sabaq.kz sabaq.kz
Қарым – қатынас ережелерді, әңгімелесе білу ережесі
Ойын
Мақсаты: Қарым-қатынастың түрлі құпиялары бар. Біреу таныстығына, достығына, енді бірі өзіне тәуелді болған сәттерді пайдаланып өзінің өтініштерін орындатуға тырысып жатады. Ондай жағдайда, «иә»- деп, жұмысын орындау қажет пе? Біреудің өтінішінен бас тартудың өзі сол адаммен қарым- қатынасыңды бұзбайтындай болуы қажет.
Ойын шарты: Екі топқа бөлінеміз бірінші топ өтінішін орындатуы тиіс. Екінші топ өтінішті орындамау үшін түрлі эмоцияда жауап қайтаруы қажет. Мысалы: (кекесін түрде, ызалы кейіпте, өкпелі қалыпта, мазасыз жағдайда, дөрекі қалпында, сыпайы жағдайда, өз ісінің көптігін алға тарту т.б)
Жүргізілу барысы: Алдын ала жазылған тапсырмалар оқушыларға таратылады. Бірінші топқа өтініш білдіру тақырыптары. Екінші топқа қалай жауап беруі қажеттігі туралы нұсқаулар. Екі топ та бір- біріне қандай тапсырма берілгенін білмеуі қажет.
Жаттығу басталды, ортаға бір-бірден шығып таңдаған адамдарына өтініш білдіреді, қалғандары оның іс- әрекеттерін бақылап отырады.
Талдау кезеңі: Әр ойыншы қандай көңіл-күйде болғанын баяндайды. Қорытынды шығарады.
Қорытынды:
- Біреудің қол шоқпарына айналмас үшін қалай қарым-қатынас орнату қажет?
- Сен «жоқ» деп айта алдың ба?
- Сенің ойыңша кім сенімді түрде «жоқ» деп айта алады?
