Щ дыбысы мен әрпі

Маңғыстау облысы Жаңаөзен қаласы

№21 орта мектеп

Бастауыш сынып мұғалімі

Айткулова Амангүл Орунбасаровна

Сабақтың тақырыбы: Щ дыбысы мен әрпі

Сабақтың мақсаты: 1. Щ дыбысының баспа, жазба түрімен таныст ыру. Щ дыбысы бар сөздерге дыбыстық талдау жасай білуге үйрету. Сөз ішінен дыбыстарды ажыратып , оны дұрыс дыбыстату, көркем дазуға үйрету.

2.Ойлау қабілетін , сөздік қорын, қиялын, зейінін дамыту.

3.Ұқыптылыққа, әдептілікке, тазалыққа, сауаттылыққа тәрбиелеу.

Сабақтың әдісі: түсіндіру, сұрақ-жауап.

Сабақтың түрі: жаңа сабақ

Сабақтың көрнекіліктері: Суреттер,  кеспе буындар, әріптер, слайд.

Сабақтың барысы:І Ұйымдастыру

-Оқушылармен амандасып, оқу-құралдарын түгендеп, зейіндерін сабаққа аудару.

ІІ Психологиялық дайындық

Сабаққа сегізде келеміз

Сабақтан қалмаймыз дегенбіз

Әліппені 4 -пен 5-ке оқып

Білімді оқушы боламыз дегенбіз.

ІІІ Өткен сабақты пысықтау

-Балалар қазір қай мезгіл?

-Қыс мезгілі.

-Қыс айларын атаңдар?

-Қазір  қай ай?

-Желтоқсан айы.

-Қазір бізде қандай сабақ ?

-Әліппе сабағы .

-Әліппеден біз нені үйреніп жатырмыз?

-Дыбыс пен әріптерді , оқуды , жазуды.

-Дыбыс дегеніміз не?

-Әріп дегеніміз не?

-Дыбысты айтамыз, естиміз , әріпті жазамыз, оқимыз.

-Дыбыстар нешеге бөлінеді? Екіге.

-Дауысты дыбыстар жуан, жіңішке.

-Дауыссыз дыбыстар үнді, ұяң, қатаң

-Өткен сабақта қандай дыбыс және әріппен таныстық?

-Э дыбысы және әрпімен таныстық.

-Қандай дыбыс?

—  Дауысты дыбыс.

-Бағандағы сөздерді оқушыларға бір-бірден оқыту.

-Электр өлеңін 2-3 оқушыдан жатқа сұрау.

Алдарына әр оқушыға өткен әріптерге байланысты сөздер тарату түсіп қалған әріптерді жазғызу, дыбыстық талдау жасату, сөйлем құрату.

Тақтада экран, электр және экипаж сөзін буынға бөлу,  дыбыстық талдау жасату.

Сергіту сәті: Дауысты дыбысты естігенде қолдарын жоғары шапалақтайды, дауыссыз дыбыстарды естігенде қолдарын еңкейіп тізесіне шапалақтайды.

ІV Жаңа сабақ.

Жұмбақ жасыру.

Атқарады талай-талай ісіңді,

Тазалайды киіміңді де, тісіңді.

(Щетка)

-Щетка сөзінің басында бізге таныс емес қандай дыбыс естіліп тұр?

-Щ дыбысы

-Олай болса біз бүгін Щ дыбысы және әрпімен танысамыз.

-Щ-Щ-Щ айту.

-Щ дыбысын тез,әрі қысқа айтып тұрмыз, себебі тіліміз бен тісіміз кедергі жасап тұр. Олай болса Щ дыбысы дауыссыз қатаң дыбыс.

-Щ әрпінің баспа жазба түрін көрсету.

-Щ дыбысы орыс тілінен енген әріп.

-«Сөз ойла, тез ойла» ойыны.

-Щетка сөзін буынға бөліп, дыбыстық талдау жасау

-Суреттен басқада щетка түрлерін көрсетіп таныстыру.

Сурет бойынша әңгімелету.

V Оқулықпен жұмыс. Бағандағы сөздерді оқып мағынасын түсіндіру. Сөздік жұмысын жүргізу.

Щетка-тазалық құралы, ащы- қатты тұзды дәм , тұщы – дәмнің аузымызға татымды болуы, борщ – тамақтың бір түрі , плащ-  сырт киім.

Мәтінмен жұмыс.

Балқаш мәтінін оқып түсіндіру.

-Біздің күнделікті пайдаланып жүрген суымыздың өзі ащы, тұщы болып бөлінеді. Ащы сулар Мұхит пен теңіздерде кездеседі.

Тұщы су өзен ,көлдерде, жер асты суларында кездеседі. Міне сондай ащы және тұщы суы бар көлдердің бірі – «Балқаш» көлі. (Картадан көрсету)

-Біздің Қазақстанда үлкен көл бар екен, ол қалай аталады?

-Балқаш көлі.

— Судың қандай  түрі болады?

-Ащы, тұщы

-Балқаш көлінде өзі осындай сулар кездесті ме?

-Балықтар судың қай бөлігінде болады?

-Тұщы бөлігінде болады.

«Балқаш » мәтінін тізбектеп оқыту

VІ Сергіту сәті

VІІ Дәптермен жұмыс.

Енді дәптерімізге Щ әрпін жазып үйренейік.

Щ – әрпін ауада жазып көрсету, тақтада жазып көрсету.

 

Қолға қалам алайық,

Салақтықтан қашайық

Бүгінгі өткен әріпті

Көркем етіп жазайық

-Үлгі дәптерге жаздыру.

VІІІ «Кім жылдам» ойыны. Кеспе буындардан сөз құрау. Щет-ка, а-щы,

тұ-щы, Бал-қаш, ба-лық, ба-лық-шы, борщ, шы-ғыс т.б.

ІХ Венн диаграммасы: Щ-Ш Екеуі де қатаң дауыссыз дыбыс.

…ар,     а…ы,    …етка,      тұ…ы,     …ана сөздерінің түсіп қалған әріптерін тауып, сөйлем құрату, сөйлемнің схемасын тақтада сыздыру.

Х Қорытынды.

-Бүгін қандай әріппен таныстық?

-Щ қандай дыбыс?

-Щ дыбысы бар сөз ойлаймыз.

-Щетка сөзін буынға бөлу.

-Қандай мәтін оқыдық?

-Балқаштың суы қандай?

-Тұщы су қайда болады?

-Щ дыбысы кездесетін тамақ түрі.

-Оқушылар бүгінгі сабақ ұнады ма?

ХІ Үйге тапсырма. Балқаш мәтінін оқып келу.

ХІІ Мақтау, мадақтау смайликтермен.