«МЕН СОҒЫСТЫ ЖЕК КӨРЕМ» ҚАЙРАТ ЖҰМАҒАЛИЕВ

Арыстангалиева   Динара   Капаровна      

Кеңқияқ орта мектебінің бастауыш класс мұғалімі

«МЕН СОҒЫСТЫ ЖЕК КӨРЕМ» ҚАЙРАТ ЖҰМАҒАЛИЕВ

         Мақсаты: Ұлы Отан соғысының ерлікке толы қаһарлы жылдары бірте – бірте алыстап барады. Бірақ адамзат дүние жүзін фашистік құлдықтан аман алып қалған халықтың ғажайып ерліктерін ешқашан ұмытпақ емес.                       Білімділігі : Өлеңді мәнерлеп оқу дағдысын одан әрі қалыптастыру, бейбітшілік пен зұлымдылық арасындағы байланысты меңгерту.                             Дамытушылық: Ұлы Отан соғысына байланысты ақпараттарды оқып ізденуге, батырлар ерліктеріне баға беруге, қорытынды жасай білуге дағдыландыру.                                                                                                                 Тәрбиелілік : Оқушылар бойында адамгершілік, патриоттық сезімдер қалыптастыру арқылы Отанын сүюге және қорғауға тәрбиелеу. Батырлар тағзым етуге, құрметтеуге үйрету.                                                                               Түрі : ашық сабақ.                                                                                              Әдісі : түсіндіру, баяндау, Сұрақ – жауап, шолу.                                                  Көрнекіліктері: интерактивті тақта, батырлар суреттері, гүл шоқтары, мұражай бұрышы, естеліктер, жер шары, кептерлер,  т. б.                                                                                                                                                                                               Сабақтың барысы:                                                            1.Ұйымдастыру бөлімі.                                                                                             2. Үй тапсырмасы.                                                                                      « Туған жер», « Отан» туралы шығарма жазып келу.                                           3. Ой қозғау.                                                                                                      « Отан» туралы мақал – мәтелдер с?ралды.                                                       Отан туралы айта берсек ол өте кең ұғым. Отан- бәрімізге аса қымбат, өте ыстық сөз. « Отан» сөзі естілгенде көз алдымызға осынау байтақ даланы алып жатқан шат тұрмыстағы бақытты ел келеді. Әр азамат туған елінің өткені мен бүгінін біле отырып, болашаққа қадам басады.Болашаққа рухани мәдениетімен қатар ұрпағының ұлттық қасиеттерін сақтауда тарихын үлгі етеді.                       Бүгін біз жаңа тарау бастағалы отырмыз. Яғни 3- бөлім « Мен соғысты жек көрем» деп аталады. Бұл бөлімде сондай- ақ Ұлы Отан соғысына қатысқан ержүрек батырлардың ерен ерлігі мен қайтпас қайсарлығын баяндайтын шығармалар енгізілген. Кеңес Одағының Батыры атағын алған Әлия Молдағұлова, Мәншүк Мәметова, Төлеген Тоқтаров, атақты ұшқыш Талғат Бигелдинов және басқалардың ерен ерліктері туралы жазылған көркем шығармалармен танысасыңдар. Ұрпақтан ұрпаққа жеткізетін тарихи оқиғалардың баса ауқымдысы қандай соғыс еді ?

4. Мұражайға саяхат.   Мәншүк суреті, топырағы, Прохоровка жерінің топырағы, адам терісінен жасалған әмиян, өзімнің де атамның ерен ерліктерінің дәлелдерін айтып өту.         Балалар, осы Ұлы Отан соғысы туралы не білесіздер ? 3- сыныпта соғысқа байланысты қандай тақырыптарды өттіңдер ?

 5. Жаңа сабақ.     Бейнесюжетке назар аударайық.                                                                     1941 жыл 22 маусымда елімізге қауіп төніп, халғымыз адам айтқысыз қиын- қыстау кезеңге душар болады. Осы күні таңғы сағат 4 шамасында гитлерлік Германия әскері КСРО – ның батыс шекараларына ене бастады. Гитлердің соғыс жоспары « Барбаросса» деп аталды. Ол жоспар бойынша КСРО – ны 3-4 айда жаулап алып, оны болашақ соғыс жорықтары кезіндегі шикізат пен адам ресурсына айналдырмақшы болды.Жаудың 190 дивизиясы, 4 мыңнан астам танктері, 47 мыңнан астам артиллерия және миномет қондырғылары, 5 мыңдай ұшағы, 22- дей әскери кемесі соғысқа жұмылдырылды.        Ұлы Отан соғысы туралы деректерге сүйенсек : соғыстың алдында елімізде 6. 2 млн. Халық тұратын еді.Республикадан 1 млн 196 мың 164 адам қару асынып, майданға аттанды. Республикамыздан еңбек армиясына 700 000 адам жібелілді. Сонда Қазақстаннан соғыс жылдары әскери комиссариаттары арқылы 1 млн 200 мыңдай адам сапқа тұрды. Соның жартысынан астамы, яғни халықтық шамамен 10- пайызы соғыстан қайтып оралған жоқ , — дейді тарихшылар.Соғыс жылдары республикамызда 12 атқыштар дивизиясы, 4 ұлттық кавалериялық дивизия, 7 атқыштар бригадасы, соның ішінде 2 ұлттық атқыштар бригадасы майданға жөнелтілді. Бұдан бөлек, Қазақстанда 50- ге жуық полк пен батальондар жасақталған. « Сандар сыр шертеді» берілген ақпаратты қорытындылау. 1945 жыл 9- мамыр күні Жеңіске қолымыз жетті. Күйзелген көңілдер, жүдеген жандар Ұлы Жеңістен жұбаныш тапты. Жеңіс ! Қандай құдіретті сөз еді бұл! Осы бір сөзге 4 жылдай теңселген дүниенің қайғы- қасіреті, ащы азабы, тәтті арманы, ой- қиялы сыйып жатыр. Содан бері біз жеңісті тойлап келеміз. Міне, балалар, жеңіс оңайлықпен келмеген екен. Сондықтан біз « еліміз тыныш, халқымыз аман болсын» деп тілейміз. Сендердің, сендер секілді жер шары балаларының тілегін білдіретін   « Мен соғысты жек көрем !» деген Қ. Жұмағалиевтің өлеңі бар. Бүгін осы өлеңмен танысамыз.

6. Оқулықпен жұмыс.        Мұғалімнің оқуы.                                                                                              Сұрақ -жауап.                                                                                                   7. Сөздікпен жұмыс.      Тауып оқу, іштей оқу.    Неліктен ақын бұл өлең жолдарын қайталап отыр деп ойлайсың ?

8. Дәптермен жұмыс.   Өлеңдегі ұйқасты тауып, сол ұйқастарды пайдаланып, өздерің бір шумақ өлең құрастырып көріңдер.                                                                         Бекіту: Ойын: « Жер шарында… тілеймін !»       Ән: « Ақ кептерлер».

Бағалау: орден үлгісіндегі төс белгілер арқылы бағаланды.                                 Үйге: « Бейбітшілік» тақырыбына эссе жазу.