sabaq.kz sabaq.kz
Қарағанды облысы
Абай ауданы
Топар кенті
Абай атындағы жалпы орта білім беретін мектеп
Тауекелова Сандугаш Рымбековна
Сабақтың тақырыбы: Темір және оның қосылыстары
| Тегі, аты, әкесінің аты және жұмыс орыны | Тауекелова Сандугаш Рымбековна
Абай ауданы, Топар кенті Абай атындағы жалпы орта білім беретін мектеп |
Пәні: химия | Сынып: 9 |
| Сабақтың тақырыбы: | Темір және оның қосылыстары, темір қосылыстарының арасындағы генетикалық байланыс | ||
| Мақсаты: | Оқушылардың ойлау әрекеттерін белсендіре отырып, темір және оның қосылыстары туралы білімді меңгеруіне жағдай жасау | ||
| Міндеттері: | Химиялық элементтердің ПЖ-гі орыны бойынша темірге сипаттама беру;
Темір (ІІ, ІІІ) оксиді мен гидроксидінің қасиеттерін салыстыру; темір қосылыстарының арасындағы генетикалық байланысты іске асыру Топтық жұмыс арқылы өзін-өзі реттеуге тәрбиелеу. |
||
| Күтілетін нәтиже:
|
Химиялық элементтердің ПЖ-гі оны бойынша темірдің қасиеттерін сипаттай алады;
Темір оксидтері мен гидроксидтерінің қасиеттерін салыстыра отырып, олардың арасындағы генетикалық байланысты реакция теңдеулерін жазу арқылы іске асыра алады; Топтық жұмыс арқылы өзін-өзі реттей алады. |
||
| Жетістік критерийлері: | Оқу мақсатына жетті: — темір қосылыстарын ажырата алып, сыни ойлау қасиеттері жетіледі:
Химиялық білім қалыптастыра отырып, өзін-өзі реттеп, ойын ашық жеткізе алады. Оқу мақсатына талпыныстағы оқушылар: химиялық реакцияларды жазып, химиялық тілді қолдануда кемшіліктер жібереді |
||
| Негізгі ойлар: | Оқушыларға темір қосылыстарын ажыратып, олардың арасындағы гентикалық байланысты ұғындыру | ||
| Оқулық:
|
М.Б.Усманова, Қ.Н.Сақариянова. Химия, жалпы білім беретін мектептің 9-сыныбына арналған оқулық | ||
Сабақ барысы:
| Уақыты | Мұғалімнің іс-әрекеті | Оқушының іс-әрекеті | Бағалау | Ресурстар: | |||||||||||||||
|
Кіріспе
2 мин
|
Ұйымдастыру кезеңі:
Сәлемдесу. Оқушылардың сабаққа дайындықтарын бақылау(оқу құралдары, т.б.) «Кімнің қандай екенін тап» Мақсаты: Оқушылардың арасында ынтымақтастық атмосферасын ұйымдастыру Кім ешқашан кешікпейді- Кім ешқашан айқайламайды- Кім барлығымен өте сыпайы-т.б Сөз тіркестері жазылған стикерлер таратады. |
Оқушылар сабаққа қажетті құралдарын дайындайды
Өзіне түскен сөз тіркестерін жалғастырады.
|
Қалыптастырушы:
Жарайсыңдар! |
Стикерлер, маркер,
|
|||||||||||||||
| 1 мин
|
Топқа бөлу.
Мақсаты: Топта өзін-өзі реттеу, жұмыс істеу дағдысын қалыптастыру Сабақ басында берілген стикер түстерімен сыныпты топқа бөледі. Оқушылармен бірлесе топта жұмыс істеу ережесін еске түсіру Мысалы: 1.кешікпеу; 2.бір-бірінің сөзін бөлмей, тыңдау; 3.белсенді болу; 4.көмектесу; т.б |
Стикер түсіне байланысты үй топтарына топтасады.
