Оқымысты бала

БҚО. Ақжайық ауданы Бітік жалпы орта білім беретін мектебі Даулетбаева Жанаргүл 

Сабақтың тақырыбы: Оқымысты бала

Сабақтың мақсаты. Білімділік: оқушылардың білімге деген қызығушылығын, белсенділігін арттыру, логикалық ойлау қабілеттерін дамыту. Дамытушылық: оқушылардың ой-өрісін кеңейту, көпшілік алдында еркін сөйлеп, өз білімін көрсетуге дағдыландыру. Тәрбиелік: оқушыларды шапшаңдыққа, тапқырлыққа, достыққа тәрбиелеу. Сабақтың барысы. Ұйымдастыру кезеңі. Балалар, бүгінгі сыныптан тыс сабақтың мақсаты сендердің білімдеріңді ортаға салып, белсенділіктеріңді арттыру, достарыңа көмектесуге тәрбиелеу болады. Сабақ сайыс түрінде өтеді. Сәттілік тілеймін. 1 топ. Алғырлар, білімділер.                                                                                                                                                  2 топ. Тапқырлар, білгірлер.                                                                                                                                                                              Осы топтардың әділ бағасын беретін әділқазылар сайысқа қатысып отырған ұстаздар. Тапсырмаларға тез,дұрыс жауап беру бір ұпаймен бағаланады. Алдымен сайысқа қатысушы топтардың сәлемдесуін тамашалап алайық.                                                                                                                          Алғырлар бар алдарына жан салмай,                                                                                                                    Тапқырлардан ешқашан да тайсалмай,                                                                                                              Дайындықпен келіп тұрған сайысқа                                                                                                                                 Күш салады жету үшін табысқа – деп Алғырлар, білімділер тобын ортаға  шақырамыз.                                                                                                                                                                                                                                                                                                        Құрметтеп алғырларды ой-саналы.                                                                                                                         Тапқырлар сәлем беріп қарсы алады.                                                                                                                       Бүгінгі аламанда достарына                                                                                                                                                                                      Қашанда алғыр бол деп ой салады-деп  Тапқырлар, білгірлер тобын сайысқа шақырамыз.                         Таныстыру бөлімін бастайық. Екі топ ойыншылары кезекпен топ аты, ұраны, әнімен таныстырып шығады.                                                                                                                                                                                                   1топ.                                                                                                                                                                                                       Топ аты: Алғырлар, білімділер.                                                                                                                                               Ұраны: Оқу –білім азығы, білім-ырыс қазығы.                                                                                                                             Әні: Бір сыныпта оқимыз бәріміз де,                                                                                                                                    Достық сөзі әрқашан дәрі бізге.                                                                                                                                                  Жарысуға сендермен келіп тұрмыз,                                                                                                                                        Мына жұрттың таңырқасын бәрі бізге.                                                                                                             2топ.                                                                                                                                                                                                       Топ аты: Тапқырлар, білгірлер.                                                                                                                                               Ұраны: Білекті бірді жығады, білімді мыңды жығады.                                                                                                                             Әні: Сендерді біз айта алмаймыз нашар деп,                                                                                           Ойламаңдар қорқып бізден қашар деп.                                                                                                                         Біз дайынбыз жарысуға, достарым.                                                                                                                        Көрсетеміз бізде қандай күш барын.                                                                                                                  Жұмбақтар сайысы.                                                                                                                                                              Кел, балалар, ойнайық, Ойнайық та, ойлайық. Қандай жұмбақ болса да, Шешпей оны қоймайық,-дегендей жұмбақ сайысын бастаймыз. Әр топ ойыншылары шығып жұмбақты оқып, шешуін табады.                                                                                                                                                                                    Табаныма байладым,                                                                                                                                                             Қос таяқпен айдадым. (Шаңғы)                                                                                                                                                    Тікен-тікен тік пісте,                                                                                                                                                                     Қысы-жазы бір түсте.    (Шырша)                                                                                                                                                                                                                                                                                                         Күндіз білінбейді, Түнде күлімдейді.         (Ай)                                                                                                                                                    Қос құлақты, жүз тісті, Жүзінен бір-ақ із түсті.   (Ара)                                                                                                                                                                                                                                                                                                       Тұмсығымен қозғалар, Соңында аппақ із қалар.    (Бор)                                                                                                                                                                                                                                                                                                          Жүз мүйізі бар, Үстінде киізі бар.   (Киіз үй)                                                                                                                                                                                                                                                                                                                 Қолы жоқ, сурет салады,Тісі жоқ, тістеп алады.    (Аяз)                                                                                                                                                                                                                                                                                                        Жазғы киімі жасыл, Қысқы киімі ақшыл.   (Ағаш)                                                                                                                                   Ақ шатырлы бір қала,                                                                                                                                                        Суда жүзіп жүр дара.  (Кеме)                                                                                                                                         Тентек сәби шырылдайды,                                                                                                                                         Көтерсең , құлағыңа сыбырлайды.   (Телефон)                                                                                                                                 Бір үйде бар мың қақпа,                                                                                                                                                       Есігі бар күн жақта.    (Күнбағыс)                                                                                                                                          Сұрақ-жауап сайысы.                                                                                                                                                   Сұрақтарды тез шешіп, Тек жауабын беріңдер. Дұрыс тауып заттарды, Ұпай жинап көріңдер-деп сұрақ-жауап сайысын бастайық. Екі топ ойыншылары екі әріптен алады. Сұрақ қойылған кезде топта ақылдасып шешуін тауып алады. Шешуін кеудесі мен арқасына жабыстырылған әріптермен жазып көрсетеді.                                                                                                                                                        Алғашқы топқа қ,б,а,ы,т,с,е,а  әріптері үлестіріледі.                                                                                                          Қойылатын сұрақтар:                                                                                                                                                               Ұлттық ойынның түрі.     (Асық)                                                                                                                                                                                                                                                                                                     Тамақ дайындайтын ыдыс.       (Таба)                                                                                                                                                                                                                                                                                                                  Аяқ киімнің өкшесі қалай аталады?   (Тақа)                                                                                                                                                                                                                                                                              Қымыз ашытатын ыдыс.    (Саба)                                                                                                                                                                                                                                                                                                 Асықтың ең үлкені.     (Сақа)                                                                                                                                                                                                                                                                                                     Дұрыс емес.     (Қате)                                                                                                                                           Үлкендерден алатын өнегелі сөз.  (Бата)                                                                                                                                                            Келесі топқа ш,к,ө,е,к,с,і,е әріптері үлестіріледі.                                                                                                                                                                                                                                                                                             Қойылатын сұрақтар:                                                                                                                                                               Ыдыстың бір түрі.     (Кесе)                                                                                                                                                                                                                                                                                                     Төрт түлік мал.    (Ешкі)                                                                                                                                                                                                                                                                                                                  Жаңа емес.   (Ескі)                                                                                                                                                                                                                                                                                Үйлердің арасындағы жол.   (Көше)                                                                                                                                                                                                                                                                                                 Әкенің інісі.     (Көке)                                                                                                                                                                                                                                                                                                     Ертегіде Қожанасырдың серігі болған жануар.(Есек)                                                                                Маңдай сүйегі қалай аталады?  (Шеке)Жанкүйерлер сайысы. Ұшқыр ойға серік болсын, Білімдерін жанкүйерлердің көрелік.  Досың тұрған топтарыңа аямай, Көмек беріп, үпай қосып берелік,- деп жанкүйерлерді сайысқа шақырамыз. Сандар қатысты мақал-мәтелдер, жаңылтпаштар тауып айтып, топтардың ұпай санын көбейтуге атсалысыңдар.Зейінділер сайысы. Тату-тәтті достармыз біз, Ынталы да , талапты. Көп білуге құштармыз біз, Жақсы оқимыз сабақты. Топтарға сөздер беріледі. Ойыншылар сөздердің бірнеше мағынасын тауып айтуы тиіс. 1 топ. Нан, тақта, ай, жас.  2 топ. Той, ұста, қол, жүз.Қорытындылау. Жеңімпаз топты анықтау, марапаттау, естелік кітапшалар үлестіру.

