Жас жеткіншектердің бойында азаматтық пен Қазақстандық патриотизмді қалыптастыру, мемлекеттік рәмізін құрметтеуге, халық дәстүрлерін дәріптеуге тәрбиелеу

ОҚО. Түлкібас ауданы Т.Рысқұлов ауылы
Абай атындағы мектеп-лицейі
Директордың тәрбие ісі жөніндегі орынбасары Қуанышбекова Назым Райымбекқызы

Абай атындағы мектеп-лицейінің 2015-2016 оқу жылына арналған тәрбие жұмысының ЖОСПАРЫ

Тәрбие жұмысының тақырыбы:
«Жас жеткіншектердің бойында азаматтық пен Қазақстандық
патриотизмді қалыптастыру, мемлекеттік рәмізін
құрметтеуге, халық дәстүрлерін дәріптеуге
тәрбиелеу»

Абай атындағы мектеп-лицейінің 2015-2016 оқу жылына арналған тәрбие жұмысының
ЖОСПАРЫ

1. Абай атындағы мектеп-лицейінің тәрбие жүйесінің құрылымы:
— тақырыбы;
— тәрбие жұмысының мақсаты;
— тәрбие жұмысының бағыттары;
— тәрбие жұмысының міндеттері;
— күтілетін нәтижелер;
— тәрбие жұмысын ұйымдастыру.
Тәрбие жұмысының мақсаты:
Мақсаты: Білім мазмұнын жаңарту жағдайында балалар мен оқушы жастарды тәрбиелеудің идеологиясы мен стратегиясын анықтау.
Міндеттері: білім беру ұйымдары, отбасы және басқа әлеуметтік институттардың күшін біріктіру;қоғамның тәрбиенің басым рөлін түсінуіне көмектесу;білім беру жүйесінің барлық деңгейлерінде тәрбиенің үздіксіздігі мен сабақтастығын қамтамасыз ету.
Нысаны: білім беру жүйесінің барлық деңгейлерінің біртұтас педагогикалық процесі.
Іске асыру тетіктері: Білім беруді дамытудың мемлекеттік бағдарламаларын, Тәрбиенің кешенді бағдарламасын, Мемлекеттік жалпыға міндетті білім беру стандарттарын, барлық үлгідегі, деңгейдегі және меншік түріндегі білім беру ұйымдарында оқу бағдарламалары мен оқулықтарды, тәрбие бағдарламаларын әзірлеуде Тәрбиенің тұжырымдамалық негіздері негіз болады.

Тәрбие жұмысының бағыттары:
1.Қазақстан Республикасы Білім және ғылым министрінің 2015 жылғы «22» сәуірдегі № 227 бұйрықпен бекітілген
2.Мемлекеттік органдар, мекемелер, қоғамдық ұйымдар, ата-аналармен бірлескен жұмыс.
ТӘРБИЕНІҢ БАСЫМ БАҒЫТТАРЫ.
Жалпыадамзаттық және ұлттық құндылықтар тұтас педагогикалық процестің өзегі бола отыра, тәрбие жұмысының барлық бағыттары арқылы өтеді.
1.Қазақстандық патриотизм және азаматтық тәрбие, құқықтық тәрбие
2. Рухани-адамгершілік тәрбие
3. Ұлттық тәрбие
4.Отбасы тәрбиесі
5.Еңбек, экономикалық және экологиялық тәрбие
6.Көпмәдениетті және көркем-эстетикалық тәрбие
7.Зияткерлік тәрбие, ақпараттық мәдениет тәрбиесі
8.Дене тәрбиесі, салауатты өмір салты
Тәрбиенің мақсаттары мен тәрбие жұмысының міндеттері білім беру процесінде, сабақтан тыс және бос уақытта іске асырылады.
Тәрбие жұмысын іске асыру тиімділігінің өлшеуіші ретінде тұлғаның қоршаған әлемге, қандай да бір құндылықтарға және қоғамдық құбылыстарға қарым-қатынастардан байқалатын критерийлер ұсынылды.

