Ө ө дыбысы мен әрпі

Қызылорада облысы,Сырдария ауданы, Бесарық ауылы

№147 орта мектебінің бастауыш сынып мұғалімі

Абетова Кунсулу

    Сабақтың тақырыбы: Ө ө дыбысы мен әрпі

    Сабақтың мақсаты:                                                                                                1. Білімділік: Ө ө дыбысы мен әрпін таныту, бас және кіші әріптерін үйрету,
Ө дыбысын жеке, дұрыс дыбыстату.Ө дыбысын сөз ішінен ажырата білу,  жуан-жіңішкелігін айыра білуге үйрету.                                                                                                                                                          2.Дамытушылық:  Ө дыбысы мен әрпін оқыту арқылы оқушылардың ойлау, есте сақтау қабілеттерін, танымдық іс-әрекеттерін, шығармашылығын, сөздік қорларын дамыту.                                                                                               3.Тәрбиелік:  Үй жануарларының адамға пайдасын түсіндіре отырып, жануарларға қамқор болуға,бағалай білуге баулу және адамгершілікке, табиғатын сүюге, әдемі, таза, сауатты жазуға тәрбиелеу.
 Сабақтың әдіс-тәсілдері: ой қозғау, топтастыру, тізбектегі оқу, түсіндіру, әңгімелесу, сұрақ-жауап, «Семантикалық карта» әдісі.                                                                                                                        Сабақтың типі: Аралас сабақ.                                                                                                                                              Сабақтың көрнекілігі: Кеспе әріп, Ребус «Сөзжұмбақ»,дидактикалық ойындар мен тапсырмалар («Сөз ойла,
тез ойла», «Сөздік», «Кім суретші», Артығын тап», «Үндемес», «Жоғалған әріпті тап» ойыны)                                                                                                              Техникалық құрал: Компьютер, мультимедиялық кешен.
Пәнаралық байланыс: Бейнелеу, дүниетану.
Сабақтың барысы
І. Ұйымдастыру кезеңі                                                                                                                                                          а) Психологиялық дайындық.
Қара достым, жан-жаққа
Дайынсың ба сабаққа?
Орнында ма қараңдар,
Кітап, дәптер, қаламдар?
Оқушылардың құралдарын алдырып, назарын сабаққа аудару.                                           ә) Үлкенге де сіз.                                                                                                                       Кішіге де сіз.                                                                                                                 Сәлем бердік сіздерге,                                                                                                 Құрметпенен біз.

ІІ. Үй тапсырмасын сұрау                                                                                     
1)«Сөздік ойыны»
Мараттан «М» әрпін, Ұлданадан «Ұ» әрпін, Ұлғаздан «З» әрпін, Дәулеттен «Д» әрпін, «Ыдырыстан» «Ы» әрпін, «Нұрланнан» «Н» әрпін, Ырыстыдан «Ы» әрпін алдым. Сонда «Мұз айдыны» деген сөз шықты.                                                            Үйге берілген «Мұз айдыны» мәтінін дауыстап,тізбектей бірнеше оқушыға оқыту.
2)Балалар біздер өткен дыбысымыздың еске түсіріп көру үшін «Сөз ойласа да, тез ойла» ойыны арқылы З дыбысынан келетін сөздер айтып, оларды буынға бөліп көрейік.                                                                                                                Дидактикалық ойын «Сөз ойла, тез ойла»
Шарты: Жаңа сөздер ойлап табу.

III.Үй тапсырмасын пысықтау

1.З дыбысы қандай дыбыс? (дауыссыз дыбыс)                                                                  2. Дауыссыз дыбыс қалай айтылады?                                                                                               3. Дыбыс деген не?( Дыбыс деген ауызбен айтылады, құлаққа естіледі.)                                   4. Әріп деген не? (Әріпті жазамыз, әріпті оқимыз.)                                                                                5. Дыбыстар нешеге бөлінеді?(Дауысты, дауыссыз)                                                                 6. Дауысты  дыбыс нешеге бөлінеді?(Жуан, жіңішке)                                                               7. З дыбысы сөздің қай бөлігінде кездеседі?

