101 мақал

Мақсаты: Халық ауыз әдебиеті жанрлары туралы білімдерін кеңейту. Тілдерін ширату, ойлау, есте сақтау қабілеттерін дамыту.Оқушыларды тапқырлыққа баулу. Жүйелі ойлауға бағыттау.Отанын, елін, жерін сүюге тәрбиелеу.

Көрнекі-құралдар: сабақтың тақырыбы жазылған плакат, текшелер, суреттер, музыкалық көркемдеу.

Техникалық құрал: интербелсенді тақта

Өту барысы:

Құрметті  ұстаздар, оқушылар! Қазақ халқы шешен халық.Шешендік өнер біздің халқымыздың асыл мұрасы. Ата-бабадан балаларға жеткен баға жетпес байлық, асыл қазына.

Өнер алды қызыл тіл, демекші, бүгін 3 б сынып оқушыларымен сайысып,  “қызыл тілшіні” анықтаймыз.Сонымен 1001 мақал, 101 жұмбақ ойынын бастауға рқұсат етіңіздер! Ойыншыларға сәттілік тілейміз!

 

1 – айналым. “ Жас мақалшы “.

“Отан”, “ Еңбек”, “ Достық” тақырыптары бойынша ең көп мақал айтқан оқушы жеңімпаз атанады.

 

2 – айналым. “ Ұшқыр ойлы”

Мақал-мәтелдерді аяқтау.

• Еңбек етсең ерінбей, …
• Отансыз адам — …
• Туған жердің …
• Көз қорқақ — …
• Батыр туса …
• Оқу — …
• Жақсыдан үйрен, …
• Әдепті бала …
• Жалқаудың жаны …

 

3-айналым.” Оқырман”

Әр бағандағы әріптерді тез құрастырып, бір мақалдан оқу.

Уоқ   ітбі – қуот.

Ренөлі алба дікімйүс.

Ыжасқ саблоң қыажн пкө.

Еріж бңайды леі айб.

Нтоа то асыбнан дыбаслата.

 

4 – айналым. “ Тапқырлар “.

Жұмбақтарды шешу. Ең көп жұмбақ  шешкен оқушы жеңімпаз атанады.

• Қардай аппақ,

Балдай тәтті – ақ. ( қант )

• Күнде оған қараймын,

Қара шашымды тараймын.  ( айна )

• Келеді бір жануар,

Үстінде екі тауы бар. ( түйе )

• Қос мүйізді , төрт сирақты,

Сыйлайды балдай ақ бұлақты. ( сиыр )

• Аяғы бар, басы бар,

Арқалаған тасы бар. ( тасбақа )

• Орманда тұрады, өзі бір қу,

Жүрген жері айқай да шу. ( түлкі )

• Ағайынды бәрі,

Шықса – жасыл,

Түссе – сары. ( жапырақ )

• Қалың киімді ұнатады,

шешіндірсең жылатады. ( сарымсақ )

• Жер бетінде шашы бар,

жер бетінде басы бар. ( сәбіз )

• Жалт-жұлт етеді,

Ұстасаң еріп кетеді. ( қар )

• Ән салады чемодан,

Ішінде жүр көп адам.

Естімейді сөзіңді,

Сөйлесең де сен оған. ( теледидар ).

• Бұл не деген көп киім,

Жетпіс қабат көк киім,

Түймелеуге жетпейді,

Жаңбыр одан өтпейді. ( қырыққабат )

 

5 – айналым. “Білгіш”

Ең көп жұмбақ жасырған оқушы жеңімпаз атанады.Жұмбақты кез-келген тақырыпқа байланысты айтуға болады.

ІІІ.Қорытынды.

ІҮ. Жеңімпаздарды анықтау. Марапаттау рәсімімен сабақты аяқтау.

Мұғалім:     Қалың елім қазағыңа қорған бол!

Жеткіншегім жайқала өсіп орман бол.

Мақалдарды көп біліп, қазақ тілін меңгеріп,

Елге тірек, нағыз ұлттық тұлға бол!