Кемеңгер елбасы

Қарағанды облысы,
Жезқазған қаласы,
«Қ.И.Сәтбаев атындағы  №7 мектеп- лицейі» КММ
Жоғарғы деңгейдегі бірінші санатты бастауыш сынып мұғалімі

Козыбаева Гульнур Жумабековна

 

 

         

1-желтоқсан  Президент күні

Мақсаты: білімділік- оқушыларға Қазақстан Республикасының Президенті Нұрсұлтан Назарбаев туралы жан- жақты түсінік қалыптастыру, елбасының қоғамға және мемлекетке сіңірген еңбегі, экономика мен саясаттағы реформаларына талдау жасау арқылы білімдерін толықтыру;

дамытушылық- жеке тұлғаның зияткерлік дамуын өз бетінше іздену, оқу арқылы қалыптастыру, жеке тұлғаның зерттеушілік және шығармашылық қабілетін дамыту;

тәрбиелік-елбасының халқына сіңірген еңбегін, ерлігін, жүргізген саясатын үлгі ету, оқушылар бойына  демократиялық құндылықтарды сіңіріп тәрбилеу.

Көрнекілік: елбасының суреті, сюжетті ( рәміздер, Астана, еңбек жолындағы) суреттерден әзірленген слайдтар,  еңбктері, үнтаспа, буклеттер, қанатты сөздер.

БАРЫСЫ

І. Ұйымдастыру кезеңі

Қазақстан Республикасының әнұранын орындау.

«Елі сүйген, елін сүйген Елбасы»

Тәрбие сағатының эпиграфы: «… Мен өз халқымның жолында басымды бәйгеге тіккен адаммын. Маған ары үшін жанын садаға ететін осындай текті халыққа, мені ұлым деп, перзентім деп төбесіне көтерген халыққа, арғы- бергідегі қазақ баласының бірде- бірінің пешенесіне бұйырмаған бақыты- толыққанды, тәуелсіз мемлекет құрудың қасында болу бақытын бұйыртқан халыққа қызмет етуден артық ештеңнің керегі жоқ, осы жолда мен бойымдағы бар қайрат-қабілетімді, білім-білігімді аямай жұмсаймын, қандай да тәуекелге барамын…»

Нұрсұлтан Назарбаев.

 

Ой-шақыру стратегиясы.

«Нұрсұлтан Назарбаев- түрік әлемінің лидері»(Т.Ердоған- Түркияның премьер-министрі)

 

Мұғалім: Нұрсұлтан Назарбаев- мемлекетімізді орнатып, оны қалыптастырып, экономикасын реформалау арқылы өзін де, елін де әлемге мойындатқан заманның аса дарынды тұлғасы.  Аумалы-төкпелі алмағайып заманда мың өліп, мың тірілген қазақ үш ғасыр бойы іздеген мұратына да, арманына да Н.Ә.Назарбаев тұсында жеттік. Билік тізгінін қолына ұстаған жылдардағы Президентіміздің жарқылдаған келбетін, биік болмысын, кемел дарынын, ел басшысы ретінде көсемдік қасиеттерін бүгінгі ұрпақ жақсы білуі тиіс.

Н.Ә.Назарбаев- ұлттық дәстүрден тәрбиеленген, халқының бар қадір- қасиетін бойына жинаған, тілін, тарихын, мәдениетін, әдет-ғұрпын, салт-дәстүрін жетік білетін, ұлтын жан-тәнімен сүйетін, оның мәртебесін өсіріп келе жатқан, халқының үмітін, сенімін ақтап келе жатқан ұлтжанды азамат;

• қалың елінің жаңашыры,  мұңдасы, тағдырласы;

• қорыққанға қорған, тарыққанға пана, зарыққанға сана бола білетін өз елінің шын перзенті;

• алдағыны болжай білетін, ертеңгісін де оза ойлай білетін көсем;

• елдің жүгін көтеріп келе жатқан қара нары;

• халықаралық қауымдастыққа кеңінен танылған, өркениетті елдердің басшыларымен терезесі тең, сөйлескенде сөз алатын, егескенде еңсесін басатын, елдескенде мейірімін шашатын сарабдал саясаткер.