Бірінші бағыт – Қазақстандық патриотизм және азаматтық тәрбие, құқықтық тәрбие
Мақсаты: Жаңа демократиялық қоғамда өмір сүруге қабілетті азаматты және патриотты; тұлғаның саяси, құқықтық және сыбайлас жемқорлыққа қарсы мәдениетін; балалар мен жастардың құқықтық санасын, оларда балалар мен жастар ортасындағы қатыгездік пен зорлық-зомбылыққа қарсы тұру даярлығын қалыптастыру.
Бағалау критерийлері (қарым-қатынасы арқылы):
Отанға, мемлекеттік құрылысқа, мемлекеттік саясатқа, мемлекеттік идеологияға;
ҚР Конституциясы мен заңнамасына, мемлекеттік рәміздерге (елтаңба, әнұран, ту), құқықтық тәртіпке;
елдегі ұлтаралық және конфессияаралық келісімге, халықтар достығына;
Өз елінің экономикалық және әлеуметтік-мәдени даму саласындағы жетістіктеріне;
Басқа адамның құндылықтарына, құқықтары мен бостандығына;
Өз өлкесінің (ауыл, қала, шағын аудан) табиғатына, мәдени-тарихи өміріне;
Құқықтық білімге, заңдылық және сыбайлас жемқорлыққа қарсы жүріс-тұрысына; Заң талаптарына, құқықтары мен міндеттеріне; Әлеуметтік құндылықтарға құрметпен қарау, мақтаныш сезім және жауапкершілік таныту.
Іске асыру механизмдері Сабақтар, оқу пәндері, сабақтан тыс іс-әрекеттер, қосымша білім беру. АРБ бағдарламасы аясында ерлік, намыс және абырой, Отанға адал қызмет ету тағылымдарын өткізу. Дебат және пікірталас клубтарын ұйымдастыру. Сыбайлас жемқорлыққа төзбеушілікке үндеген патриоттық форумдар, акциялар. Оқушылардың мемлекеттілік нышандарын және Қазақстан Республикасының мемлекеттік рәміздерін білуге арналған байқаулар мен олимпиадалар. Қазақ халқының, Қазақстанда тұратын басқа да этностардың мәдени мұрасын, дәстүрлері мен әдет-ғұрыптарын зерттеу бойынша өлкетану экспедициялары. Мемлекет, әдебиет, өнер, ғылым қайраткерлерімен, соғыс және еңбек ардагерлерімен, қоғам қайраткерлерімен, құқық қорғау, әділет органдары, мемлекеттік қызмет және сыбайлас жемқорлыққа қарсы іс-қимыл органдары қызметкерлерімен кездесулер. Балалардың және жастардың бастамашыл жобаларын дамыту. Балалар және жастар қозғалысы қызметін; қоғамдық қорлармен бірлескен қызметті жандандыру; әңгімелер, дәрістер, семинарлар, тренингтер; саяхаттар; ақпараттық-құқықтық материалдар тарату; «сенім қызметтерін», «Мен және заң», «Біз сыбайлас жемқорлыққа қарсымыз – қоғам мүддесіне деген опасыздыққа қарсымыз» акциясын ұйымдастыру арқылы жүзеге асырылады.

Екінші бағыт – Рухани-адамгершілік тәрбие
Мақсаты:Тұлғаның қазақстандық қоғам өмірінің жалпыадамзаттық құндылықтарымен, нормаларымен және дәстүрлерімен келісілген рухани-адамгершілік және этикалық ұстанымдарын, моральдық қасиеттерін және көзқарастарын қалыптастыру.
Бағалау критерийлері (қарым-қатынасы арқылы): мораль мен этиканың көпшілік мақұлдаған нормаларына;өзінің қасиетіне, арына және парызына; ішкі бостандығына және адамгершілік шешім қабылдауына;өзінің және өзге де халықтардың мәдениетіне, дәстүріне, әдет ғұрпына; діни құндылықтарға; ой, сөз және іс бірлігіне; өзінің мінез-құлқын жетілдіруге; ар-ұжданымен орындалған қылықтарға; түрлі мәдениет пен нанымның бірлігіне; адамдарға риясыз қызмет етуіне; өз ата-анасына, Отан, қоғам алдындағы парызына адамгершілік сезім білдіру.
Іске асыру механизмдері Оқу пәндері мазмұнына құндылықтарды кіріктіру арқылы оқытудың тәрбиелік әлеуетін күшейту; педагогикалық консилиумдар, ата-аналар институты; «Өзін-өзі тану» адамгершілік-рухани тәрбие бағдарламасының метапәндік және тәрбиелік рөлін күшейту, рухани-адамгершілік тәрбие тұрғысынан қосымша білім беру жүйесінің мүмкіндіктерін кеңейту арқылы жүзеге асырылады.