 

 

 

 

 

 

 

3-класс.                                                                                                                                            Пәні:  әдебиеттік оқу.                                                                                                                                      Сабақтың тақырыбы: Оқымысты бала.                                                                                                           Сабақтың мақсаты.                                                                                                                                                Білімділік: оқушыларды ғұлама ғалым Ә.Марғұланның өмірімен, балалық кезіндегі естелік оқиғамен таныстыру.                                                                                                                    Дамытушылық:оқушылардың  мәтінді мәнерлеп оқи білу, өз ойын еркін айта білу дағдыларын, шығармашылық қабілеттерін дамыта түсу. Ғылымға қызығушылықтарын арттыру.                                                                                                                                   Тәрбиелік: оқушыларды кітапты бала Әлкей сияқты сүйіп оқи білуге тәрбиелеу.

Сабақтың барысы.

Психологиялық дайындық.                                                                                                                                  Біле бергім келеді, біле бергім,                                                                                                                                   Біле беру емес пе тілегі елдің.                                                                                                                           Белден ассаң, алдыңда бел көрінсе,                                                                                                             Қызыққаннан келмей ме жүре бергің,                                                                                                               Сондықтан да  келеді біле бергім.

Үй тапсырмасын сұрау кезеңі. Д.Қасеновтың «Өзін-өзі жеңген бала» мәтінін оқып, мазмұндау.

Жаңа сабақ. Қызығушылықты ояту.                                                                                                                            -Ғалым, ғылым деген сөздерді қалай түсінесіңдер?                                                                        Ғалым → ізденіп, зерттеп, жаңалық ашатын адам.                                                                                      Ғылым→ зерттелетін жаңалықтар.                                                                                                                                                                                                                                    –Қандай адамдар ғалым болады деп ойлайсыңдар?                                                                                                          -Оқымысты деп қандай адамды айтады?                                                                             -Білім, ғылым туралы ақындардың жазған өлеңдері кімнің есінде бар?                                                                                                                       Мағынаны тану.                                                                                                                                                                      Бүгін біз кітап оқудың пайдасымен танысамыз. Әлкей Марғұлан 1904 жылы мамырдың он бірінде Павлодар облысы Баянауыл ауданында дүниеге келген. Ә.Марғұлан- ғалым, әдебиеттанушы, археолог. Әңгіменің авторы А.Жақсыбаев. Қазақстан Жазушылар Одағының мүшесі, 2007 жылы «Қазақстанның еңбек сіңірген қайраткері» құрметті атағы берілді.                                                                                                                                          Мәтінді бөлімдерге бөліп, оқушыларға мәнерлеп  оқыту. Сызбаға қарап Әлкейдің қандай кітаптар оқығанын ажырату.

кітаптар

 

дастандар

 

жыр

 

қисса

 

 

 

Сөздік жұмысы.                                                                                                                                       Дастандар- жырлар                                                                                                                                          Ежелеп оқу- сөзді буынға бөліп оқу.                                                                                                        Тағатсыздану-шыдамсыздану.                                                                                    Сергіту сәті.                                                                                                                                                Орнымыздан тұрайық,                                                                                                                               Қолды алға созайық.                                                                                                                                                           Бір отырып, бір тұрып,                                                                                                                                                   Демімізді алайық.

Өзіндік жұмыс.                                                                                                                                                          Ой толғаныс. Венн диаграммасы арқылы ауыл балалары мен Әлкейді салыстыру.

Суға шомылады, жидек  тереді, ойнайды.

 

Оқуға, білімге құмар,                                                                       кішіге қамқор,           көп ойнамайды.

Әлкей               ауыл балалары

балалар

 

 

 

 

 

Бес жолды өлең.                                                                                                                                            Не?                      Білім                                                                                                                                   Қандай?             Терең, маңызды                                                                                                                                       Не істейді?         Ұмытылмайды, молайтады,  алға жетелейді.                                                                                                                     Сөйлем.              Білім адамды көкке көтереді.                                                                                  Синоним.           Ғылым.

Рефлексия.

Әңгіменің аты	Оқымысты бала
Авторы	А.Жақсыбаев
Кейіпкерлері	Автор, балалар, Әлкей
Негізгі ой	Әлкейдің кітап оқуға, білімге құштарлығы
Түйін	Әлкей- ұлы ғалым, археолог.
Ойтұжырым. Дана Абай адам баласы адам баласынан ақыл, білім, ар, мінез деген нәрселермен ғана озатынын айтқан. Әлкейдің жақсы қасиеті – кітап оқуға құмарлығы.

Өзін-өзі бағалау.                                                                                                                    Сабақтың басында берілген бағалау парағы бойынша оқушылар әрбір тапсырманың ұпай санына сүйене отырып, өзін-өзі бағалайды.                                                                                                                                          Үйге тапсырма: мәтінді түсініп оқу, мазмұндап келу.

[bws_related_posts]