sabaq.kz sabaq.kz
Қызылорда облысы
Арал ауданы, Шижаға ауылы
№57 Е.Көшербаев атындағы орта
Төлебаева Светлана
Тақырыбы: Сабырсыз,арсыз, еріншек. Абай Құнанбаев
Мақсаты: Ұлы ақын Абай Құнанбаевтың шығармашылығымен таныстыра отырып, өлеңнің негізгі идеясын ашуға үйрету; адам бойындағы жағымсыз қасиеттерден бойын аулақ ұстауға баулу; көркем мәтіннен жұмыс істей алу дағдысын жетілдіру, оқып түйгендері туралы ой қорытындысын айтқызып жаттықтыру.
Түрі: аралас сабақ
Әдісі: сұрақ-жауап, талдау, іздену, қорытындылау.
Көрнекілігі: суреттер, кесте.
Сабақтың барысы: І. Ұйымдастыру кезеңі. Сабаққа әзірлік.
-Бүгінгі сабақтарыңа тілектерің :Сабағымыз сәтті өтсін,
Алар бағамыз «бес» болсын.
ІІ. Үй тапсырмасын сұрау: Орындалған арман. Спандияр Көбеев Оқытып, түсінігін сұрау
ІІІ. Үй тапсырмасын пысықтау: Әр топқа сұрақтар таратылып , жауап алу. І топ :Спандияр Көбеев кім ? Ол туралы не білесің ? ІІ топ : Әңгіменің басында «Үлкен той болды» деп қандай тойды айтып отыр ? ІІІ топ : Хамза Қаржасовтың сөзі неге ұнамады ? ІV топ : Болыс Салмұғамбет Спандияр мен оның әкесіне не деді ? Ыбырайдың неліктен қабағы түйіліп, жүзі сұп-сұр болып кетті ? Қорыту :Болыс пен байлардың әділетсіздігін қандай әрекеттерінен байқауға болады ?
ІҮ. Мақсат қою кезеңі: Өткен сабақпен байланыстыру: 1. Қандай тарауды оқып жатырмыз ? ( Жарық жұлдыздар )
2.Суреттен кімдермен танысқанымызды еске түсірейік ? ( М. Жұмабаев ,Ы . Алтынсарин , С . Көбеев )
Олай болса тақтаға қарайық , оқып , еске түсірейік. 2. Жаңа сабаққа даярлық. Интерактивті тақтадан оқу.
«… Талап, еңбек, терең ой,
Қанағат, рақым, ойлап қой,
Бес асыл іс — көнсеңіз»
- Тақтадағы үзінді Абайдың қай өлеңінен алынған ?
- Бұл өлеңді кімдер жатқа біледі ?
|
Дәптермен жұмыс: Абай туралы білетіндерін жазу.
2.Абай Құнанбаев – қазақ халқының ұлы ақыны, асыл сөздің зергері. Азан шақырып қойған аты — Ибрагим. Әжесі Зере сүйкімді де сүйікті немересін Абай деп еркелеткен. Осыдан кейін Ибрагим дейтін шын аты аталмай, ел арасында Абай атанып кетеді.
3.Абай Құнанбаев туралы қосымша мәлімет:
Өлеңдерінен басқа 3 поэмасы, 45 қарасөзі бар. Абайдың алғашқы өлеңдерін Көкбай Жаңатаевтың атымен жариялаған. Алматыда Абай ескерткіші, Абай көшесі, Абай атындағы университет, Іле Алатауы жоталарында Абай шыңы деп аталатын жерлер бар. Абайдың анасының аты – Ұлжан , әжесінің аты – Зере. Абай кішкентайынан әжесі Зеренің айтқан қызықты ертегілерін тыңдап өседі.
4 топқа тапсырма
1 – тапсырма .
І топ – «Абайдың өлеңдері» (еске түсіру )
ІІ топ – Абайдың 31-ші қарасөзін оқып, түсінгенін айтады.(Өзім беремін )
ІІІ топ — Абай аудармаларынан «Шегіртке мен құмырсқа» мысалынан көрініс көрсетуге әзірлену (еске түсіру )
ІҮ топ – Абайдың «Желсіз түнде жарық ай» немесе «Көзімнің қарасы» әнін орындау
-Олай болса , бүгінгі сабағымызда …
Ү. Жаңа сабақ: Сабырсыз,арсыз, еріншек. Абай Құнанбаев.
Өлеңді мәнерлеп , жатқа оқу
Сөздік жұмыс: алауыз – береке – бірлігі жоқ , Күндейді – қызғанады , Мертігеді – бір жері сынады , шығады . Міндейді – мін тағады , жамандайды.
-Өмірмен байланыстырып түсіндіріп өту.
2 – тапсырма. Екі өлеңді салыстыра отырып, өлеңдегі сөздерді пайдаланып, әр топқа парақшаға жазады. Яғни , қарама – қарсы мағыналы сөздер жазу.
«Сабырсыз , арсыз , еріншек »
Жағымды Жағымсыз
Сабырлы, арлы, еңбекқор, сыпайы, Сабырсыз, арсыз, еріншек, көрсеқызар, білімді, ақылды … жалмауыз, алауыз,…
« Ғылым таппай мақтанба »
Талап , еңбек , терең ой , қанағат , рақым … Өсек , өтірік , мақтаншақ , еріншек ,
бекер мал шашпақ …
Кестеге өтілген жаңа сабақтағы «Сабырсыз, арсыз, еріншек» деп аталған өлең мен «Ғылым таппай мақтанба» өлеңін салыстыра отырып, адамның жақсы, жаман қылықтарын топтап жазады.
ҮІ Оқулықпен жұмыс : тізбектей оқыту.
ҮІІ.Түсінгендерін сұрақтар арқылы бекіту. «Мен бүгінгі сабақтан нені үйрендім ?»
ҮІІІ. Қорыту. Абайдың бір өлеңін хормен айтып аяқтау
ІХ. Үйге тапсырма: 1. Түсініп, мәнерлеп оқу 82 — бет
- Бағалау.
[bws_related_posts]
