанның желінде  қыршын кеткен батыр аға-апаларыңның арқасы ғой.

Немересі:   – Ата, сонда  «Желтоқсанның желі деген не?»

Атасы:  – Ееее балам-ай сен оны түсіне қоймассың, әлі кішкентайсың ғой. Сонда да айтайын…(бейнеклиптен Желтоқсан оқиғасын көрсету.)

Ияяя сол кездегі шыбықтар, бүгін бүр жарды ( атасы немересінің басынан сыйпап нұсқайды да жай жүріп шығып кетеді)

Немересі:  Түсіндім енді бәрін де..  

–         Болмасам да сол кезде мен сеземін

Кіп-кішкентай, жұдырықтай жүрекпен

Ызғарына аяздың төзгендерін

Бұл күннің оңайлықпен келмегенін. ( немересі шығып кетеді)

 2-жүргізуші:   Міне  осылайша  тәуелсіздік біз үшін оңай келген жоқ еді. 1986 жылы 16-желтоқсан күні алаңға шыққан көп жастың мақсаты «Қазақты қазақ басқарсын» ,-деген  ой болатын.   Осы оқиғаға қатысқан аға – апаларымыз Ләззат Асанова, Сабира Мұхамеджанова, Қайрат Рысқұлбеков, Садықова Нағима, Сәбитова Жансая сол сияқты тағы да басқа көптеген жастар ел азаттығы үшін жандарын қиған болатын. Ал мұның соңы көптен аңсаған  еркіндік алып, азат болу  ұранымен жалғасты.  Қазақ жастарының қайсарлығы мен өжеттігінің, және  есепсіз төгілген қанның арқасында біз Тәуелсіз ел болдық.

 1-жүргізуші:

Көзіме бүгін жас келіп тұр халайық,                                                                                                                                                                                                                                                                                                                 Әрбір істі зердеге алып қарайық.                                                                                                                                                                                                                                                                                                                       Тәуелсіздік жолына жан пида еткен                                                                                                                                                                                                                                                                                                                      ерлерімізді есімізге алайық!   ( Слайдтан Сәбира,Қайраттардын суретін көрсету және оларға арналған тақпақтар оқу. Сара,Айсұлу,Айдана,Сания)

2-жүргізуші: Ал жарайды ендеше  мерекелік көңіл – күймен  сыныбымыздың мың бұрала билеген биші қыздарын «Қазақ биімен» қарсы алайық.

1-жүргізуші:  Осындай керемет биден соң, мағыналы да мәнді олен шумақтарына кезек береміз.   (Қаламқас, Жанерке, Эрман, Ислам, Бейбіт, Гүлдер, Бексұлтан)

2-жүргізуші:

Тәуелсіздік – болашақтың бағдары,                                                                                                                                                                                                                                                                                                                       Тәуелсіздік – асулардың асқары.                                                                                                                                                                                                                                                                                                                          Тәуелсіздік – адамдықтың белгісі,                                                                                                                                                                                                                                                                                                                   Тәуелсіздік – үлкен істің бастауы.

Олай болса біздің Тәуелсіздік алғаннан бастап, осы күнге дейін атқарған істерімізді, жеткен жетістіктерімізді еске алайық. ( жылдар жазылған қағаздарды оқушылар біртіндеп алып шыға бастайды)

1-жүргізуші:  1991 жылы 16-желтоқсанда Қазақстан Республикасы Тәуелсіз республика деп жарияланды.

2-жүргізуші:  1992 жылы Қазақстан Республикасының Мемлекеттік Байрағы, Гербі мен Гимні қабылданды. Біріккен ұлттар ұйымына мүше болды.

1-жүргізуші:  1993 жылы  Ұлттық валютамыз алғашқы Қазақстан Республикасының теңгесі айналымға түсті.

2-жүргізуші:  1994 жылы  қазақ ғарышкері Талғат Мұсабаев ғарыш кемесімен көкке көтерілді.

1-жүргізуші:  1995 жылы 30-тамызда Қазақстан Республикасының           «Ата заңы» қабылданды.

2-жүргізуші:  1998 жылы 6-мамыр Астана қаласы еліміздің басты қаласы деп жарияланды.

1-жүргізуші:  1999 жылы Призденттік сайлауда Нұрсұлтан Әбішұлы Назарбаев қайта сайланды.

2-жүргізуші:  2003 жылы оралмандардың тарихи отанына оралуы бағдарламасы қабылданды.

1-жүргізуші:  2006 жылы Қазақстан Республикасының Тәуелсіздігіне 15 жыл және желтоқсан көтерілісіне 20 жыл толды.

2-жүргізуші:  2007 жылы  Қазақстан Республикасының «Білім туралы» заңы қабылданды.

1-жүргізуші:  2010 жылы Астанада Еуропалық қауымдастық ынтымақтастық ұйымының самиті өтті.

2-жүргізуші:  2011 жылыдың қаңтар ақпан айларында Қысқы Азияда ойындары Қазақстанда өткізілді.

1-жүргізуші:  2012 жылы Лондон Олимпиядасында алғаш рет Қазақстан спортшылары 7 алтын 1 күміс 4 қолаға ие болды

2-жүргізуші:  2013 жылы Францияның Қазақстандағы Мәдениет жылы деп аталды.

1-жүргізуші:  Ал ендеше  сынып оқушыларымен бірге  хор  «Желтоқсанның желі»

2-жүргізуші: Алдарыңызда көрініс:  Қайрат Рысқұлбековты тергеу үстінде айтқан соңғы сөзі.

1-жүргізуші:  

Желтоқсан тағдырларға азалы күн,                                                                                                                                                                                                                                                                                                                  Қайраған намыстарын мазалы мұң.                                                                                                                                                                                                                                                                                                                Қыршыннан қиылған боздақтары,                                                                                                                                                                                                                                                                                                                           Қалар мәңгі есінде қазағымның!

 2-жүргізуші:

Көк туым көгімдегі желбіреген,                                                              

Әлем танып бүгінде елжіреген

   Еңсем биік, тұғырым тым жоғары,                                    

Тәуелсіздік басқа қонған бағым дер ем!

Тәуелсіздік мерекесі құтты болсын!

1-жүргізуші:  Тәуелсіздік – тәңірдің сыйы. Ол оңайлықпен келген жоқ бізге. Тәуелсіздіктің 23 жылы ішінде егемендік пен елдіктің, береке мен бірліктің, ынтымақтың туын жоғары көтере білдік. Ендігі мақсат – Тәуелсіздігімізді көздің қарашығындай сақтап, басқа қонған бақытты бағалай білу. Тарих атты қарт шежіренің қойнауына алтын әріптермен жазылған күн, егемен еліміздің ең ұлық, ең қастерлі мерекесі – Тәуелсіздік құтты болсын.

 

Пікір үстеу

Э-пошта мекенжайыңыз жарияланбайды. Міндетті өрістер * таңбаланған