1-жүргізуші

Ой қозғау стратегиясы.

Қазақстан Республикасының Президенті Нұрсұлтан Әбішұлы Назарбаевтың өмірі мен қызметі, саясаттағы, экономикадағы, мәдениеттегі атқарған игі істерін талдау үшін зерттеуші оқушыларға сөз кезегін береміз.

1- оқушы

Сөйлесіп бір жүрген қай сөзіңде де халықты биік қоясың,

Халықпен бір ашығасың да халықпен бірге тоясың.

Жастықтың жалын шақтарыменен бірге айтып арман әндерін,

Қазақстанның бақтарыменен бірге жапырақ жаясың.

 

Халықтың мұңы мұңдайтының да, халықтың жыры жырлар жыр,

Көкірегіңде көнермей әлі өткен де кеткен жылдар жүр

Соныңа  ердік сол ғана бізді жеткізеді деп бақытқа,

Бақытқа баста байтақ еліңді, бақытсыздықтан құр қалдыр.

2-жүргізуші

Елбасымыз Н.Ә.Назарбаев 1940 жылдың 7-шілдесінде Алматы облысының Қаскелең (Қарасай)ауданындағы  Шамалған ауылында туған. мамандығы- инженер- металлург. Экономика  ғылымының  докторы, академик, «Ғасыр адамы» атанған қайраткер. Елбасының атасы Назарбай өз аумағында  билік жүргізген, ел басқарған адам екен. Шамалған, Қаскелең, Үшқоңыр жайлауын мекендеген.

 

2- оқушы

1958 жылы мектепті үздік бітіргеннен кейін Теміртау қаласына Қарағанды металлургия комбинатына  жұмысқа тұрды.

1958-1960 жылдары Днепродзержинск техникалық училищесінде оқыған.

1962-1965 жылдары Қарағанды политехникалық институтында оқыған.

 

Ән: «Үш қоңырым»

3-оқушы

Әр сөздің астарында осы арада,

Ағайын, ой жіберіп жете қара.

Тәуелсіз Қазақстан тарихында

Тұлғасы Елбасының жеке дара!

 

4-оқушы

Өндірістік, экономикалық және әлеуметтік проблемаларды жетік білуі, халық пен тез тіл табыса алуы, қажырлы еңбекқұмарлығы, жан-жақты білімі, өз көзқарасы мен сенімін табандылықпен қорғай білуі саяси өмірбаянына негіз болды.

1969-1971 жылдары Теміртау қалалық комсомол комитетінің бірінші хатшысы.

1971-1973 жылдары Теміртау қалалық партия комитетінің хатшысы.

1973-1977 жылдары Қарағанды металлургия комбинаты партия комитетінің хатшысы.

1977-1979 жылдары Қарағанды облыстық партия комитетінің хатшысы, екінші хатшысы болып қызметтер атқарған.

5-оқушы

Жоғары мемлекеттік және партиялық қызметтері 1979 жылы Қазақстан КП ОК хатшысы болып сайланғаннан  кезден басталады.

1984-1989 жылдары ҚКСР Министрлер Кеңесінің төрағасы қызметін атқарған.

1989 жылы Қазақстан КП бірінші хатшысы болып ел басқару ісін бастады.

1990 жылы 24- сәуірде ҚКСР-«нің Жоғарғы Кеңесі Н.Ә.Назарбаевты Президент етіп сайлады.

6-оқушы

1991 жылы 1-желтоқсанда бүкілхалықтық сайлау қорытындысы бойынша Қазақстан Республикасының Президенті болып сайланды.

1995 жылы 23 сәуірде жалпыхалықтық референдум нәтижесінде өкілеттілігі 2000 жылға дейін ұзартылды.

1999 жылы 10- қаңтарда жалпыхалықтық сайлаудың  нәтижесінде Н.Ә. Назарбаев 79,75% дауыс алып Призидент болып қайта сайланды.

2005 жылы 4- желтоқсанда сайлаушылардың 91,5% дауыс алып Призидент болып қайта сайланды.

2011 жылы 4- сәуірде 95,5% дауыс алып Призидент болып қайта сайланды.

