Жайлау күні.Д.Қасенов.

Павлодар  облысы

Баянауыл ауданы

Ақши жалпы орта білім беру мектебінің

Бастауыш сынып мұғалімі

Жаминова Маржан Бақытқызы

Әдебиеттік   оқу  3-сынып
Сабақтың тақырыбы: Жайлау күні.Д.Қасенов.
Сабақтың мақсаты:
Білімдік: мәтіннің мазмұнын түсіндіре отырып, өз бойындағы мінез-құлықтарға баға бере білуге баулу.
Дамытушылық: сөздік қорларын, тіл байлықтарын, ой-өрістерін дамыту.
Тәрбиелік: табиғатты аялауға, мейірімді болуға баулу.
Сабақтың әдіс-тәсілдері: әңгімелеу, түсіндіру, сұрақ-жауап, көрнекілік.
   Сабақтың көрнекілігі: Жайлау суреті,ребус   

Сабақтың барысы:
   I. Ұйымдастыру кезеңі.

Оқушылардың сабаққа әзірліктері мен оқу құралдарының түгелдігін қарап шығу.

Үй жұмысын тексеру:
Найзағай

І.Қызығушылығын ояту.

Ребустың шешуін тап.

               і

Жайлау      +     күн     +   і ═  Жайлау күні

-«Жайлау »дегеніміз не?

«Топтастыру» құрастыру.

-Жайлауға барғандарың бар ма?

-Қандай қызықты оқиғаларды бастарыңнан кештіңдер?

-Ендеше, осындай қызық оқиғалардың бірі Құрмаш пен Жұмаштың басынан өтіпті.

ІІ. Жаңа сабақ:

Мәтінді «Түртіп алу» әдісі бойынша тізбектей оқыту.

Сөздік жұмыстарын жүргізу.

-Мәтінді қандай бөліктерге бөлуге болады?

-Құрмаштың бойында кездесетін жақсы қасиеттерді атаңдар. Жаман қасиеттер бар ма? Қайдан аңғардыңдар?

-Жұмаштың бойындағы жақсы қасиеттер мен жаман қасиеттері туралы не айтасыңдар?

-Екеуіне арнап қандай мақал-мәтел айтар едіңдер? Бұл мақал-мәтелдер қандай тақырыпта болуы мүмкін? Осы тақырыптағы мақал-мәтелдерді топтаңдар.

-Құрмаш пен Жұмашқа ұқсайтын қандай балалар туралы оқып едік?

Дәптермен жұмыс:

Бүгінгі сабақты түйіндей отырып, Жұмаштың сұрағына қалай жауап берер едіңдер?

Сергіту сәті:  Қошақаным әні

                       Қошақаным қайда екен?

                          Жазда апамның аулына

                           Барып едім қыдырып.

                           Бір қошақан алдымнан

                           Шықты ойнақтап, жүгіріп.

                          Ақ маңдайлы ай ма екен,

                           Шекер ме екен, бал ма екен?

                            Кеттім оны сағынып,

                          Қошақаным қайда екен?

-Жайлау сөзін тағы қандай сөздермен тіркестіріп айтуға болады?

Мысалы:

                                            

 

 

 

 

 

 

-Бұлардың әрқайсысы бір-бір тақырып деп алсақ, шығарманың мазмұны өзгере ма?

-Әрине, онда оқиға желісі одан әрі қызықтыра бастағандай әсер қалдырып отыр. Себебі, жайлау түні тақырыбы тіпті Құрмаш пен Жұмашты сиқырлы әлемге жетелегендей болса, ал жайлау көгі оларды тыныштыққа, сабырлыққа, табиғат кереметін тануға шақыратындай болады.

ІІІ. Ойтолғаныс

Сұрақ-тапсырмалармен жұмыс.

Құрмаш пен Жұмашқа «салыстырмалы карта» әдісі бойынша мінездеме беру:

Құрмаш		Жұмаш
Мінездеме	Дәлелдейтін сөз	Мінездеме	Дәлелдейтін сөз

                    

Сабақты қорытындылау мақсатында шығу парағын толтыру:

Не үйрендің?	Сұрағың?	Пікірің?

Үй тапсырмасын беру. Мәтінге жоспар құру. Мазмұндау.

Оқушылардың жауаптарын бағалау.