Күзгі бақтағы кездесу

Шығыс Қазақстан облысы

Семей қаласы

№36 жалпы білім беретін орта мектеп мұғалімі

Абдулаева Жадра Маутхановна

Тақырыбы: «Күзгі бақтағы кездесу» атты іс-шара
Мақсаты:
1. Жас ұрпаққа қоршаған ортадағы түрлі құбылыстарды және күз кереметтілігін нақты айқындап ашуға, табиғатты сүюге, сақтауға үйрету.
2. Оқушылардың әртістікқа білетін, өзгешеліктерін дамыту, инабатты, иманды, іскер, мәдениетті, жеке тұлғаны қалыптастыру.
3. Ұқыптылыққа, шымыр да шапшаң ой жүйріктілігіне, талғампаздыққа, таза әдемі болуға тәрбиелеу.
Көрнекіліктер: Сахнада күз көріністері, күздік дастархан мәзірі, Сары түсті шарлармен безендірілген.
Өтілу барысы:
«Күз» жайлы шығарма оқылады (Ф.Шопен «Күз» тақырыбындағы видео әуені қосылады)
Жүргізушілер ортаға шығады
Еркежан: Армысыздар, берекелі, мерекелі Алтын күздің қонақтары! Аяулы ұстаздар, оқушылар!
Асет: Береке ғой, мереке ғой күз деген
Байлығы ғой еліміздің жүздеген
Таза еңбек маңдай терің төгілсе
Адал асың алдыңдағы іздеген

Еркежан: Алтын күз сізбен бірге шуақ шашсын,
Көңілдің серіппелі күйін ашсын
Басымызға бақ пен шаттық қатар қонып
Береке бірлікпенен ортақтассын!
Асет: Күз — халқымның ежелден берекесі,
Жерден ғой адамзаттың несібесі.
Тойлаймыз мектепте біз күз мейрамын,
Алтын күз құтты болсын мерекесі!(бірге)
Еркежан: Иә, Айналаны алтын сары түске бояған жылдың осынау бір мезгілі, шынында да әсерлі емес пе! Күз адам баласына молшылық, береке әкелетін мезгіл. Сондықтан да адамдар күзге берекелі, мерекелі күз деп баға береді.
Асет: Еркежан ал алтын күз дейтіннің себебі неліктен екенін білесің бе?
Еркежан: Иә әрине! Алтын дейтін себебі айналаның бәрі сап-сары түске боялады. Сонымен қатар күзде жеміс-жидек, дәнді-дақылдар пісіп жетіледі. Сол өсімдіктің пісіп жетілуіне еңбегін сіңіретін адамдар.
( осы сәтте жүргізушілер кетіп бара жатқан шаруа адамын көреді)
Еркежан: Асет мына адам кім? Жүр жақын барып жөн сұрасайық. Мүмкін бұл шаруа адамы осы бақтың иесі болар.
Асет: Иә солай сиақты, жүр.
-Ау бағбаншы сізге не болды? Жүзіңіз соооооондай жабырқаулы ғой!
Ақжол (Бағбаншы): — Ееееее, Күңіренген қоңыр күздің мінезіне үйрене алмай әбден қиналдым. Бойымда бір сағыныш сезімі бардай ма, білмеймін.
Жаз бойы жемістерім баптаған,
Пісіріп, тәтті-тәтті қылып сақтаған
Күз болып, айрылдым ба ұқпай қалдым,
Қайда кетті еңбегім мақтанған
-Аспанға ұшты ма? Менің қолымнан кетіп адамдардың аузына түсті ма, білмеймін.
Асет: Мұңаймаңыз бағбан ата. Мен сіздің сағынышыңызды басудың жолын ойлап тапқан сиактымын. Осынау әдемі сары алтын түске боялған бағымыздың төріне сіздің достарыңызды жинап кездесу ұйымдастырсақ қайтеді?
Еркежан: Табылған ақыл! Олай болса қошеметпен, 3 ай бойы бірге өсіп, бірге өнген, шырайлы жаздың қызықтары мен қиындықтарын бірге көріп бір-бірімен дос болып кеткен бақшамыздың кейіпкерлерін ортаға шақырайық.
Асет: Білсең егер әлемде
Денсаулыққа пайдалы
Жемістердің бәрі де, — деп ортаға «Жемістер» тобын шақырайық 5 «А» сыныбы
Еркежан: Бақшамызда өседі,
Жұрттың бәрі бұларды
Керек тағам деседі.
— Қарсы алыңыздар! Алдарыңызда «Көкөністер» тобы 5 «Ә» сыныбы
Асет: Біреуі терек астында
Біреуі қайың астында
Әдемі нетен қалпақтар
— Алдарыңызда, саңырауқұлақтар ( қошеметтеп отырайық) 6 «А» сыныбы
Еркежан: Төгілген жер бетіне сары кілем
Жаз бен күздің белгісін ажыратар
Сыбдырлаған әдемі үніменен
Келіп қалды кездесуге жапырақтар
-Бақшамыздың төріне «Жапырақтар» тобын шақырамыз 6 «Ә» сыныбы
Асет: Ақ қайың тұр жағада
Түрлері оның қаншама
Шақырайық ортаға
Тербелсін әдемі ырғала
-Алдарыңызда «Ақ қайыңдар» тобы. 7 «Ә» сыныбы
-Барлық топтар орындарына жайғассын. Ал біз сайысымызды бастаймыз ( бірге)
Еркежан: Әділдікке бас иеді күллі әлем,
Әділқазылар алқасына бір сәлем!
-Бүгінгі сайыста жүйрік сыныпты анықтап, өнерлеріңізді сараптайтын әділқазылар алқасымен таныс болыңыздар!
1. Тәрбие ісінің меңгерушісі Ахметова Баян Узбековна
2. Қазақ тілі пәнінің мұғалімі Байшуақова Бекзат Қалымхановна
3. Еңбе, сурет пәнінің мұғалімі Ахметова Гүльмира Зейнелгабиевна
Асет:
Ал қазір барлығымыз экранға назар аударып сайыс шарттарымен таныс болайық.
1.Сәлемдесу ( тақырыптық қойылым) 4-5 мин
2. Күзгі дастархан (қорғау) 3 мин
3. “Күзгі бейне” шығармашылық сайыс 6-7мин
4. “Сары күзді қара өлеңмен суреттеймін” 6-7мин
5. Киім үлгісі (қорғау) 3 мин
Еркежан:
І. Ал қазір кезекті сәлемдесуге берейік ( топтар кезекпен өздерінің сәлемдерін жолдайды)

