2-ні көбейту кестесі бойынша есептер құрастыру (есептеу)

Қаскелең қосалық мектеп – интернаты

Мұғалімі: Кулмрадова С.

Сабақтың тақырыбы: 2-ні көбейту кестесі бойынша есептер құрастыру. (есептеу).

Сабақтың мақсаты:

Білімділік – көбейту амалы туралы түсінікті бекіту, 2-ні көбейту кестесі туралы түсінікті қалыптастыру; арифметикалық амалдардың таңбаларын игерту, бірдей сандарды қосу амалын көбейту амалына алмастыруға, көбейту амалын бірдей сандарды қосу амалына алмастыруға жаттықтыру; арифметикалық амалдар арасындағы өзара байланыс жөнінде балалардың білімін жалпылау, тереңдету.

Дамыту – санау, ойлау, оқу, жазу қабілетін дамыту; сөйлеу тілін кеңіту; заттың түсі туралы түсінікті бекіту; логикалық ойлау қабілетін дамыту.

Коррекциялық – саусақтардың қимылын ширату; дұрыс әдемі жазуға қалыптастыру; ойлау қабілетін тереңдету; сөйлеу тілін жаттықтыру.

Тәрбиелік – ұқыптылыққа; әдептілікке баулу (тәрбиелеу); өз бетімен жұмыс жасауға қалыптастыру; ұлттық ойындар туралы түсінікті бекіту.

Сабақты жабдықтау: санауға арналған материал, суреттер, карточкалар, 2-ні көбейту кестесі, доп, алмалар, тәрелкелер, «Ғажайып дөңгелек» ойынының құралы.

Сабақтың барысы.

1. Ұйымдастыру кезеңі.
   — Сәлеметсіздер ме. Балалар! (отырыңдар). Бүгін бізге қонақтар келіп отыр. Сендер өздеріңнің қандай тәрбиелі әдепті, білімді балалар екедеріңді көрсетіңдер.
   — Қандай жыл мезгілдерін білесіңдер?
   — Қазір қай мезгіл?
   — Қыс айларын ата. Қазір қай ай?
   — Бүгін желтоқсанның қай күні?
   — Қазір қай сабақ?
   — Математика сабағында не үйренесіңдер?

Тақтадағы суреттегі балаға ат қою.
— Бала асықтарын шашып алыпты. Біз оған асықтарын жинауға көмектесейік. Бұл асықтар – сиқырлы. Әр асық нөмірленген, әрқайсысында тапсырма жазылған. (сабақтың кезеңдері бойынша).

1. Үй тапсырмасын тексеру.
       Оқушылар тапсырманы атап, кезектесіп оқиды.

Бағалау.

• Қайталау.

1. Санау.
   (2,3,4,5 – тен партадағы заттарды санау).
2. 2 – ні көбейту кестесін қайталау. (доп арқылы).
3. Каллиграфиялық жаттығу
   (8 санын жазу).

Бағалау.

1. Сабақтың тақырыбын атау. Мақсатын қою, түсіндіру.

Тақырып бойынша тапсырмалар орындау.

1. 2-ні көбейту кестесі бойынша «адасқақ сандар» ойынын өткізу.

2×2= 2×3= 2×4= 2×5= 2×6= 2×7= 2×8= 2×9=

 

Көбейтіндіні тауып, орнына қою

2. Сурет бойынша есеп құрастыру.
   Бірдей сандарды қосу амалын көбейту амалымен алмастыру.

• Суреттегі қолғаптарды санау, есеп құрастыру.

2+2+2+2+2=10;  2×5=10;

• Сергіту сәті.

Онға, онға түзу тұр.

Солға, солға түзу тұр.

Алға қарай бір адым.

Жоғары, төмен қарайық,

Орнымызды табайық.

3. Практикалық жұмыс арқылы есеп құрастыру.

Бірдей сандарды қосу амалын көбейту амалы мен алмастыру.

2 оқушы алмаларды санап 2-ден тәрелкелерге салады.

• ші оқушы 2-ден алманың барлығын санайды. 2, 4, 6, 8, 10, 12.
• ші оқушы неше рет (неше тәрелкеге) салғанын санайды.

2+2+2+2+2+2=12;  2×6=12;

4. Көбейту амалын бірдей сандарды қосу амалымен алмастыру.

«Ғажайып дөңгелек» ойыны

 

 

7

2

 

3

2 x

6
	4	5

 

 

 

 

Айналып тұратын дөңгелек тақтаға ілінеді де, сол бойынша оқушылар есеп құрастырады.

Мысалы: 2×3=6;

Көбейту амалы бірдей сандарды қосу амалымен алмастырылады.

2+2+2=6;

1. Тақырыпты бекіту.
2. Оқулық бойынша тапсырма орындау.

№ 17 (Б) 55 бет

Көбейту амалымен берілген есептерді бірдей сандарды қосу амалымен алмастыру.

2+2+2+2=8;  2×4=8;

• (2 оқушы тақтаға кезектесіп орындайды).
• 2 есепті әр оқушы өз бетімен шешеді.

 

2. Карточкалармен (перфокарталармен) жұмыс.

Әр оқушыға перфокарталар таратылады да, оқушылар өз бетімен тапсырманы орындайды. (Көбейтінді қанша? Жаз).

2×3= 2×4= 2×7=

Мысалы:

 

 

Бағалау.

1. Үй тапсырмасын беру: № 17 (В), 55 бет.

• Сабақты қорытындылау.
• Қазір қай сабақ өтті?
• Сабақтың тақырыбын атаңдар.
• Сабақта не істедік? (не үйрендік?)
• Қандай ойындар ойнадық?
• Бағалау.

1. Сабақты аяқтау.