ІІІ. Жаңа сабақ
Қызығушылығын ояту.                                                                                                      1. Жұмыртқадай дөңгелек
Кетпейді бірақ дөңгелеп
Бұл қай әріп? (О)
2. Әлде толған Ай ма екен
Әлде үрген шар ма екен
Белінде бар белдігі
Бұндай әріп бар ма екен? (Ө)                                                                          Тақтадағы өлең жолдарына назар аударып көрейік.

Өлең айтып балалар,                                                                                                               Өзен бойын шарлады.                                                                                                                 Өрмекшіні көріп қап,                                                                                                             Өрмегіне таң қалды.

-Бұл өлең жолдарының алғашқы бөлігінде бізге қандай дыбыс естіліп тұр.(Ө дыбысы)                                                                                                                                    -Олай  болса бүгінгі біздің өтетін дыбысымыз  Өө  дыбысы                                                 -Өө дыбысын барлығымыз хормен айтып көрейік?                                                                                        -Қалай жасалып тұр? (ерін арқылы)                                                                                                                 -Қалай айтылып тұр? (еркін,яғни дауысты,жіңішке)                                                         Ө дыбысы жіңішке болып айтылады. Себебі дауысты дыбыс, ол буынға өз алдына бөліне алады. Ө дыбыс өтілген дыбыстардан О дыбысына ұқсайды.

«Ой шақыру» Жұмбақ жасыру.
Шөлде бар,
Суда жоқ.
Көлде бар,
Буда жоқ.
Балалар ө дыбысы дейді. Шөл, көл сөздеріне дыбыстық талдау жасап өту.
Көрнекілік бойынша ө әрпінің баспа және жазба түрлерімен таныстыру.
Ө әрпінің баспа, жазба түрлерімен таныстыру.

Тақтамен жұмыс

Ө дыбысын сурет бойынша сөздер арқылы айтып көрейік.(хормен)

Өзен,өлең,өнер,өріс,өрік,өмір,бөрік,көмір,өрнек,өрмек,өркеш,көрме,көрпе,көршіЖаңа сөздермен жұмыс.
өзен —
өлең –
төл –
өмір –
өріс –
көрпе –                                                                                                                                      көрші-                                                                                                                                     өрмек-                                                                                                                                                көмір-
Түсінік беріп өту, хормен сөздерді айту                                                                                                     Көй — лек,өр-мек-ші, ө-шір-гіш, бө-рік, ө-рік. Хормен буынға бөлгізу

Сөйлем ойлату                                                                                                                       Анарға анасы көйлек әкелді.                                                                                                         Асан өшіргішпен бояуды кетірді.                                                                                    Ескендір әдемі бөрік киді.                                                                                                           Мен өрік жедім.

Дәптермен жұмыс                                                                                                                                      Қолға қалам алайық,
Әдемі етіп жазайық.                                                                                                                      Ө әрпінің бас және кіші түрін ауада, тақтада жазу.Үлгі дәптерге жазу.

Сергіту сәті«Шөжелерім» әні

«Кім тапқыр?» сөз жұмбақ шешіп табу.

«Өркеш» мәтінін электронды оқулықтан тыңдату                                                       «Өркеш» мәтінін рөлге бөліп, көрініс көрсетіп көрейік,

Балалар бота мен бұзауды білеміз бе? (иә)                                                                       «Өркеш»                                                                                                                       —Арқаңдағы шошайған не? –деді бұзау.                                                                                 -Өркеш қой, — деді бота.                                                                                        — — -Өркеш саған не керек? – деді бұзау.                                                                                 -Балалар мінсе құлап қалмасын,-деді бота.

IV.Сабақты қорыту

Венн диаграммасы

-Бүгінгі сабаққа ризасыңдарма?                                                                                         -Бүгін қандай дыбыспен таныстық?
-Ө қандай дыбыс?
-Ө дыбысы сөздің қай жерінде кездеседі?
Бағалау                                                                                                                            Белсенді араласқан оқушыларды фишка арқылы бағалау

Үйге тапсырма: Өө дыбысы мен әрпін оқу, жазу.