Н.Ә. Назарбаев өмірі мен қызметі

 

Тәуелсіздік жолындағы қадам. «Туған халқының тағдыры үшін күрескен»

 

1. жүргізуші

 

Ел өміріңің алуан салалы тіршілік тынысын терең білуі, шешімін күтіп, қордаланып қалған мәселелерді  тап басып тани алуы, ел  ішінде ұрымтал әрекеттерге барып, таңдаған бағытын табандылықпен жүзеге асыру қасиеті 1989 жылы маусым- шілдеде Жаңаөзен мен Қарағанды оқиғаларының оң шешім табуы, халықпен тіл табыса білуін байқатты.

2. жүргізуші

«Дәуір алмасып жатқанда өмір сүрме» дейді екен қытайлар. Ғасыр мен ғасыр алмасып, заман өзгеріп, аумалы- төкпелі кезде келген жаңа басшының алдында халықты «қазақ ұлтшылдығы» деген айыптан арашалау және тіл мәселесін шешу тұрды.

7-оқушы

-1989 жылдың 22- қыркүйегінде «ҚКСР-нің Тіл туралы»заңы қабылданды.

-1990 жылы қыркүйекте «30-50 жылдары заңсыз қуғын- сүргіннен зардап шегіп, кейін ақталғандарға жәрдем көрсету туралы» Жарғы шықты

-1990 жылы қазанның 25-інде «ҚКСР Мемлекеттік егемендігі туралы»Декларация қабылдады.

-1990 жылы 17- желтоқсанның Демократиялық жаңару күні Желтоқсан құрбандарына ескерткіш ашылды.

-1991 жылы тамыздың 29-ында «Семей полигонын жабу туралы»Жарлығы шықты.

-1991 жылы қазанның 2- сінде қазақ ғарышкерлері Тоқтар Әубәкіров ғарышқа ұшты.

-1991 жылы желтоқсанның 12-сінде «1986 жылы 17-18 желтоқсан оқиғаларына қатысқаны үшін жауапқа тартылған азаматтарды ақтау жөнінде» Жарлығы шықты.

(слайд, Тәуелсіздікті алған жылдар)

1. жүргізуші

Тәуелсіздік жылдарда

«Адам санасының, қоғам дамуының тамыршысы»

 

2. жүргізуші

 

Елбасы тәуелсіз елдің бұқаралық санасын өзгертуде, ұлттық дәстүрлерді қайта жаңғыртуда, тарихи сананы қалыптастыруда ерекше істер атқарды.

8-оқушы

1995 жылы «Қазақстан Республикасында тарихи сананы қалыптастыру тұжырымдамасы» қабылданды.

1997 жылдың Президенттің Жарлығымен «Жалпыұлттық татулық және саяси қуғын- сүргін құрбандарын еске алу жылы», 1998 жылдың «Халықтар тұтастығы мен ұлттық тарих жылы», 1999 жылдың «Ұрпақтар бірлігі мен сабақтастығы жылы» деп жариялануы өткен тарихтан келешек үшін тәлім алуға септігін тигізді.

 

1. жүргізуші

 

Ғылыми зерттеу жұмыстарының нәтижесінде халықтың санасына күштеп өшірілген тарихи тұлғалар- Алаш арыстарының есімдері халыққа қайтарылды.

Н.Ә. Назарбаевтың 1999 жылы жарық көрген «Тарих толқынында» атты кітабы ұлт пен мемлекеттің өткені мен келешегіне жалпы адамзаттық құндылықтар негізінде жаңа көзқарас қалыптастыру ісіне қосылған қомақты үлес деп бағалады.

 

9-оқушы

ХХ ғасыр соңында еліміздің рухани-мәдени өмірінде ЮНЕСКО-ның тегеурінімен Абайдың 150 жылдығын, Мұхтар Әуезовтың 100 жылдығын, Қаныш Сәтбаевтың 100 жылдығын, Мұхамед Хайдар Дулатидың 500 жылдығын, Түркістан қаласының 1500 жылдығы атап өтілді. Жамбылдың 100 жылдығын, Ғабит Мүсіреповтың 100 жылдығын,  Махамбет Өтемісұлының 200 жылдығы, Тараз қаласының 2000 жылдығы  ЮНЕСКО күнтізбесіне енгізілді.