Үшінші бағыт – Ұлттық тәрбие
Мақсаты:Тұлғаны ұлттық және жалпыадамзаттық құндылықтарға бағдарлау, ана тілін және мемлекеттік тілді, қазақ халқының, Қазақстан Республикасындағы этностар мен этникалық топтардың мәдениетін құрметтеуге тәрбиелеу.
Бағалау критерийлері (қарым-қатынасы арқылы): этникалық өзіндік санаға, этникалық сәйкестікке; мемлекеттік тілді және ана тілін меңгеруіне; өз халқының мәдени мұрасына; қазақ халқының және өз халқының дәстүрлері мен әдет-ғұрпына;Қазақстанның этномәдениетіне; этносаралық бейбітшілік пен келісімге мақтаныш сезім және жауапкершілік таныту.
Іске асыру механизмдері Сабақтар, оқу пәндерінде, қосымша білім беруде, сабақтан тыс іс-әрекеттерте жалпыадамзаттық және ұлттық құндылықтарды кіріктіру.Этнопедагогика кабинеттерінің қызметі; «Мәңгілік Ел» жобасы аясында акциялар, ҚР Елтаңбасы, Туы мен Гимнін, мемлекеттік тілді, қазақ халқының мәдениеті мен дәстүрлерін, Қазақстан тарихын білу бойынша фестивальдер және байқаулар өткізу; өлкетану жұмыстары және т.б. арқылы жүзеге асырылады.

Төртінші бағыт — Отбасы тәрбиесі
Мақсаты: Ата-аналарды оқыту, бала тәрбиесінде олардың психологиялық-педагогикалық құзыреттіліктерін және жауапкершіліктерін арттыру.
Бағалау критерийлері (қарым-қатынасы арқылы): этноәлеуметтік рөлдерге;
өз отбасына және ұрпақты жалғастыруға; адамгершілік қағидаларын қолдау арқылы отбасы және неке құндылықтарына құрметпен, ұқыпты қарау.
Іске асыру механизмдері Білім беру ұйымдарының қамқоршылық кеңестері және ата-аналар комитеті; Репродуктив денсаулық орталықтары, мамандар кеңесін және бірлескен отбасылық іс-шаралар өткізу; «Өзін-өзі тану» АРБ бағдарламасы аясында ата-аналарды оқыту, жасөспірімдер мен бойжеткендердің жүріс-тұрыс мәдениеті туралы жастармен әңгімелер жүргізу, жоғары сынып оқушылары мен ЖОО студенттері үшін «Отбасылық өмір этикасы» электив курсын кіргізу; ата-аналардың мектеп өміріне қатысу; әкелер, әжелер клубтары; ақсақалдар алқасы; мемлекеттік тапсырыс арқылы ата-аналардың психологиялық-педагогикалық жаппай оқу; мемлекеттік емес ұйымдармен ынтымақтастық; аула клубтарының жұмыстарын қалпына келтіру; балалар мен жастардың қосымша білім беру нысандарына ақысыз негізде қол жеткізуін ұйымдастыру; элективті курстар, фестивальдер, байқаулар, «Менің отбасым», «Жыл отбасы» жарыстары арқылы жүзеге асырылады.

