Уақыт

  Қарағанды облысы, Сәтбаев қаласы
«С.Сейфуллин атындағы гимназия»КММ
Дуйсен Лаура Боранбайқызы
Білімі: жоғары , ЖезУ
Біліктілігі жоғары бірінші  санатты маман
Сабақтың тақырыбы: Уақыт. Нәтиже сабақ
  Сабақтың  мақсаты:

1. Білімділік: Оқушылардың уақыт мезгілдері туралы  білімдерін тексеру, өткен материалды қайталау,сұраққа дұрыс жауап беру дағдысын  қалыптастыру.
2. Дамытушылық:  Нақты мысал келтіру арқылы  оқушының сөйлеу дағдысын дамыту,    шығармашылыққа баулу,қисынды ойлау қабілетін қалыптастыру.
3.Тәрбиелік: Уақытты үнемдей  білуге баулу, әдептілікке, ұқыптылыққа тәрбиелеу.
Сабақтың түрі: пысықтау сабағы.
Сабақтың әдісі: сұрақ- жауап, әңгімелеу.
Сабақтың көрнекілігі:  бейнеслайд, интерактивтік тақта, суреттер, сағат түрлері.
 Сабақтың барысы:
1.Ұйымдастыру кезеңі.   Оқушыларды сабаққа дайындау.
   Мұғалім:  -Сәлеметсіздер ме, оқушылар, отырыңыздар.
Балалар, бүгін біз сіздермен  9- модуль бойынша  «Уақыт » мезгілдерін қайталаймыз.
Бүгінгі сабағымыздың мақсаты:  Уақыт өлшемдерін дұрыс айта білуге машықтандыру. Лексикалық тақырып бойынша, сұраққа дұрыс жауап беруге сөздік қор жинап, тілдесім әрекетіне жетелеу.
Уақытты тиімді пайдалануға, ұқыптылыққа   үйренеміз.
Сабағымызды бастамас бұрын  бір –бірімізді қолдай отырып, сәттілік тілейік.
Оқушылар: бір-бірінің қолдарынан ұстап , бір-біріне сәттілік тілейді:
Сабағыңды жөндеп
Әзірленсең-еңбек.
Қиындықтың бәрін,

Еңбек қана жеңбек!
2.Үй тапсырмасын тексеру.
Мұғалім: Үйге қандай тапсырма берілді?
 Оқушы: «Жеті ұл»өлеңін жаттап келу, әнімен айту, сағаттың суретін салып келу.
Оқушылар«Жеті ұл»өлеңін әнімен айтып береді.
 Сәл демалып  тыным ал,
 Тақпақ жаттап , ұғып ал.
 Апта деген атайдың ,
Жеті бірдей ұлы бар.
 Біріншісі-Дүйсенбі
 Екіншісі- Сейсенбі
Үшіншісі- Сәрсенбі
Төртіншісі-Бейсенбі
Бесінші ұлы-Жұма
Алтыншы ұлы –Сенбі,
Жетіншісі-Жексенбі.
Мұғалім: Рақмет. Сонымен Апта атайдың неше ұлы бар екен?
Оқушылар: Дүйсенбі ,Сейсенбі, Сәрсенбі, Бейсенбі, Жұма,Сенбі, Жексенбі.
Мұғалім:                                                                                                                                     3. Суретті тест.  Өткен сабақты пысықтау , қайталау мақсатында  суретті тест тапсырмасын орындаймыз.
Алдарыңыздағы тест сұрақтарына жауап беріңіздер.
Сағат неше?  5 сұраққа жауап беру.  Жауап кілтімен тексеру .Оқушылар тест тапсырмаларын бір-бірімен алмастырды.

Тест жауабы-   1-Ә
2-А
3-А
4-Ә
5- Ә

Бағалау парағы  5- «5»
4-«4»

Бағалау парағына сәйкес оқушылардың білімдерін бағалау.

