Қуыршаққа арналған киімдер. Кеудеше тілу.

Күтілетін нәтиже

Дамытушылық: модельдеу саласындағы алған білімдерін дамыту,жұмыс істеу дағдыларын дамыту,қиялындағы фасонды қағаз бетіне сурет қып түсіре білуге,қиялдай білуге, қиялдай білуге үйрету.

Тәрбиелік: жұмыс тәртібін сақтау,еңбекті бағалауға үйрету,еңбек және тұрмыс гигиенасы ережелерін сақтай білуге тәрбиелеу,өзара көмек көрсетуге тәрбиелеу.

Сабақтың әдісі: формативті бағалау, түсіндірме бейнелеу, сарамандық жұмыс, практикалық оқыту.

Сабақтың көрнекіліктері: интерактивті тақта арқылы слайд, түрлі қуыршақтар, суреттер, қуыршақтың киім түрлері, эскиздер, қалып.

Сабақтың түрі: сыни тұрғыдан оқыту.

Тапсырма көздері: жеке, жұптық, топпен жұмыс

АКТ қолдану дағдылары: бейнекөрініс,

Әуен ойналады

Психологиялық ахуал

Сұраптап тезге салып, көп ойланам,

Ой түбіне жете алмай титықтасам,

Қолыма қайшы алып, ою оям-Б.Момышұлы атамыз айтқан екен.

Бөбектердей бүлдіршін,

Киініп тұр бір мүсін.

Ол қаз басып жүрмейді,

Сөйлемейді, күлмейді.               Жауабы: қуыршақ.

мұғаліммен бірге бүгінгі сабаққа сәттілік тілейді.

Топтарға бөлу

— Олай болса, біз 1-топ- Ұлттық қуыршақтар

2-топ- Театр қуыршақтары

3-топ-  Ойын қуыршақтары

4-топ-  Көрме қуыршақтары болып топтарға бөлінеміз.

(Көрме ашылады)

— Топ жетекшісін сайлаңыздар. (Жетекшілерге бағалау парақтарын таратамын)

Әр топ өз тобын қорғайды.Осы қуыршақ  туралы не айта аласыңдар?

Сарамандық жұмыс

(Жеке, жұппен, топпен жұмыс)

— Тақтадағы нелерді көріп тұрмыз? (қуыршақтың киім үлгілер)

  Модельдеу дегеніміз-бұл эскиз бойынша жасалған бұйымның үлгісі. Киімді модельдеумен модельерсуретші айналысады.Модельер адамның дене бітімін сондай-ақ костюмнің бөлек бөлшектерінің үйлесімділік заңдарын білу керек.Тігін технологиясын жақсы меңгеруі керек. Модельдеу екі түрге бөлінеді. Көркемдік және техникалық. Көркемдік модельдеумен сән үйлерінің суретші-модельері айналысады.Техникалық модельдеу-нобайлар, суреттер, фотографиялар бойынша модельдер жасау. Онымен инженер-конструктор айналысады.

— Мына кеудешені модельдейміз. (Манекендегі кеудешені корсетемін)

— Кеудеше-көйлектің сыртынан кеудеге киюге арналған жағасыз, жеңсіз

жұқа киім.

— Бұл жұмысты жасау үшін бізге қандай материалдар мен құрал-жабдықтар

қажет болады деп ойлаймсыңдар? (қалың мата, таспабау, бор, ине-жіп,

қайшы)

— Ал, осы құрал-жабдықтармен жұмыс ережелерін еске түсірейік.

Қауіпсіздік ережелерін еске түсіру.

•      Өткір құралдардың жүзін саусағыңмен сипама.

•      Қайшыны біреуге ұсынған кезде, оның ұшын өзіңе қаратып ұста.

•      Қайшыны ашық қалдырма.

•      Қайшы мен инені  аузыңа салма.

•      Құралмен ойнама.

— Жұмыстың орындалу реті:

1. Матаны екіге бүктеп, дайын үлгімен бастырып сызып алу.

— Қандай мата түрлерін білеміз? (Мата түрлерін көрсету)

2. Сызық бойымен қиып алу.

3. Кеудешенің ортасын ашып, оң бетімен қиындыларын теңестіру.

4. Кеудешенің екі шетін біріктіріп тігу.

— Қандай тігіс түрін қолданамыз? (Көктеп тігу –бөлшектердің шетін біріктіруге (және матаның шеті сетінеп сөгілмеуі үшін тігіледі) үшін қолданылады.)

5. Кеудешені оң бетіне аударып, жиегіне таспабауды бастырып тігу.

— Олай болса, жұмысымызды бастайық. Қол ұстасып, бір-бірімізге сәттілік тілейік.

•      Уақытыңды тиімді пайдалан.

•      Жасаған бұйымың әдемі, көрікті болсын.

— Бір-бірімізге көмектесуді ұмытпайық. Ынтымақ-адамдар арасындағы татулық  дегенді қалай түсінеміз?

Балалар қалыппен бастырып қиып, тігіп дайын кеудешені көрсетеді.

Барлық бұйымдардан көрме ұйымдастырылады.

— Топ жетекшілері жақсы деген кеудешелерді атап, мадақтап, басқаларына баға беріңіздер.

— Біз бүгін не істедік? Модельдеу деген не? Кеудеше деген не? Қандай матадан тіктік? Кеудеше туралы 5 жолды өлең. Еңбек туралы мақал-мәтел айту.

Жасыл түс- сабақты түсіндім

Сары түс- жартылай түсіндім

Қызыл түс- мүлде түсінбедім дегенді түсіндіреді.