 

10-оқушы

Кітап басу ісі қарқынды жүрді. «Қазақстан» ұлттық энциклопедиясының 10томы, «Қазақ әдебиеті», «Қазақ мәдениеті» энциклопедиялық  басылымы, Мұхтар Әуезовтың 50 томдық, Шоқан Уәлихановтың 30 томдық, Бауыржан Момышұлының 30 томдық, Қаныш Сәтбаевтың шығармалар жинағы жарық көрді.

2- жүргізуші

«Біз электрондық кітапхана, халықаралық бағдарламалар, интернет жүйесі, ғарыш, бизнес, сервистік технологиятілін білмейінше елеулі табысқа жете қоюымыз қиын»- дейді елбасымыз Н.Ә. Назарбаев

 

11-оқушы

1995 жылы 30-тамыздағы бүкілхалықтық референдумда ортақ тарихи тағдыр біріктірген Қазақстан халқы байырғы қазақ жерінде мемлекеттік құра отырып, еркіндік, теңдік және татулық мұраттарына берілген бейбітшіл азаматтық қоғам деп ұғына отырып, қазіргі және болашақ ұрпақтар алдындағы жауапкершілікті сезінетін, егемендік құқықтық ала отырып Ата Заңымызды қабылдады.

 

12-оқушы

         Алтын Заңда парасатым, пайымым,

         Алтын Заңда күш-қуатым, жалыным.

        Сен қорғайсың

        Бостандық пен құқықты,

        Анамдайсың елжіреген жаңа күн.

 

                                                    Ән: «Қазақ елі»

 

1. жүргізуші

 

        Қазақстан- бүкіл қазақтың Отаны

Н.Ә.Назарбаев- Дүниежүзі қазақтары қауымдастығының төрағасы.

Біз талайлы заманда тарыдай шашылып кеткен қандастарымызды атамекенге жинаған үш елдің біріміз. Тәуелсіздік жылдары шетелдерден 800 мыңнан астам отандастарымыз келіп, халық саны бір жарым миллионға артты.

 

13-оқушы

1992 жылдың 28-қыркүйегінен  4- қазанға дейін Алматыда  қазақтардың І Дүниежүзілік құрылтайы өтті. Оған 13 елден 800-дей өкілдер қатысты.

2002 жылдың 23-24- қазан күдері Түркістан қаласында қазақтардың ІІ Дүниежүзілік құрылтайы болып, оған алыс және жақын шетелдерден 400-ге жуық делегат қатысты.

2005 жылғы қыркүйек айында Астана қаласында қазақтардың ІІІ Дүниежүзілік құрылтайы  болып, оған шетелдерден 300-ден астам өкіл қатысты.

2- жүргізуші

 

«Қазақстан- біздің ортақ үйіміз»

«Н.Ә.Назарбаев- Қазақстан халқтары Ассамблеясының төрағасы»

Егемендік пен тәуелсіздігімізді нығайтып, алға қарай дамуымызда қазақстандықтардың көптеген ұрпақтары жинақтаған достық пен ынтымақтастық аса бағалы құндылықтарға жатады. 1992 жылы 14- желтоқсанда жаңа қоғамдық институт-Қазақстан халықтары Ассамблеясының негізі қаланды.

Қазқстан халықтар Ассамблеясы 1995  жылы 1-наурызда Президент жарлығыменен құрылды. Ассамблея- биүкіметтік, бисаяси, еліміздің Президенті жанындағы кеңесші орган, ол қызметін Конституцияға, Ассамблея туралы Ережеге сәйкес жүргізеді. Ассамблеясының төрағасы Н.Ә.Назарбаев. Ассамблея құрамына 320-дан астам адам енді.Олар қазақ халқы мен 33 диаспора өкілдері.

(слайд , елбасының Ассамблея отырысындағы суреттерден)

 

14-оқушы

Тәуелсіздікті алғаннан кейін еліміздің рәміздері әзірленді.

Рәміздерім- елдігімнің белгісі,

Білу керек баладағы ең кіші.