Бесінші бағыт – Еңбек, экономикалық және экологиялық тәрбие
Мақсаты: Тұлғаның өзін кәсіби анықтауына саналы қарым-қатынасын қалыптастыру, экономикалық ойлауын және экологиялық мәдениетін дамыту.
Бағалау критерийлері (қарым-қатынасы арқылы): экологиялық даму саласында мемлекеттік саясатқа, атап айтқанда «Жасыл экономика» бағдарламасына;
экологиялық сауаттылыққа, табиғатқа, қоршаған адамдарға және өзіне; «адам-қоғам-табиғат» жүйесіне; табиғатты пайдалану және қоршаған ортаны қорғау саласындағы әр түрлі қызметке; кәсіби білім мен өнімді еңбекке; нарықтық экономика заңдарына құнтты және позитивті көзқарас қалыптастыру; экологиялық қауіпсіздік тәртібінің нормаларын сақтауға; еңбек қызметінде мақсатқа қол жеткізуге; мамандық таңдауына; үздіксіз білім негізінде кәсіби жинақылыққа саналы қатынас таныту.
Іске асыру механизмдері Сабақтар, оқу пәндері, қосымша білім беру, туған өлкеге жасаған экспедициялар, туристік жорықтар, сенбіліктер, мектепті, ауданды, қаланы көгалдандыру мен абаттандыру, жасыл желек отырғызу, «Жасыл ел» қозғалысы және «Өзін-өзі тану» АРБ бағдарламасы аясында волонтерлық қозғалыстар, экологиялық форумдар, ғылыми экологиялық жобалар, табиғат зоналарын қоқыстан тазартуға қатысу.
Технология сабақтарындағы еңбек тәрбиесі, қосымша білім беру, мектептен тыс, сабақтан тыс іс-әрекеттер; кәсіпорындарға саяхаттар, тәлімгерлермен, жаңашылдармен, табысты кәсіпқорлармен кездесулер, тәлімгерлік, дуальдық білім беру, кәсіби шеберлік байқаулары, студенттердің құрылыс және педагогикалық отрядтары; «Өмірді және мансапты жоспарлау», «Кәсіби сынамалар» жобаларын іске асыру; «Технология» пәнінің, оқу шеберханалары мен зертханалардың материалдық-техникалық базасын нығайту арқылы жүзеге асырылады.

Алтыншы бағыт — Зияткерлік тәрбие, ақпараттық мәдениет тәрбиесі
Мақсаты: Әрбір тұлғаның зияткерлік мүмкіндігін, көшбасшылық қасиеттерін және дарындылығын дамытуды қамтамасыз ететін уәждемелік кеңістік құру.
Бағалау критерийлері (қарым-қатынасы арқылы): өмір бойы білім алуына; өздігімен білім алуы және алған ақпаратты пайдалану біліктілігіне; сыни тұрғыдан ойлау, талдау және алған ақпаратты тиімді пайдалану қабілетіне;
зерттеушілік және жобалық қызмет біліктерін, инновацияға қабілеттілікті меңгеруіне; пікірталас жүргізу дағдыларына; жасампаз қызметке; топтағы жұмысқа, корпоративтік рухты нығайтуға; ақпараттың түрлі дереккөздеріне;
қажетті ақпарат алу арналары мен іздестіру жолдарына; өз қызметінің түрлі салаларынан алынған ақпаратқа; Интернет-қауымдастығына қосылу дәрежесіне; Интернеттегі девиантты мінез-құлыққа қарсылық білдіру; ақпарат дереккөздерін таңдау және талдау жасау, өздігімен іздестіру жолдары мен тәсілдеріне;Интернет-сауаттылық қалыптастыруға; ақпараттық қызметте және байланыс жасауда этикалық нормаларға; жоғары ақпараттық мәдениет қалыптастыруға ұмтылу және қызығушылық білдіру.
Іске асыру механизмдері Сабақтар, оқу пәндері, электив курстар, қызығушылығы бойынша үйірмелер және сабақтар, мектептік және желілік дебат турнирлері, балалармен және жастармен бірлескен жобалық жұмыстар; сабақтан тыс қызметтер, балалар мен жастар бірлестіктеріндегі қызмет, түрлі деңгейдегі бірге басқару органдарына қатысу, қосымша білім беру, жаратылыстануғылыми және гуманитарлық циклдары пәндерінің «Өзін-өзі тану» пәнімен кірігуі, элективті курстар: «Физика жүрек үнімен», «Математика рухани-адамгершілік заңдары туралы ғылым ретінде», «Тарихтың адамгершілік тағылымдары», «Ақпараттық мәдениет негіздері» және т.б. жүргізу. Зияткерлік ойындар, байқаулар, тренингтер, викториналар, олимпиадалар, ғылыми-практикалық конференциялар. Дарынды мамандармен және замандастарымен кездесулер, рефераттар, ғылыми-зерттеу, ғылыми-тақырыптық ақпараттық жобалар, шығармашылық жұмыстар, баяндамалар, мәлімдемелер, мектептік және студенттік медиа-орталықтар, бұқаралық ақпарат құралдары, сайттар, кітапханаларды дәріптеу. Психометриялық және социометриялық тесттер мен әдістемелер; көшбасшылықты дамыту жөніндегі бағдарламалар және т.б. арқылы жүзеге асырылады.

