Күз сыйы

Мотивациялық қозғаушы

Шаттық шеңберін ұйымдастырады.

-Біз, қандаймыз, қандаймыз!

Шұғылалы таңдаймыз!

Жарқыраған күндейміз!

Ренжісуді білмейміз!

Балалар жақсы көңіл күймен айтады.

Ізденістер ұйымдастыру

-Бүгінгі сабақта, балалар, біз күз мезгілі туралы әңгімелесеміз.

-Қане, кім күз туралы тақпақтар біледі?

Табиғаттың шексіз байлығы болып саналатын күз мезгілінің ерекшелігі туралы- жаз мезгілі мен күз мезгілін салыстыру арқылы түсіндіреді:

Жаз мезгілінде – ауа райы ыстық болады, гүлдер жайқалып, табиғат әдемі болып тұрады, адамдар жеңіл киінеді, күн ұзақ болып, түн қысқа болады.

Күзде ауаның температурасы-күн суытады, жаңбыр-шашын көп болады, адамдар жылы киінеді.Ағаштардың жапырақтары сарғайып, жерге түседі.

Күн мен түннің ұзақтығы-күз мезгілінде күн қысқарады да, ал түн ұзарады.

Сергіту сәті.

Әліппе-дәптермен жұмыс:

1.Күзгі бақтағы еңбек туралы түсіндіру.

2.Жарты алманың екінші бөлігін тапқызу.

3.Жеміс пен жидек сөзіне сөздік жұмысын жүргізіп, оларға не жататынын айту, айырмашылықтарын түсіндіру.

Жеміс дегеніміз — жеміс беретін ағаштар мен сабақты өсімдіктер басына шығатын шырынды мәуе.

Жидек дегеніміз — таңқурай, бүлдірген, құлпынай өсімдіктері жемісінің жалпы атауы.

Дидактикалық ойын :«Бақшада ма, бауда ма?»

Шарты: жеміс-жидектер қайда өсетінін және көкөністер қайда өсетінін тауып айту. Жеміс ағашына – бауға- жеміс-жидектерді, бақшаға — көкөністерді жапсыру.

Күз туралы тақпақтар айтады

Жаз мезгілі мен күз мезгілінің ерекшелігін салыстыру арқылы түсінеді.

Қимылмен көрсетеді.

Тапсырмаларды ынтамен орындайды.

Дидактикалық ойынға балалар белсене қатысады.

Рефлексиялық коррекция

Сабақты қорытындылау.

-Бүгінгі сабақта не үйрендік?

-Табиғаттағы күз мезгілінің өзгерістерін, ерекшелігін айтып беріңдер.

Табиғаттағы күз мезгілінің өзгерістерін, ерекшелігін айтып береді.