1-топ: Темір, атом құрылысы, ПЖ орыны, физ-қ және химиялық қасиеттері; 2-топ: Темір (ІІ) оксидтері және гидроксидтері; 3-топ: Темір (ІІІ) оксидтері және гидроксидтері; 4-топ: темір қосылыстарының арасындағы генетикалық байланыс .Оқушылар топ ережелерін еске түсіреді. |
Бағалау парағы топ басшысына беріледі.
|
«Топ ережесі»,
Бағалау парағы |
|||||||||||||||
| 5 мин | Тұсаукесер
Химиялық диктант арқылы үй тапсырмасы тексеріледі. |
Оқушылар жеке химиялық диктантты орындайды. Жұптағы оқушылар бірін-бірі бағалайды | Өзара бағалау | PowerPoint таныстырылымы | |||||||||||||||
| 3 мин
3 мин |
«Қызығушылықты ояту»
«Элементтердің аттарын табу» ойыны Те (1) Ғе(2) Mn(1) Ag (4) Rn(1) Sc(5) С(4) Pb(1) Hg(2) N(2) Pb (4) Au(1) Ni(1); K(1) O(4) N(2) Sc(5) Be(2) Se(1) Os(1) Sn(1) Бірінші болып тапқан оқушы немесе топты бағалау. «Ой қозғау» Интерактивті тақтадан виртуалдық зертхана арқылы темір (ІІ,ІІІ) оксидтері мен гидроксидтерінің алынуы көрсетіледі. |
Қай металл жайлы айтылып тұрғанын табады.
Шешуі: «Темірді қызған кезде соқ!»
Сабақ тақырыбына болжам жасалады.
Оқушылар виртуалды зертханадан көргендерінен ой түйіндеп, сыни тұрғыдан ойлап, сабақтың мақсаты мен міндеттерін айқындайды. |
Өте жақсы!
Смайлик арқылы бағалау
|
Интерактивті тақтадағы PowerPoint таныстырылымы,
Виртуалды зертхана СD-дискі |
|||||||||||||||
| Сабақтың тақырыбын дәптерге жаздыртып, мақсаты хабарланады. таныстырады. | Күнді, тақырыпты дәптерлеріне жазады.
Жетістік критерийлерін еске сақтайды. |
Интерактивті тақта,
слайд |
|||||||||||||||||
| Негізгі бөлім
3 мин |
«Білемін. Білгім келеді. Үйрендім» кестесі.
Әр топқа «ББҮ» кестесі таратылып, оқушыларға кестенің бағандарын толтыру ұсынылады. |
Әр топ берілген кестенің тиісті бағандарын толтырып, өздерінің нені білгілері келетіндіктерін көрсетеді. | Оқулық,
«ББҮ» кестесі |
||||||||||||||||
| 15 мин
|
«Жигсо» әдісі
«ББҮ» кестесінен оқушылар нені біліп, нені үйренгілері келетіндікте-рін негізге ала отырып, тапсырмалар дайындап, сарапшылар тобына береді.Мазмұнды ғана айтумен шектелмей, туындаған сұрақтарды талқылап, шешім табу керек. |
Оқушылар үй тобынан сараптама тобына барып, олар материалды толық оқып немесе орындайды.
