Ұзартылған күн тобының жоспары

Алматы қаласы, Алмалы ауданы
№ 67 жалпы білім беретін мектеп 
Бастауыш сынып мұғалімі
Елеубаева Перийзат Жанузаққызы
Ұзартылған күн тобының жоспары

Сабақ тақырыбы: Әдеп деген не?
Сабақтың мақсаты:

 

1. 1.      Білімділік: Адамгершілікке, кішіпейілділікке, жаман әдеттерден аулақ болуға баулу, адам бойындағы ұнамды, ұнамсыз қылықтарды ажырата отырып, әдеп әліппесін бойына дарыту. «Әдеп», «әдептілік» туралы түсініктерін кеңейту;
2. 2.      Дамытушылық: Физикалық күштерін дамыту, жылдамдықтарын,

Икемділіктерін, төзімділіктерін, басшылықты қасиетке, қабілетке тапсырманы орындауға, шығармашылық тәсілдерін меңгеруге үйрету.

1. 3.      Тәрбиелік: Адами қасиеттерге баулу, еңбекті сүюге, табиғатты

аялап, қорғауға, достарына деген мейірімді қарым қатынас қалыптастыру, өз ойын, пікірін, ұжымның ортақ ойыны, пікіріне, түсінігіне ұштастыра білуге үйрету.

                                                             Күн тәртібі 

І. Балаларды қабылдау:

• Ата аналармен, мұғалімдермен әңгімелесу;
• Баланың көңіл күйі, денсаулығы туралы ақпарат;
• Үй тапсырмасының ерекше тұстарына көңіл бөле әңгімелеу;
• Жоспарды түзету, толықтыру (егер қандай да бір өзгерістер болса);
• Үй тапсырмасын орындауға дайындық.

ІІ. Өз бетінше дайындық:

• Өзіндік дайындыққа арналған уақытты хабарлау;
• Үй жұмысын оқушылардың барлығы толық орындауын қадағалау,

бақылау;

• Үлгере алмай жатқан оқушыларға көмек көрсету.

ІІІ. Үй тапсырмасын дайындау және орындау:

• Өткен тақырыптар бойынша қайталау жұмыстарын жүргізу;
• Үйге берілген тапсырманың мазмұнын ашып қорытындылау;
• Оқу кабинеттерінің ауасын тазартуды қамтамасыз ету.

ІҮ. Серуендеу:

• Қоршаған ортаны бақылауды ұйымдастыру (ауа райының қалпы, тірі

және өлі табиғаттың нысандарын, құбылыстарына, заттарына бақылау жасау);

• Спорттық, қозғалыс ойындарын ұйымдастыру;
• Мектеп ауласының үлескісінде еңбек жұмыстарын ұйымдастыру

(қураған жапырақтардан, қардан үлескіні тазарту, гүлзарда жұмыс жасау, суғару, арамшөптен тазарту, т.б. жұмыстар);

• Өзіндік ойын іс әрекетінде жағдай туғызу (жасау);
• Оқушылармен жеке, дара және топтық (әңгімелесу, пікір алмасу, ой

толғау) сұхбаттасу өткізу.

V. Қызығушылықтары бойынша сабақтар:

Әдеп.
Сыйлап сәлем беремін,
Көршілерді көргенде.
Ізетті де білемін
Үйге қонақ келгенде.
Әдепсіз деп сөкпесін,
Апама айтып өкпесін.
К. Байзақов
— Бүгін біз әдептілік, адамгершілік туралы әңгімелесеміз.
Әңгімелесу
• Әдептілік деген не? Оны қалай түсінесіңдер?
• Әдепті бала қандай деп ойлайсыңдар? Әдепті бала болғың келе ме?
• Әдепсіз дегенді қалай түсінесіңдер? Әдепсіз бала қандай болады?
• Әдептілікті бізге кім үйретеді?
Түйіндеу

Адам баласының бойында жақсы да, жаман да қасиеттер болады екен. Бізге ақылдылықты, адалдықты, қарапайым — кішіпейілділікті, инабаттылықты, шыншылдықты үлкендер үйретеді. Ол — біздің ата — анамыз, ақсүтін бере лтырып, ана тілімен үйретеді. Біз оны түсініп, ата — баба салт, әдеттерін үйренеміз. Адам болатын бала — барлық жақсы қасиеттерді үйреніп, жаман мінез әдеттерден, ұнамсыз қылықтардан аулақ болуға тырысуы керек. Әдепті, ақылды балалар қандай болуы керек екенін мына өлең жолдарынан тыңдап көрсек.

VІ.  Түскі тамақтану:

• Асханадағы кезекшілікті ұйымдастыру (кезекшілік кестесі);
• Үстелді әзірлеу (ыдыстарды дұрыс орналастыру);
• Қол жуғанда, тамақтанғанда мәдени гигиеналық дағдыларды

қалыптастыру;

• Тамақтанып отырғанда әдептілік ережелерін сақтауға, асхана

құралдарын дұрыс қолдануға дағдылану.

ҮІІ. Топтың жұмысын аяқтау:

• Келесі күнге кезекшілерді ұйымдастыру;
• Ойыншықтар, ойын құралдары мен жұмыс орындарын жинау;
• Сыныптың тазалығын бақылау.

Ұзартылған күн тобының жоспарын толық жүктеңіз

 

 

 

[bws_related_posts]