Асет:
ІІ. Қызыл, жасыл түсi бар,
Дәруменнің бәрі бар
Қуат берер күшi бар.
Қане, мына дастархандарға назар аудар!
— «Күзгі дастархан» кезеңін бастайық. Әр топ өз дастархандарын қорғайды.

Еркежан
ІІІ. -Құрметті сайыскерлер келесі кезең “Күзгі бейне” шығармашылық сайысы. Сайысымызды бастамас бұрын мына өлең жолдарына назар аударайық!
Күз-мереке, күз-ырыстың белгісі
Қайтып барады мекеніне жыл құсы
Әнге ұласып, жырға ұласып даламыз
Естіледі жапырақтардың сыбдыры
Көз жүгіртіп айналаңа қарасаң
Шат-шадыман адамдардың тұрмысы
-Енді осы өлең жолдарының мағынасына сәйкес «Күзгі бейне» тақырыбына сурет саласыздар. Топтар шығармашылық жұмыстарын аяқтағанша көрермендермен ойын ойнайық. Викториналық сұрақтарға жылдам әрі дұрыс жауап берген оқушыларға сыйлығымыз бар.
Асет:
ІV. Қоңыр күзде сағыныш пен жырлар бар,
Қажет болса қалағанша жырлаңдар.
Менде саған оқиыншы бір өлең,
Құлақ салып құмарта бір тыңдаңдар.
— Келесі кезекте “Сары күзді қара өлеңмен суреттеймін” кезеңіне берейік. Бұл сайыстың шарты: алдарыңыздағы конвертті ашып, ішіндегі сөздерді қолданып өлең шығарасыздар. Тақырып әрине «Күз» жайында.
Еркежан:
V. Бүгінгі кеш өтіп жатыр әнімен,
Әр адам әсем болар өз тәнімен.
Өз қолынан шығарған киім сәнін,
Сіздерге көрсетеді өз мәнімен, -дей келе келесі кезекті күзгі сән үлгісіне береміз.
Асет:
-Міне, сайысымызда өз мәресіне жетті. Әділ қазылар алқасы шешім шығарғанша «Күзгі вальс» биін тамашалайық. Қарсы алыңыздар, алдарыңызда 7 «А» сыныбының ұл-қыздары.
Еркежан:
Күлкі үйірілсін жүзіне бар адамның
Шаттық құйып төріне сар даланың
Күлкі өмірді жасартар деген халқым
Күле алмасаң өмірге барма амалың
-Алдарыңызда 7 «А» сынып ұлдары. КВН
Марапаттау кезеңі
— Келесі кездескенше хош сауболыңыздар!