Адамның нашар мінезі.

Батыс Қазақстан облысы
Зеленов ауданы Трекинжалпы орта білім
беретін қазақ мектебі
мұғалімі Каменова Венера

Сабақтың тақырыбы: Адамның  нашар мінезі.
                                           Шәкәрім Құдайбердиев
Сабақтың міндеті: Оқушыларды  Ш.Құдайбердиевтің өмірімен және   шығармашылығымен таныстыру.
Сабақтың мақсаты:

1.     Адам бойындағы жағымды, жағымсыз қасиеттердің пайдасы мен зиянын дұрыс тануына жол салу.
2.     Сөйлеу тілдерін дамыту.
3.     Адами қасиеттерді бойына жинау, қоршаған ортасына деген көзқарасын қалыптастыру, үлкенді, ата-ананы сыйлау керектігін ұғындыру.
4.      Күтілетін нәтиже: Ш.Құдайбердиевтің өмірімен және   шығармашылығымен таныстыру, адам бойындағы жағымды, жағымсыз қасиеттердің пайдасы мен зиянын дұрыс тануына жол салу.

Сабақтың көрнекілігі: нақыл сөздер, интербелсенді тақта
Сабақтың барысы:
1.     Ұйымдастыру кезеңі. Кезекшіден оқушылар туралы мәлімет алу,
сынып тазалығына көңіл бөлу.
2.     Психологиялық дайындық.
Мектебіме барғанда,
Жолыққан бар жандарға
Ертемен ақ пейілмен
Қайырлы таң-деймін мен.
(Жақсы тілектер айту)
Оқушыларды ортаға шығарып, шеңбер құрғызып, бір-біріне жақсы тілектер айтқызамын
     .Топқа бөлу: Оқушыларды топқа бөлініп отырығызу.
1.Топ “Болашақ”
2.Топ”Бәйтерек”
      4.Үй тапсырмасын тексеру.Тест тапсырмасымен
Қызығушылықты ояту. Бүгінгі сабақты Абай атаның «Ғылым таппай мақтанба» өлеңімен бастайық. (Өлеңді жатқа айту). Абай атаның бес асыл іс деп отырғаны нелер? Талап . Еңбек . Терең ой . Қанағат . Рақым .
Бес асыл сөздің мағынасын қалай түсінесіңдер?
Енді адам бойындағы жағымды, жағымсыз қасиеттерді еске түсірейік.
 Жағымды: әдепті, ізетті, адал, сыпайы, инабатты, еңбекқор, алғыр
Жағымсыз: өтірікші, дөрекі, ызақор, надандық, ашуланшақ, еріншек, жалқау
Жағымсыз қасиеттердің ең нашары не деп ойлайсыңдар? (Ызақорлық және еріншектік.) Одан аулақ болуымыз керек.
Мағынаны тану. Олай болса, балалар, біз бүгін Ш. Құдайбердиевтің осы тақырыптағы «Ызақор», «Еріншек» өлеңдерін оқимыз. Шәкәрім суреті интерактивті тақтада көрініп тұрады. Автор туралы мағлұмат беру.
Шәкәрім Құдайбердиев 1858 жылы 11- шілдеде Семей облысы, Абай ауданында туған. Шәкәрім Орта жүз, Арғын руы, Тобықты. Ол төрт рет қажылыққа барып, «қажы» атанған. Қазақтың ұлы ақыны, жазушы, философ, тарихшы, аудармашы, сазгер.
4. Оқулықпен жұмыс.
«Ызақор» өлеңін мәнерлеп оқу, талдау. Өлең кімге арналған? Өлеңдегі негізгі ойды анықтайтын шумақты тап. Балалар, біз өзін- өзі тану сабағында «Данышпан ата» кеңестерін тыңдаған болатынбыз. Қане, еске түсірейік.
Ашу қысқан кезде өзіңді өзің ұстай біл.
Ашуланған кезде 1- ден 10- ға дейін іштей сана.
Жақсы нәрсе туралы ойла.
Өзіңді ұстамды, сабырлы адаммын деп есепте.
Басқа адамдарды ренжітетініңді ойла.
Соңынан өкінетініңді есіңе ал.
Ашуды ақылға жеңдір.
5.Түртіп алу стратегиясы.
Шәкәрімнің “Еріншек”өлеңін хормен оқимыз жағңа сөз кездессе түртіп алыңыздар,түсінік беру. ”Харекет”деген сөзгет түсінік беру.
5. Сергіту сәті. «Кім шапшаң ойлайды?» Қане, кім ашу ызаға, еріншектікке байланысты мақалдар айтады? Еріншектік дегенді қалай түсінесіңдер?

• 6. Топтастыру.

     Еріншек: Надан    Олақ             Ойсыз       Ұйқышыл   Жалқау
7.  Оқулықтағы берілген мақал-мәтелдердердің оқу
           Ашу –дұшпан ақыл- дос,
          Ақылыңа ақыл қос.       
          Елгезек екі айтқызбайды.
Жақсы балаға айтсаң-білер,
          Жаман балаға айтсаң-күлер.
8. Ой толғау. Қазір осы оқылған, өлеңдер, айтылған мақал- мәтелдер негізінде шығармашылық тапсырмалар орындайық. Ызақор адамның бейнесін салу. Еріншек баланың суретін салу. Мақтаншақ адам қандай болады? Бейнеле. Салған суреттер «Оқушы шығармашылығы» ретінде тақтаға ілінеді. Осындай балаларға ұқсағымыз келе ме? Ендеше, қандай бала болуымыз керек?
Талапты     Талантты     Еңбекқор     Ақылды     Оқуда озат
 9.Бекіту: 1.Кіммен таныстық.
               2.Қандай өлеңдерімен таныстық.
 10.Рефлексия:  Өткен өлеңдерден баланың  қандай  болу керектігін түсіндік.
Баланың  бойында қандай жақсы қасиеттер болу керек
 Ә-әдепті
 Д-дарынды
Е- еңдекқор
П -парасатты
Т-тәртіптті
І-ізетті
Балалар біздер әдепті болуымыз керек екен. Осының барлығы өз қолымызда.
11.Үйге тапсырма.
1-деңгейлік Мәнерлеп,түсініп оқу.
2-деңгейлік 1өлеңді жатқа айту.
3-деңгейлік “Жаман”мінезден қалай арылуға болады. Эссе жазу.
 12.Бағалау.Оқушылардың білімін топ басшылары бағалайды.