О дыбысы мен әрпі

Шығыс Қазақстан облысы

Тарбағатай ауданы

А. Байтұрсынов атындағы орта мектептің

даярлық сынып мұғалімі

Кизатова Мөлдір Айтқазықызы

Сабақтың тақырыбы: О дыбысы мен әрпі

Сабақтың мақсаты:  Білімділігі: О дыбысы , әріпімен таныстыру, құрамында О дыбысы бар сөздерді талдау. О әрпінің баспа түрін жазуды үйрету.                                                                                                                                                                         Дамытушылық: балаларға  О дыбысы бар сөз, сөйлем ойлап табуына назар аударта отырып,сөздік қорларын байыту. О дыбысының дауысты екенін меңгерту.                                                                                                                                        Тәрбиелігі: балалардың білімге деген қызығушылығын қалыптастыру, таза, ұқыпты жүруге тәрбиелеу;                                                                                                Көрнекілігі: кеспе әріптер, текшелер, тақырыпқа байланысты мазмұнды суреттер.                                                                                                                                 Әдіс — тәсілдері: сұрақ- жауап, тіл жаттықтыру,үйрету, түсіндіру, көрсету.                    Түрі: аралас сабақ.                                                                                                     Сабақтың барысы:                                                                                                  I. Ұйымдастыру кезеңі.                                                                                                         Қонақ күту салтымыз,                                                                                                  Оқып- біліп жатырмыз.                                                                                                 Келген қонақ сіздерге,                                                                                                                          Сәлем бердік, жалпымыз.                                                                                           — Кәне ,балалар, бүгінгі сабаққа деген көңіл- күйіміз қандай?                                                    — Жылдың қай мезгілі?                                                                                                     — Күз мезгілінің айларын атап беріңдерші?                                                                  — Қазір қай ай?                                                                                                                                           — Аптаның қай күні?                                                                                                           — Үшінші күн қалай аталады?                                                                                    II. Өткен сабақты еске түсіру.                                                                                                   – Балалар, біз сауат ашу сабағынан көптеген әріптермен таныстық.                                — Әріп дегеніміз не?                                                                                                                                                                                                                                                            — Дыбыстар нешеге бөлінеді?                                                                                           III. Ойын.                                                                                                                              — Балалар ойын ойнағанды жақсы көреміз бе?                                                                  — Ендеше, келесі кезекті ойынға берейік. Бүгінгі ойынымыз «Әріптер бағына саяхат» деп аталады.                                                                                                       — Балалар саяхатқа немен шығамыз?                                                                                     Көлікпен                                                                                                                       — Қандай көлік түрлерін білеміз?                                                                                    Жеңіл машина, жүк машинасы, автобус, пойыз.                                                               Балалар бүгінгі саяхатымызға пойызбен шығамыз.                                                 — Пойызды көргендерің бар ма?  Қалай жүреді.                                                                Иә, пуп-ч-ч  пуп-ч-ч                                                                                                           — Ал енді аялдамаға келіп тоқтадық. Қараңдаршы, балалар ,бірінші аялдамамыздан қандай әріп көріп тұрмыз?     (А)                                                          — Кәне « А» әрпі туралы қандай тақпақ білеміз?                                                                            Саяхатымызды әрі қарай жалғастырамыз  пуп-ч-ч                                                                       Қараңдаршы, қандай аялдамаға келіп тоқтадық?     (Н)                                                Енді « Н» әрпінен тұратын сөздер айтайықшы?                                                             Әрі қарай жалғастырайық  пуп-ч-ч                                                                                   Алдымыздан қандай аялдама шықты?    (Т)                                                                    «Т» әрпі туралы  қандай тақпақ білесіңдер?                                                                   Саяхатымызды әрі қарай жалғастырайық  пуп-ч-ч                                                                                              Қараңдаршы ,қандай аялдамаға тоқтадық?     (Ғ)                                                                                                                           «Ғ» әрпі қандай дыбыс?                                                                                                     Әрі қарай жалғастырайық   пуп-ч-ч                                                                                      Балалар, қараңдаршы, ең соңғы аялдамадағы әріппен таныспыз ба?                                                                  Жоқ.                                                                                                                                     IV. Жаңа сабақ.                                                                                                                        Ендеше, балалар ,біз бүгін  О аялдамасындағы О әріпімен танысамыз. Балалар « О» дыбысын барлығымыз айтып көрейікші.   (О)                                                                                                                                                                                                                          «О» дыбысы айтқанда созыла ма, әндетіле ме?                                                                                             Яғни, бұл дыбыс дауысты дыбыс. Дауысты дыбысты қызыл текшемен белгілейміз. Балалар « О» әрпінен тұратын қандай сөздер бар?   (от, отан, тон)                                                                       Отан  сөзіне  дыбыстық талдау жаса.                                                      Отан деген сөзде неше әріп бар? Нешеуі дауысты?  Нешеуі дауыссыз? Неше буын бар?     (осындай талдауларды балаларға талдату)                                                                  Сергіту сәті: Би «Қара жорға»                                                                                                                                                                                                         V. Дәптермен  жұмыс. « О» әрпін ауада жазу.                                                                                                       Үзік сызықтарды қосу арқылы « О» әрпін әдемі жазғызу.                                                                                                               Сергіту сәті:                                                                                                                       Торғай, торғай, торғайсың                                                                                             Таяу келіп қоңғайсың.                                                                                                                                                   Жем шашайын тойып ал,                                                                                                                                     Сонда аяздан тоңбайсың.                                                                                                                                VI . Қорытынды. Енді, кезекті ойынға берейік.                                                            Ойын: «Балық аулау»                                                                                                               Балалар бұл не? (аквариум)                                                                                              Балықты немен аулаймыз?  (қармақпен)                                                                       Шарты: Балалар ,бұл балықтардың сендерге алып келген тапсырмалары бар екен. Орындасаңдар, сендерге беретін сыйы бар екен. Кәне, балықты кім аулағысы келеді?                                                                                                                Бүгін қандай әріппен таныстық?                                                                                 «О» әрпі қандай дыбыс?                                                                                                      «О» әрпі кездесетін сөздер  білесің бе?                                                                                       «О» әрпін тақтаға жазып берші?                                                                                                     «О» әрпін қандай текшемен белгілейміз?                                                                                      Бағалау.