4.     Ой шақыру.                                                                                                          Мұғалім: Балалар «Уақыт » деген сөзді естігенде ойларыңа не  келеді?
айлар
күнтізбе
тәулік                              минут

секунд                                       сағат

жылдар                                жыл мезгілдері
апта
Оқушылар өз ойларын тақтада топтастырды.
Сұрақ –жауап.
Мұғалім :  1.Уақыт мезгілдерін қалай білуге болады?
Оқушы: Уақыт мезгілдерін  күнтізбе, сағат арқылы білуге болады
Мұғалім:   2. Механикалық сағаттың неше тілі болады?
Оқушы:     Механикалық сағаттың 3 тілі болады.
Мұғалім:   3.Ұзын , қысқа, жіңішке тілі нені көрсетеді?
Оқушы:   Сағаттың  ұзын тілі-минутты, қысқа тілі сағатты, жіңішке тілі –секундты көрсетеді:
Келесі тапсырманы орындау үшін әр оқушыға «Оқушының бағалау»парағы» берілді. Бағалау парағында  сабақта орындалатын тапсырмалар берілді.
4.  «Кубизм» стратегиясы бойынша /экранда кубиктің қырына сай сұрақтар шығып отырады. Сұрақтарға жауап бере отырып мына сандарды сөйлету.
                 365     12     4     7     24    60
                                                                                                                                                        Мұғалім:1-ші қыры:   «Ойлан, тап.»                                                                                  Бір жылда неше күн бар?  қаңтар, ақпан, желтоқсан айларында неше күн бар?
Оқушы : Бір жылда 365 күн бар. /31,31,28/29 күн бар
 Мұғалім: 2-ші қыры :  «Сен білесің бе?»                                                                                                           Бір жылда неше ай бар ? Бәйшешек қай кезде гүлдейді?
 Оқушы: Бір жылда 12 ай бар. / көктемде.
 Мұғалім:3-ші қыры: «Тез,ойла» «Қ»  әрпінен басталатын ай аттарын айт.                                                                                                                                                                              Бір жылда неше мезгіл бар?
Оқушы: Бір жылда 4 мезгіл  бар.  қаңтар, қазан, қыркүйек, қараша
Мұғалім: 4-ші қыры: «Әрі оқу, әрі ойын»  Сөздердің аудармасын тап.   Дүйсенбі- .., тоңазытқыш-…                                                                                                                                    Бір аптада неше күн бар?     / понедельник, холодильник /
Оқушы: Бір аптада 7 күн бар                                        
 Мұғалім: 5-ші қыры:  «Қызықты грамматика»  қай әріп жоқ  ?
Са…ат, уа…ыт, қа…тар,  /қ,ң, ғ/                                                                                                          Бір тәулікте неше сағат бар?
Оқушы: Бір тәулікте 24 сағат бар.
 Мұғалім:6- шы қыры: «Өзіңді тексер» 
/жыл  мезгілі  , қыс   , көктем, құстар, қар ериді.                                                                                                     1 сағатта неше минут,1 минутта неше секунд бар?   / ы,ы,ұ,а/
Оқушы: 1сағатта 60 минут, 1 минутта 60 секунд бар.
Оқушылар бұл тапсырманы жазбаша  орындады. / дәптермен жұмыс/
  5.Сергіту кезеңі.                                                                                                                                Мұғалім:  Ал, балалар, енді сәл демалып  алайық.
 Оқушылар:
Сағаттың тіліндей
Иіліп оңға бір,
Сағаттың тіліндей
Иіліп солға бір.
Сол аяқ, оң аяқ
Жаттығу оңай-ақ.
Оқушылар сергітуді қимыл қозғалыста жаттығулар жасау арқылы көрсетті.
Келесі тапсырма бейнеслайд бойынша уақыт мезгілдерін   дұрыс айта білуге  тілдесім әрекетіне жетелеу үшін  орындалды. Оқушылар   әр слайдтың сұрақтарына сәйкес өздері   уақыт мезгілдерін қойып сағат неше?  деген сұраққа жауап берді, тапсырманы   жазбаша орындады.
Енді балалар, бейнеслайдқа назар аударайық.
6.  Күн тәртібі. Слайд./ Владиславтың күн тәртібі./ интерактивті тақтамен жұмыс
          Сағат нешеде? Қашан? деген сұраққа  дұрыс жауап беру

