sabaq.kz sabaq.kz
Алматы облысы
Іле ауданы
Боралдай кенті
Іле ауданы әкімінің «Балдаурен» балабақшасы МҚК
Дене шынықтыру нұсқаушысы Какиланова А.Б.
Тақырыбы: «Толағай» (спорттық сайыс)
Мақсаты: Ата-аналарды қатыстыра отырып, өткізілген бұл сайыста баланы
өмірде белсенді болуға, алға қойған мақсатты орындауға үйрету, қимыл-
қозғалыс қабілеттерін дамыту. Балаларды шапшаңдыққа, жылдамдыққа, төзімдікке, салауатты өмір салтына тәрбиелеу.
Ұйымдастырылған оқу іс-әрекетінің түрі: Спорттық іс- шара
Білім беру саласы: «Денсаулық».
Алдын-ала жүргізілетін жұмыстар: Сайыс тақырыбы, топ аттарын жазу эмблемалар, дипломдар.
Әдіс тәсілдері: түсіндіру,әңгімелеу, топтастыру, көрсету, ойын.
Сайыс барысы:
Жүргізуші: «Балдәурен» балабақшасының құрметті қонақтары мен ата-аналары, бүгінгі ата- аналарымен тәрбиенушілерінің арасында өтетін «Толағай» отбасылық сайысына қош келдіңіздер.
«Толағай» отбасылық сайысы еліміздегі отбасылардың атсалысуымен өтетін тәрбиелік маңызы зор ойын-сауықты спорттық іс-шара. Бүгінде осындай іс-шара біздің балабақшамыздың ортаңғы топ бүлдіршіндері мен ата-аналарының арасында өткізгелі отыр. Үш отбасы қатысады..
Толағай: — Оу-у, мына жерде балалар жиналып қалыпты ғой. Сәлеметсіңдерме, балалар, ата-аналар, қонақтар! Менсіз қалай «Толағай» отбасылық сайысын өткізгелі жатырсыздар?
Жүргізуші: Сәлеметсіз бе, Толағай? Кел онда, сайысты бірге жүргізейік.
Толағай:
Ал,қанекей, қонақтар,
Ортаға назар салайық.
Ойыншылар келеді,
Қол соғып қарсы алайық.
Жүргізуші: Ақ түсті киімде «Бүркіт» тобы, қызыл түсті киімде «Тұлпар» тобы, көк түсті киімде «Барыс» тобы.
Толағай: Сайыс болған соң, спорт заңы бойынша жүзден жүйрік, мыңнан тұлпарын тағайындайтын құрметті әділ-қазылар алқасымен таныстырып өтейік.
«Балдәурен» балабақшасының меңгерушісі: Аманкулова Ш.А
«Балдәурен» балабақшасының әдіскері: Чалимбаева Б.
«Балдәурен» балабақшасының психологы: Ошкарова Н.С
Жүргізуші:
Өнер қуып отбасы өтер дейміз
Бір басына өнері жетер дейміз
Сайысқа келген топтар кезектесіп,
Таныстырып өздерін өтсе дейміз.
(Әр топ өздерін ұрандарымен таныстырады)
«Бүркіт» тобы.
Ұраны: Ұшақтан да ұшқырмын
Жедел озған жүйрікпіз.
Келіп тұрған жарысқа
«Бүркіт» тобы боламыз.
«Тұлпар» тобы
Ұраны: Біз балдырған бақытты
Әкеміз бен анамызда
Жеңілдейміз, озамыз
«Тұлпар» тобы боламыз.
«Барыс» тобы.
Ұраны: Арыстандай айбатты
Жолбарыстай қайратты.
«Барыс» тобы боламыз
Жарысамыз ой қатты!
Толағай:
Бәрекелді, әр топ өздерін таныстырып өтті. Ендігі кезекті сайысқа берейік.
Жүргізуші: Бүгінгі спорттық сайыс 6 кезеңнен тұрады.
- 1. «Құлатпай алып өт» сайысы.
- «Мергендер» сайысы.
- «Кім жүйрік» сайысы.
- «Арқан тарту» сайысы
- «Жұмыртқаны түсірме» сайысы
- «Допты түсірме» сайысы
Әр сайыстан кейін әділ-қазылар алқасы әділ бағасын беріп отырады.
Толағай:
Қалма жұрттың соңында,
Қажет болса мың атта
Аздық етер оныңда,
Жету үшін мұратқа.
«Құлатпай алып өт» сайысы
Шарты: Ата-аналар қолдарын айқастырып, баласын отырғызып, кедергілер арасымен жүгіріп өтеді. Бірінші келген топ жеңімпаз.
Сабырлы да, салмақты әділ-қазыларымыз ұпай сандарын көрсетулерін сұраймыз.
Жүргізуші:
«Мергендер» сайысы.
Шарты: Допты екі аяқтың арасына қысып, түсірмей кедергілер арасымен өтеді, ілініп тұрған шарды жарып қайта келеді.
Әділ-қазылар ұпай сандарын көрсетіңіздер.
Толағай:
«Кім жүйрік» сайысы.
Шарты: Қаптың ішіне кіріп қос аяқпен секіреміз.Ойынның шартын бұзбаймыз,бірінші келген топ жеңімпаз
Ал,неді әділ-қазылар әділ ұпайларыңызды беріңіздер.
Жүргізуші:
Ойын ойнап,ән салмай
Өсер бала бола ма?
Күміс күлкі көрмей ол
Кемеріне толап ма?
Айгөлек-ау, Айгөлек
Айдыңжүзі дөңгелек
Айдай толған кезімде
Би бибейміз дөңгелеп
Олай болса келесі сайысымыз «Арқан тарту» сайысы.
Шарты: Екі топқа бөлініп, арқан тартамыз, белгіленген жерге дейін арқанды тарту керек.
Отбасылардың өнеріне тәнті болып отырған әділ-қазы мүшелері ұпайларыңызды көрсетіңіздер!
Жүргізуші:
Келесі сайысамыз «Жұмыртқаны түсірме» сайысы.
Шарты: Кедергілер арасымен қасықтағы жұмыртқаны түсірмей өтіп, қайта келеді. Бірінші келген топ жеңімпаз.
Толағай:
-Енді соңғы сайыс «Допты түсірме» сайысына кезек берейік.
Шарты: Әкесі мен анасы маңдайларына допты қысып, түсірмей кедергі арасымен жүріп өтеді Бірінші келген топ жеңіске жетеді.
Жүргізуші: Сайыс осымен тәмам. Төреші әділ-қазыларымыз ұпай сандарын есептеп, қай отбасы топтары, топ жарып жеңіске жететіндігін хабарлағанша, барлық қатысушылардың орындауында «Қара жорға» биін тамашалаңыздар.
Жүргізуші:
Қорытынды: — Ендеше, осы денсаулықты зор байлық деп білетін белсенді де білгір, денсаулығы мықты спорт десе ішкен асын жерге қойып, алтын уақытын спортқа арнайтын спортты сүйетін отбасылардың жетістіктерін марапаттау рәсіміне көшейік.
Сөз кезегі әділқазыларда (Марапаттау рәсімі).
Салауатты өмір салтын сақтап, болашағымызды сәулендірейік!
«Толағай» отбасылар сайысы осымен аяқталды.
Салауатты өмір салтын қолдаймыз,
Жамандықтан жанымызды қорғаймыз.
Денсаулықты жанымызға серік қып
Болашаққа аманат қып жолдаймыз.
Белсенділік танытып, тамашалағандарыңыз үшін көп-көп рахмет!.[bws_related_posts]