Жетінші бағыт — Көпмәдениетті және көркем-эстетикалық тәрбие
Мақсаты: Білім беру ұйымдарының білім беру кеңістігін тұлғаның өзін-өзі сәйкестендіруінің көпмәдениетті ортасы ретінде құру, тұлғаның қоғамдағы жалпымәдени мінез-құлық дағдыларын қалыптастыру, оның өнердегі және болмыстағы эстетикалық нысандарды қабылдау, меңгеру және бағалау әзірлігін дамыту.
Бағалау критерийлері (қарым-қатынасы арқылы):толеранттылық және ғаламдық пікір; көпмәдениеттілік және көптілділікті; мәдениетаралық әрекет; мемлекеттік тілді, орыс, ағылшын және өзге тілдерді білу; қоғамда және қоғамдық орындардағы жалпыға ортақ мінез-құлық нормаларын; қарым-қатынас мәдениетін; эстетикалық мұраттарға, көркемөнер құндылықтарына;
шығармашылық ой мен қиялға, шығармашылық қызметті қалыптастыруға қызығушылық, ұмтылыс таныту.
Іске асыру механизмдері Сабақтар, жалпыадамзаттық құндылықтар бірлігін барлық мәдениеттен айқындауда «Өзін-өзі тану» АРБ бағдарламасын кіріктіру, жастарда әралуан мәдениеттер мен халықтардың бірлігін көру біліктілігін дамыту. Үйірмелер, әдеби клубтар және т.б.; театрларға, мұражайларға, көркемсурет көрмелеріне, галереяларға, тарихи орындарға саяхаттар; шығармашылық кештер, оқушылар жұмысының көрмелері, байқаулар; белгілі тұлғалармен, өнер қайраткерлерімен және т.б. кездесулер; Қазақстан халқы Ассамблеясымен және этномәдени орталықтармен ынтымақтастық; білім беру ұйымдарында Қазақстан халқы Кіші Ассамблеяларын құру арқылы жүзеге асырылады.

Сегізінші бағыт — Дене тәрбиесі, салауатты өмір салты
Мақсаты: Салауатты өмір салты, дене дамуы және психологиялық денсаулық сақтау дағдыларын, денсаулыққа зиян келтіретін факторларды анықтау біліктілігін ойдағыдай қалыптастыру үшін кеңістік орнату.
Бағалау критерийлері (қарым-қатынасы арқылы): денсаулық жағдайының скринингіне; әлеуметтік мақсаттар мен рухани қажеттіліктерге; теріс ықпалдарға қарсы тұрудың тиімді тәсілдерін меңгеруге; табиғи қабілеттерді орынды пайдалануға; денсаулық сақтауға және нығайтуға, қауіпсіз және жауапты мінез-құлыққа; өмірдегі жаңа жағдайларға сабырлылық; қауіпсіздік және өмір сүру әрекетін қамтамасыз етуге; денсаулық сақтау ортасын құруға тілегі және даярлық білдіруі.
Іске асыру механизмдері Сабақтар, дене тәрбиесі сабағы, оқу пәндері, қосымша білім беру, спорттық секциялар мен үйірмелер, «Өзін-өзі тану» АРБ бағдарламасы аясында репродуктив денсаулық, нашақорлық, маскүнемдік, темекі тарту және АҚТҚ алдын алу және салауатты өмір салты негіздері бойынша ақпараттық-ағарту курстар, семинар-тренингтер; денсаулық фестивальдері, спартакиадалар, қауіпсіздік бағдарлар өткізу; ақпараттық-диагностикалық материалдар дайындау және тарату; «сенім қызметтерін» ұйымдастыру арқылы жүзеге асырылады.

