Құстар — біздің досымыз

 Джулбаева  Нургуль  Онгарбаевна

Қарақия  ауданы

Құрық  селосында

«№ 9 бастауыш  мектебінде»

ІІ санатты мұғалім.

     Сабақтың  тақырыбы:   Құстар — біздің  досымыз

Сабақтың мақсаты : Құстардың тіршілік  жағдайлары  туралы,  пайдасы  туралы  оқушылардың  білімдерін  кеңейту, экологиялық  тәрбие  беру.

Міндеті:

Б. Құстардың  табиғатқа  тигізер  пайдасы туралы  білім беру.                                                                                                              Д. Оқушыларға мақал-мәтел,жұмбақ шешу арқылы сөздік қорын, ой өрісін дамыту.                                                                                                                                              Т. Табиғатты  сүюге, құстарға қамқорлық  көрсетуге  тәрбиелеу.

Көрнекіліктер:  тапсырмалар  жазылған А -3, А — 4 бетшелері. Бояу  қарындаштар. Слайд, бағалау  смайликтері, құстардың  суреттері

 

Оқытудың нәтижелері:

1. Жаңа тақырып туралы түсінік қалыптасады .

2. Құстардың пайдасын  түсінеді  және  оларды  ажырата  білетін болады.

3. Ойлау  арқылы берілген тапсырманың  шешімін  табады.

4. Оқушы өз ойын жеткізе алады.

5. Топтық жұмыс нәтижесінде  оқушылар  толық  қамтылады.

Қамтылатын модульдер:

1-модуль оқыту мен оқудағы жаңа  тәсіл (топтық жұмыс).                                                                        2-модуль СТО. Әдіс: Сөзжұмбақ  шешу, жұмбақ  шешу.                                                                                                                                          3-модуль  бағалау.  Ауызша  бағалау, марапаттау                                                                                                                     4-модуль АКТ пайдалану.

Қадамдар:

1. Үй  тапсырмасын  «Ой  қозғау» барысында  сұрақтар  қою арқылы бағалау.

2. АКТ-ны пайдалану

3. Топпен жұмыс

4. Рефлексия

Сабақ барысы:

Мұғалімнің іс-әрекеті:

1. Ұйымдастыру

2. Оқушының қызығушылығын сабаққа аудару

3. Топқа бөлу  («Шөжелерім» әнінің сазы  аясында)

4. Жаңа  сабаққа  бет  бұру

5. Тапсырмалар беру

Оқушының іс-әрекеті

Ұйымдастыру  кезеңі:

Оқушы  қызығушылығын  ояту  (психологиялық  ахуал  орнату), топқа  бөлу.

Үй тапсырмасы:  «Ой қозғау»  стратегиясы

      Бір  жылда  неше  мезгіл  бар?  (төрт жыл мезгілі)

     Қазір  жылдың  қай  мезгілі?  (көктем)

    Көктем  мезгілінде  табиғатта  қандай  ерекшеліктер болады?

1-тапсырма:  СТО модуль:  «Ой қозғау» әдісі

Сөзжұмбақты  шешу (жұмбақтардың  жауабын  табу  арқылы)

Жаңа  тақырыпты  ашу:

1.  Ұшқаны  қызық  жарпылдап,                                                                                             Өзі  сондай  қарқылдақ.  (Қарға)

2.  Құстардың  негізгі  мекені  (Ұя)

3. Үстіне  ақ  камзолын  киіп  алып,                                                                                  Жүреді  қанаттарын  жиып  алып. (Сауысқан)

4. Үй  құстарының  бірі  (тауық)

5. Ақмамықтай  болған, көлдің ерке  құсы   (аққу)

6.  Дүниеде  күн  көзіне  тура  қарай  алатын  құс  (бүркіт)

 

2 — тапсырма . «Ой  ізденім»

• Балалар, құстар неге  күн  суытқанда  жылы  жаққа ұшып  кетеді?

• Құстардың  қандай  пайдасы  бар?

• Сіздер  қандай  құстарды  білесіңдер, көрдіңіздер?

3 — тапсырма.   Жаңа  сабақ  тақырыбы  «Құстар – біздің  досымыз»

                             Құстар  туралы  мағлұмат  беру

Сергіту  сәті:   Нан  қиқымын  шашпаңдар,

                         Жерде  жатса  баспаңдар,

                         Теріп  алып,  қастерлеп,

                         Торғайларға  тастаңдар!

4 -тапсырма. Модуль:СТО. Диалог.  Әдіс бойынша  (Суретпен  жұмыс)

Ұя  жасап  тақтайдан,                                                                                                         Талға  апарып  байладым,                                                                                                     Жыл  құсының  шаттанған,                                                                                                                  Күттім  қашан  сайрауын.

Тас  атқылап  торғайды,                                                                                                         Қуалауға  болмайды,                                                                                                              Қамқор  болып  құстарға                                                                                                     Барлық   адам  қорғайды.

Ағаштан  жасалған  құстың  ұясын                                                                                      көрсете отырып құстарға  қамқорлық                                                                                         жасау  керектігін  түсіндіру.

            5 -тапсырма. Модуль:СТО. Әдіс  (топтық  тапсырма)

                          Дала   құстары  мен  үй  құстарын  ажырату

      1 – топ:

      2 – топ:

      3 – топ:

      4 – топ:

(Сурет  бойынша  үй  құстары мен  дала  құстарын  ажыратып  желім  арқылы  жабыстыру)

       Үй  құстары:  Тауық, әтеш, түйе тауық, балапан, үйрек,  қаз.  т\б

    Дала  құстары:  Торғай, қарлығаш, үкі, тоқылдақ, сауысқан.   т\б

Рефлексия:  

Бағалау:   Ауызша марапаттау, мадақтау.

Үйге тапсырма:

 [bws_related_posts]