sabaq.kz sabaq.kz
Маңғыстау облысы Жаңаөзен қаласы
№21 орта мектеп
Бастауыш сынып мұғалімі
Айткулова Амангүл Орунбасаровна
Сабақтың тақырыбы: 10 санынан азайту
Сабақтың мақсаты: 1. 10 көлеміндегі сандардың құрамын, есептік ретін қайталау. Ауызша есептеуге дағдыландыру. 10 санынан біртаңбалы сандарды азайтуды үйрету.
- Оқушының ой-өрісін, шығармашылық, логикалық, танымдық қабілетін арттыру, дамыту.
- Ұқыптылыққа, жинақылыққа, байқампаздыққа, сауаттылыққа тәрбиелеу.
Сабақтың түрі: аралас сабақ.
Сабақтың әдісі: сұрақ-жауап, өз бетінше жұмыс, ойын.
Сабақтың көрнекілігі: слаид, суреттер.
Сабақтың барысы: І Ұйымдастыру кезеңі
Психологиялық дайындық.
Қане біздер ойлайық
Ойымызды жинайық
Қандай есеп болсада
Шешпей оны қоймайық.
ІІ Кіріспе. Өткен сабақты пысықтау
-Оқушылар бізде қазір қай мезгіл?
-Аптаның нешінші күні?
-Олай болса бізде математика сабағы, сұрақтар арқылы өткен сабақты пысықтап өтейік: (Гүлдерді теру арқылы жауап беру)
-7-ден кейінгі санды ата, осы санның 7-ден нешеуі артық?
— 2 мен 3 –тің қосындысы нешеге тең?
-3 санының көршілерін ата, 9 санының көршілерін ата?
-6 мен 8-дің арасында қандай сан бар, 7 мен 9 сандарының арасында қандай сан тұрады?
-8 бен 4-тің айырмасы нешеге тең?
-Қосудың компоненттерін ата.
— Азайтудың компоненттерін ата.
-9 санының құрамы?
-Ұзындықты өлшейтін құрал.
-1 дм-де неше см бар?
Логикалық есеп
-Мен екі таңбалы сан ойладым. Одан бірді азайттым. Нәтижесінде бір таңбалы сан шықты. Бұл қандай теңдік?
Тақтаға бір оқушыға жаздыру. 10-1=9
Теңдік қандай амалмен берілген? (азайту) Азайтуға кері амалды ата. (қосу)
10-ға дейін тура және кері санау
10 санының құрамын еске түсіру.
ІІІ Жаңа сабақ. 10 санынан азайту.
Қызығушылығын ояту. Көркем жазу.
Оқулық-дәптермен жұмыс.1 тапсырма.Күннің тапсырмасы.
Азайғышы 10 болатын айырмаларды жаз және мәндерін тап. Қолданған қосу кестесін жаз.
10-0=10 10-1=9 10-2=8 10-3=7 10-4=6 10-7=3 10-8=2 10-9=1
Азайту компоненттерін еске түсіру.
2 тапсырма. Бұлттың тапсырмасы. Азайтқышы 10 болатын айырма жаз және мәнін тап. Осыған ұқсас бірнеше айырмалар жазуға бола ма? Түсіндір.
10-10=0
3 тапсырма. Кемпірқосақтың тапсырмасы.Кесінділердің ұзындығын өлше. Қандай кесінділер ұзындықтарының қосындысы басқа қандай кесінділер ұзындықтарының айырмасына тең болады? (ауызша)
3см+2 см = 10см-5см
4 Сергіту сәті. Оң қолымда бес саусақ
Сол қолымда бес саусақ
Бесті беске қосайық
Алақанды қосайық.
4 тапсырма. Наурыздың тапсырмасы. Есептер құрастыр және шығар:
а) Қозы – 10 ә) Бұзау — 5
Лақ — ?, 3-еуі кем Құлын – 2 ? артық
Ш: 10-3=7 Ш: 5-2=3
Ж: лақ 7-еу Ж: 3-еуі артық
Есептің шартын, сұрағын, шешуін, жауабын табу, есеп құрастыруды үйрету.
5 тапсырма .Сәуірдің тапсырмасы. Өзіндік жұмыс.
Тиісті санды орнына қой:
7- = 4 9- =4 -2=4
7- =6 -2=6 -3=6
-3=3 5- =3
Мәні бірдей айырмаларды бір бағанға теріп жазу.
Сабақты бекіту. «Кім жылдам» ойыны арқылы мамырдың тапсырмасын орындау.
10-5 10-4 10-3 10-8 10-7 10-6 10-2 10-1 10-9 10-8 10-3
Азайғыштарды салыстыру, азайтқыштарды салыстыру, айырманың мәнін салыстыру.
Шығармашылық тапсырма.Сана. Салыстыр. Не байқадың?
Қорыту. 10 асықтың үшеуін
Досың сұрап алады.
Айтшы сонда нешеуі
Өз қолыңда қалады?
— Біз не үйрендік?
— 10 саны қандай сан?
Мақтау, бағалау.
Үйге тапсырма 147 бет 5-есеп.