Тәрбие жұмысының міндеттері:
Мақсаты: Жалпыадамзаттық және ұлттық құндылықтар негізінде жан-жақты және үйлесімді дамыған тұлға тәрбиелеу.
Міндеттері: 1.Жаңа демократиялық қоғамда өмір сүруге қабілетті азамат пен патриоттың қалыптасуына; тұлғаның саяси, құқықтық және сыбайлас жемқорлыққа қарсы мәдениетін қалыптастыруға; балалар мен жастардың құқықтық санасының өсуіне, оның балалар мен жастар ортасындағы қатыгездік пен зорлық-зомбылық көріністеріне қарсы тұруға дайын болуына ықпал ету.
2.Тұлғаның рухани-адамгершілік және этикалық принциптерін, оның қазақстандық қоғам өмірінің нормалары және дәстүрлерімен келісілген моральдық қасиеттері мен мақсаттарын қалыптастыруға ықпал ету.
3.Тұлғаның жалпыадамзаттық және ұлттық құндылықтарға бағдарлануына, ана тілі мен қазақ халқының, Қазақстан Республикасында тұратын этностар мен этникалық топтардың мәдениетін құрметтеуіне ықпал ету.
4.Бала тұлғасын қалыптастыруда ата-аналардың ағарту жұмысын, психологиялық-педагогикалық құзыреттіліктерін күшейтуге, бала тәрбиесі үшін олардың жауапкершілігін арттыруға ықпал ету.
5.Тұлғаның еңбек дағдыларын, экономикалық ойлауы мен кәсіби қалыптасуы мен өзін-өзі іске асыруына саналы қарым-қатынас қалыптастыру, экологиялық мәдениетін дамыту, сондай-ақ коэволюция идеяларын қабылдау қабілетіне және оны күнделікті өмірде басщылыққа алуына ықпал ету.
6. Әрбір тұлғаның зияткерлік мүмкіндіктерін, көшбасшылық қасиеттерін және дарындылығын дамытуды қамтамасыз ететін уәждемелік кеңістік қалыптастыру, оның ақпараттық мәдениетін қалыптастыруға ықпал ету.
7. Білім беру ұйымдарында көпмәдениетті орта құруға ықпал ету, жалпымәдени мінез-құлық дағдыларын қалыптастыру, тұлғаның өнерде және болмыста эстетикалық нысандарды қабылдау, меңгеру және бағалау әзірлігін дамыту.
8. Салауатты өмір салты дағдыларын тиімді меңгеру, дене дамуы мен психологиялық денсаулықты сақтау, денсаулыққа зиян келтіретін факторларды анықтау біліктілігін ойдағыдай қалыптастыру үшін кеңістік орнату.

Күтілетін нәтижелер:
Тәрбиенің тұжырымдамалық негіздері:
Қазақстанда жеке тұлға іс-әрекетінің дұрыс уәждемелік-құндылықты аясын;
Білім алушы жастарда қазақстандық патриотизмды, азаматтық өзіндік санасын, құқықтық және сыбайлас жемқорлыққа қарсы мәдениетті, толеранттылық және рухани-адамгершілік қасиеттерді қалыптастырудың артып отырған деңгейін;
Жалпыадамзаттық және ұлттық құндылықтар арқылы мәдениет негіздерін, ана тілі мен мемлекеттік тілге және этномәдениетке құрметті;
Рухани дамыған және жоғары адамгершілікті тұлға қалыптастыруда білім беру мазмұнының тәрбиелік әлеуетін күшейтуді;
Бала тұлғасын қалыптастыруда ата-аналардың психологиялық-педагогикалық құзыреттіліктерін арттыруды, қамқоршылық кеңестерінің рөлін көтеруді;
Білім беру ұйымдарында көпмәдениетті орта құру, тұлғаның өнердегі және болмыстағы эстетикалық нысандарды қабылдау, меңгеру және бағалау әзірлігін дамытуын;
Тұлғаның дамыған экономикалық ойын және кәсіби қалыптасуға саналы қарым-қатынасын қалыптастыруды; табиғатты сақтауда белсенді азаматтық ұстанымын; экологиялық сауаттылығы мен мәдениетінің жоғары деңгейін;
Табысты әлеуметтенуді, өздігімен білім алу мен өзін-өзі жүзеге асыруды, отбасы институтының өзін-өзі дамытуы мен өзін-өзі тәрбиелеуін нығайтуға саналы түрде қатысуын қамтамасыз етуі тиіс.
Сонымен, Тәрбиенің тұжырымдамалық негіздерінің жалпы векторы үйлесімді, жан-жақты дамыған, рухани-адамгершілік қасиеттері бар, таңдау жасау жағдайында өздігімен шешім қабылдауға даяр, ынтымақтастыққа және мәдениетаралық қарым-қатынасқа қабілетті, елінің тағдыры үшін жауапкершілік сезімі бар, «Қазақстан-2050» Стратегиясының басты мақсаты − Мәңгілік Ел болу жолындағы ұлы істерге белсенді қатысатын адам қалыптастыруға бағытталған.