Үй тобына келген соң сарапшылар өз бөліктері бойынша жалпы талқылауды басқарады. |
Бағалау парағын толтырып отырады | Тапсырма жазылған үлестірмелі ресурстар. | |||||||||||||||
|
|
Формативті бағалау:
Мұғалім ақпараттарды дұрыс пайдаланып, өз ойын дұрыс жеткізе алған топтарға жасыл стикерлер береді
|
Жасыл түс – өте жақсы, сары түс–қателіктер бар, қызыл түс – жұмыс жасау қажет. | Түрлі-түсті стикерлер | ||||||||||||||||
| 7 мин | «Зертте, салыстыр, түйінде»
Тапсырма: Темір қосылыстарының арасында қандай генетикалық байланыс бар, олардың күнделікті өмірдегі маңыздылығы қандай? |
Оқушылар тиісті реакция теңдеулерін жазып, темір қосылыстарының маңыздылығын өз ойларымен айтуға дайындалады. Дайын болған соң жұмыс қорғалады. | «Екі жұлдыз, бір тілек» | Оқулық, ватман, маркер, стикерлер | |||||||||||||||
| Қорытын-ды
2 мин |
|
Сабақтың басында берілген «ББҮ» кестесіне не біліп, нені үйренгендерін жазады. | «ББҮ» кестесі | ||||||||||||||||
| Бағалау
2 мин |
Бағалау парағы
Бағалау шкаласы: 25 -30 – «5»; 19-24 — «4»; 10 – 18 — «3»; 1-9 — «2» |
Жиынтық бағалау | Бағалау парақтары, оқушы күнделігі | ||||||||||||||||
| Рефлексия
2мин |
|
Оқушылар көрсетілген сұрақтарға тиісті стикерлер түсін таңдап, ойларын жазып, тақтада ілінген сәйкес суреттердің астына жапсырады. | Ауызша бағалау | стикерлер | |||||||||||||||
| Үйге тапсырма | Эссе: «Темір – өмір элементі» | Тапсырманы жазып алады | Оқулық, күнделік | ||||||||||||||||
Рефлексия:
Жалпы сабақ 7 модуль идеясына негізделіп құрылды. Сабақтың әр кезеңінде оқушылардың проблеманы шешу құзіреттілігі, ақпараттық құзіреттілігі және коммуникативтік құзіреттіліктерін дамыту мақсатында әртүрлі стратегиялардың тиімді қолданылуына ерекше мән бердім. Сабақ мақсатына жетті деп ойлаймын. Бұған дейін оқушылар темірді тек жай зат ретінде танып білсе, аталған сабақта олар оны химиялық тұрғыдан танып білді. Оған дәлел оқушыларға сабақ басында «Білдім. Білгім келеді. Үйрендім» кестелері таратылып берілді. Олар бұл кестеде темір қосылыстары туралы білгілері келетіндіктерін көрсеткен. Сабақта «Жигсо», «Зертте, салыстыр, түйінде» стратегиялары қолданылды. Оқушылар сабақта темірдің екі түрлі оксиді мен гидроксидтерін ажыратып, олардың арасындағы генетикалық байланысты химиялық реакциялар жазу арқылы іске асыра отырып үйренді.
Сабақтың сәтті тұстары:
- «Қызығушылықты ояту» кезеңі өте сәтті болды деп ойлаймын. Оқушылар «Элементтердің аттарын табу» ойыны арқылы мақалды шешіп, сабақтың тақырыбын өздері болжауы олар үшін өте қызықты болды.
- Рефлексияға алынған стратегия өте тиімді болды, оқушылар нені түсініп, нені түсінбегендіктері нақты көрініп, келесі сабақты жоспарлағанда ескерілетін болады.
Келесі сабақтарда ескерілуге тиіс:
- Химия пәнінен мәтін есептерді шығару оқушыларға қиындық тудыртады. Осы тұрғыда диалогтік оқыту тиімді бола ма деген ойдамын. Себебі мәтін есептерді шығаруда оқушылардың жүйелі ойлауы, түсінуі, талдауы әңгімелесуі диалог арқылы орындалады.
- Құзырлы оқытудың негізгі идеясы оқушы тақырыптың мәнін өз бетімен меңгеруі, түсінуі мен бағалай алуы болып табылады. Әлі де болса осы бағыттағы жұмыстарды жандандырып, «оқушы үніне» баса көңіл бөлу қажет.
Қорыта келгенде, сабақтарды осындай әдіс – тәсілдермен өткізу арқылы мен оқушылардың білімді өз бетімен оқып-үйрене алатынына, өзінің оқуы үшін өзі жауапты екендігін сезінетіндігін, қызығушылықтары оянып, белсенділіктері артатындығын, олардың ой еркіндігі дамитындығына көзім жетті. Сондықтан да мен, бұл бағдарламаны барлық ұстаздар меңгеріп, барлық мектептерде қолдау тауып, тиімді қолданылуы керек деп ойлаймын.