Рәміздерім- Әнұран, Ту, Елтаңба,

Рәміздерді жатқа білген-жөн кісі.

 

(слайд рәміздер), (схема, Әнұранға өзгерістер енгізу себептері)

 

 

15- оқушы

     1993 жылы 15-қарашада Қазақстан Республикасының Ұлттық ақшасы Теңге айналымға енді.

Ақшам шықты өзімнің тұңғыш рет,

Білдім дербес елімнің үлгісі деп.

Бейнеленген хан, ақын, ғалымдарым,

Беттерінен көз тартып тұрды сурет.

                                                                                                                           (слайд теңгелер)

 

16- оқушы

          Сән берген Сарыарқадай гүл өңірге,

          Жайнаған Отанымның жүрегінде.

         Астана- бақ ошағы, түп қазығым,

         Айналған бар қазақтың тірегіне.

 

1. жүргізуші

 

Жаңа қоғамға жаңа идея керек. Жаңа қоғам құру ісі жаңа қаладан басталады. Астана идея болып еніп, жаңа акме қоғамды өмірге әкелді. «Әкме» деген гректің биіктік, асқақтық, кемелдік деген ұғымдарын береді екен.

 

2. жүргізуші

Астананы кемел қоғам рәмізіне айналдырған- Елбасының көрегендігі мен қайрат- жігері. Қала салу ісі тұлғалық қуатты талап етеді. Тұлғалық қуатты психология ғылымында лидерлік деп атайды. Лидер болашақты болжап жүйелей біледі.

Бүгінде Астана- елдің ірі мегаполисі, жаңа ұрпақтың қаласы.

«Астана- шын мәніндегі жаңа дәуірдің қаласы, ақиқатқа айналған арманның қаласы», -деген екен Д.Медведев.

 

(слайд Астана суреттері), (схема, Жаңа Астана шежіресі)

 

 

17- оқушы

              Азияда, төрлет қазақ төріне,

              Туды көтер қазағымның көгіне.

              Бақыт болып келдің туған жеріме,

              Қуаныш боп ендің бүгін еліме.

 

18- оқушы

2010 жылдың ақпан айында 7- Қысқы Азияда ойындары Қазақстанның астана және Алматы қалаларының спорт алаңдарында өтті. Азиядаға Азияның 27 елінен үздік спорт саңлақтары қатысты. Қазақстан спортшылары қорытынды бойынша 1-орынды иеленіп, қанжығаларына 70 медаль салды. Оның 32-сі алтын, 21-і күміс, 17-сі қола.

 

1- жүргізуші

 

Енді Н.Ә.Назарбаевтың атсалысумен құрылған ұйымдарға назар аударыңдар (слайд)

 

2- жүргізуші

 

Н.Ә.Назарбаев- бірқатар ғылыми кітаптардың, әлеуметтік- экономикалық даму проблемалары мен қоғамдық- саяси еңбектердің авторы. Ал енді Президентіміздің еңбектерімен таныс болыңыздар.

(слайд, схема Н.Ә.Назарбаевтің еңбектері)

 

           Мұғалім:Қорыта келгенде, мемлекетіміздегі жоғары лауазым президенттік қызмет- елдің, халықтың үміті мен сенімін, бабалар аманатын арқалаған ең жауапты, ең қиын міндет. Бұл қызметті Отаны мен халқын шын сүйетін, ұлттық тілі, тарихы, мідениетін  құрметтейтін, елі үшін отқа түсетін нағыз азамат, патриот қана атқара алады. Олай болса біздің елбасымыздың бойында бұл  қасиеттердің барлығы бар екенін мынадан көре аламыз

 

   (слайд, схема)

1- жүргізуші

Уа, халқым, сөз қадірін білесің.

Жаңбыр жаумаса, жер жетім,

Басшысы болмаса, ел жетім.

Көсіле шабар жерің бар,

Ту көтерген елің бар.

Қол бастайтын ерің бар,

Атадан қалған сара жолың бар- дей келе тұғыш президентіміздің құрметіне арналған тәрбие сағатымызды аяқтамақпыз. Тамашалағандарыңызға рахмет!

 [bws_related_posts]