Тәрбие жұмысын ұйымдастыру:
1. Тәрбие жұмыстарын жетілдіру, бақылау, басқаруды іске асыру барысында қосымша білім берудің оқу бағдарламалары негізінде білім алушыларға жағдай жасауды, яғни:
— өзін-өзі басқаруын;
— шығармашылығын дамытуын;
— олардың қабілеттілігін іске асыруын;
— қоғам өміріне бейімделуіне;
— азаматтық сана-сезімін;
— жалпы мәдениетін;
— салауатты өмір салтын қалыптастыруын;
1-11 сыныптардың және мектеп алды сыныптардың бос уақытын мазмұнды өткізуін ұйымдастыру
2. Тәрбие жұмысын ұйымдастыру барысында аудан мектептері арасында мектеп деңгейіне сай мерекелік іс-шаралар өткізу;
3. Оқушылармен және олардың ата-аналарымен жеке профилактикалық жұмысын бақылау;
4. Оқушыларды өзінің Отаны — Қазақстан Республикасын сүюге, адамгершілікке, Қазақстан Республикасының мемлекеттік рәміздерін құрметтеуге, ұлттық салт-дәстүрді сақтауға тәрбиелеу;
5. Мемлекеттік органдармен, қоғамдық бірлестіктер және ата-аналармен бірлескен жұмыстарды үйлестіру;
6. Мектеп директорының тәрбие ісі жөніндегі орынбасарларының, сынып жетекшілерінің, педагог-психологтардың, тәлімгерлердің тәрбие жұмыстарына басшылық пен бақылау жасау;
7. Мектептердегі сыныптан тыс жұмыстардың орындалуын бақылау;
8. Мектеп жанынан ұйымдастырылған жазғы сауықтыру лагерінің жұмысына басшылық жасау;
9. Мемлекеттік органдар қызметкерлерімен кездесулер, дөңгелек үстел, семинар-кеңестер ұйымдастыру;
10. «Жас қыран», «Жас ұлан» балалар мен жасөспірімдер ұйымдары жұмысына әдістемелік көмек беру;
11. Сынып жетекшілер, әдістемелік бірлестігіне және үйірме жетекшілеріне, тәрбие жұмысы бойынша әдістемелік көмек беру:
12. Тәрбие ісі мамандарының арасында байқаулар мен семинарлар өткізу
13. Тәрбие ісі мамандарының білім жетілдіру курсынан өтуін ұйымдастыру;
14. Озық педагогикалық іс-тәжірибелерді насихаттау, зерттеу, таратуды ұйымдастыру;
15. Тәрбие жұмысы бойынша БАҚ-да мақалалар жариялау;
16. Қазақстан Республикасы Білім және ғылым министрінің 2015 жылғы «22» сәуірдегі № 227 бұйрықпен бекітілген
2. Сынып жетекшілері мен мұғалімдермен жүргізілетін жұмыс:
— сынып жетекшілерінің жылдық тәрбие жоспарын бекіту және қадағалау;
— ғылыми-зерттеу жұмыс ұйымдастыру;
— семинарлар, конференциялар, жиындар, дөңгелек үстелдер ұйымдастыру;
— шығармашылық топпен жұмыс;
— озық педагогикалық іс-тәжірибелерді жинақтау, зерттеу, тарату;
— жас мамандармен жүргізілетін әдістемелік жұмыс;
— тірек мектептері, тақырыптары, әдістемелік көмек беруді ұйымдастыру;
— аудандық іс-шараларға қатыстыру;
3. Мектеп оқушыларымен жүргізілетін жұмыс:
— өзін-өзі басқаруды ұйымдастытру;
— семинарлар, конференциялар, жиындар, дөңгелек үстелдер ұйымдастыру;
— шығармашылық топпен жұмыс, шығармашылығын дамыту;
— семинарлар, конференциялар, жиындар, дөңгелек үстелдеру, байқаулар ұйымдастыру;
— оқушылардың қабілетігін іске асыру;
— қоғам өміріне бейімдеу;
— азаматтық сан-сезімін қалыптастыру;
— жалпы мәдениетін қалыптастыру;
— салауатты өмір салтын қалыптастыру.