№1  слайд.                                                                                                                    Владислав сағат нешеде оянды,жаттығу жасады,жуынды?    
9:00  Оянды,жаттығу жасады,жуынды
 №2  слайд.                                                                                                                               Сағат нешеде таңертеңгі тамағын ішті?
9:30 Таңертеңгі тамағын ішті.
№3  слайд .                                                                                                                              Сағат нешеде би үйірмесіне барды?
10:00 Би үйірмесіне барды.
№4слайд.                                                                                                                             Сағат нешеде сабақ оқыды?
11:00-12:30 Сабақ оқыды
№5 слайд.                                                                                                                                                   Қашан мектепке келді?
13:45 Мектепке келді
№6 слайд.                                                                                                                            Сағат нешеде сабақта отыр?/ асханадан түскі тамақ ішті?
14:00 Сабақта отыр./ асханадан түскі тамақ ішті
 №7 слайд.                                                                                                                                              Сабақ нешеде аяқталды, сағат нешеде мектептен шықты?
18:30  Мектептен  шықты.
№ 8 слайд                                                                                                                                   Сағат нешеде кешкі тамағын ішті?
19:00  Кешкі тамағын ішті.
№9 слайд.                                                                                                                                                        Сағат нешеде  әкесімен шахмат ойнады?
19:30  Әкесімен шахмат ойнады
№10слайд.                                                                                                                                                     Сағат нешеде ертегі тыңдады?
20:30  Ертегі тыңдады.
№11слайд.                                                                                                                                                                  Сағат нешеде кешкі ұйқыға дайындалды?
21:00  Жуынды, ұйықтады.
7. «Кім жылдам?» шармен ойын. Оқушыларды ептілікке, шапшаңдыққа, жылдамдаққа тәрбиелеу мақсатында ұйымдастырылды. Ойынның шарты:  Уақыт белгіленеді, оқушылар шарды тез үрлей отырып, сұрақтарға дұрыс жауап беру  керек.
   3 қатардан  үш оқушы шығады.
  Мұғалім: Апта күндерін ата.
1-оқушы :                                                                                                                    —Дүйсенбі ,сейсенбі, сәрсенбі, бейсенбі, жұма,сенбі, жексенбі.                                                                             Мұғалім:  Қыс, көктем айларын ата.                                                                                     —2-оқушы: Желтоқсан, қаңтар, ақпан, наурыз, сәуір, мамыр.
Мұғалім: Жаз ,күз  айларын ата.
3- оқушы:  — Маусым , шілде , тамыз, қыркүйек, қазан, қараша.
Оқушы сұраққа дұрыс, әрі жылдам жауап беру керек.     
  8.     Шығармашылық жұмыс.
 Мұғалім : Балалар, үйге сағаттың суретін салып келу керек болатын. Ендігі кезекті өздерің салған суреттеріңе  берейік
 
  Мұғалім: Сағаттың қандай түрлерін білесіңдер?
Оқушылар: қабырға сағаты, қол сағаты, үстел сағаты, қалта сағаты.
  Мұғалім:Дима, сен қандай сағаттың суретін салып әкелдің ?
Дима: Мен  өзіміздің үйдегі үстел сағатының суретін салдым.
Бұл- механикалық сағат. Сағаттың үш тілі бар. Ұзын тілі- минутты, қысқа тілі-сағатты, ал жіңішке  тілі-секундты көрсетеді.
Лана: Менің  атамда  қалта сағаты бар. Бұл сағат-  кішкентай. Біздің үйде қабырға сағаты бар. Ал сыныпта үстел сағаты бар.
Мұғалім оқушылардың салып әкелген суреттеріне  баға береді.
9. «Бала мысық» көрініс. Біздің сыныптың оқушылары  дайындаған шағын көрінісін тамашалайық.                                                                                   Қатысушылыр: Автор- Львов Н, мысық – Скляр.О
Автор:                                                                                                                                        Үйдегі  біздің бала мысық
Бірде тұрды көзін қысып,
Ас үйдегі тамақтан
Екіде жеді шұжықты,
Ыдыста тұрған қаймақты
Үште ішіп құнықты,
Төртте тұрып жуынды
Бесте аунап кілемде
Біраз ойнап жылынды.
Сағат алты болғанда
Балық жеді қутыңдап.
Сағат жеті болғанда
Тышқанмен ойнап ,тығылмақ,
Сағат сегіз болғанда
Көзін қысты қуланып,
Сағат тоғыз болғанда
Ертегі тыңдап, қуанып.
Сағат онды соққанда
Ұйқыға кетті тек сонда
Өйткені ол тұрмақшы.
Уақыт бірді соққанда.
Мысық  рөліндегі оқушы  мысықтың әртүрлі қимыл –қозғалысын  нақышына келтіріп орындады.
Мұғалім: Балалар, бала мысық уақытты қалай өткізді?
Оқушылар:  Бала мысық ойнады,  уақытты қызық өткізді.
10. Қорытынды