Тәрбие процесін ұйымдастырудың әдіснамалық негіздері
Тәрбиенің тұжырымдамалық негіздері келесі әдіснамалық негіздерге сүйенеді:
Құндылықты (аксиологиялық) көзқарас – адамзаттың түсінігімен және рухани-адамгершілік мазмұнымен анықталатын адамның әлемге, өзге адамдарға, өз-өзіне және т.б. қатынасы, жалпыадамзаттық және ұлттық құндылықтардың диалектикалық бірлігіне сүйену.
Антропологиялық көзқарас – тәрбие тақырыбы ретінде адам туралы білімнің барлық деректерін және олардың есебін біртұтас педагогикалық процесті құруда және іске асыруда жүйелі қолдану.
Тұлғалық-бағдарлы көзқарас – өзара байланысты түсініктер, іс-әрекет идеялары мен тәсілдер жүйесіне сүйену, тұлғаның өзін-өзі тану, өзін-өзі жетілдіру және өзін-өзі жүзеге асыру процесін қолдау, оның дербестігін дамыту.
Қызметтік көзқарас – педагог өз тәрбиеленушілерін мақсат қою және іс-әрекетін жоспарлау, оны ұйымдастыру және реттеу, бақылау, өзіндік талдау және іс-әрекет нәтижелерін бағалауға үйретуі үшін қажет баланың іс-әрекетін қалыптастыру, таным, еңбек және қарым-қатынас субъектісі позициясына ауыстыру бойынша арнайы жұмысты талап етеді.
Құзыреттілік көзқарас – тәрбие мақсаттарын анықтаудың, тәрбие процесін ұйымдастыру мен оның нәтижелерін бағалаудың, оқушыларда құзыреттіліктерді қалыптастыру мен олардың табысты әлеуметтенуін қамтамасыз ететін ортақ ұстанымдар жиынтығын ескеру.
Әлеуметтік көзқарас – тұлғаның мақсаты мен міндеттеріне әлеуметтік шынайылықтың ықпалын ескеру, осы ықпалдың адам және қоғамға тигізер педагогикалық салдарлары.
Жүйелілікті көзқарас – нысанды оны құрайтын бөліктердің жиынтығына қосылмайтын және иерархиялық құрылымы бар күрделі құрылыс ретінде қарастыруды көздейді. Жүйелі қарастыру құрылымдық компоненттерді, олардың қызметін бөліп көрсетуді, қызметтік-иерархиялық байланыстар орнатуды, жүйеқұраушы факторларды анықтауды, сыртқы байланыстар талдауын қажет етеді.
Тұтастық көзқарас – білім алушы тұлғасының зияткерлік және рухани-адамгершілік дамуының бірлігін анықтайтын педагогикалық процестің мәнін көрсетеді.
Синергетикалық көзқарас тәрбиені тура себеп-салдарлы байланыстарға негізделмеген, белгілі бір деңгейде өздігімен ұйымдастырылатын процесс ретінде емес, керісінше бір мағыналы емес, заңды және кездейсоқ, болжанған және стихиялы, ретті және ретсіз сияқты көптеген ішкі және сыртқы ықпалдармен келісілген процесс ретінде қарауға мүмкіндік береді.

Тұжырымдамалық негіздер тәрбие процесінің келесі принциптерін іске асыруды жорамалдайды:

Гуманистік бағыт принципі – педагогтің тәрбиеленушіге өз дамуына жауапты және дербес субъект ретінде бірізді қарым-қатынасы, оның тәрбие процесінде тұлғамен және ұжыммен ізгілікті қарым-қатынас негізінде өзара әрекет стратегиясы.
Жалпыадамзаттық құндылықтар принципі тәрбие рухани-адамгершілік дәстүрлер мен ұлттық және әлемдік мәдениет нормаларына негізделуі қажет деп сендіреді.
Мәденисәйкестілік принципі – тәрбие мәдениеттің жалпыадамзаттық құндылықтарына негізделуі және ұлттық мәдениеттердің жалпыадамзаттық құндылықтары мен нормаларына сәйкес құрылуы тиіс.
Үздіксіздік принципі – тұлғаны тіршілік әрекетінің барлық кезеңінде жан-жақты дамыту, оның күші мен қабілетін, кәсіби және жалпымәдени өсуін барынша толық жүзеге асыруда шығармашылық әлеуеті мен мүмкіндіктерін байыту.
Табиғисәйкестілік принципі – табиғат дамуының ортақ заңдарының басымдығы; табиғи және әлеуметтік процестердің өзара байланысы; тәрбие жұмысында білім алушылардың жынысы мен жас ерекшеліктерін ескеру.
Тұтастық принципі оқу және оқудан тыс қызметтердің кіріктірілуімен қамтамасыз етіледі: оқу қызметі когнитивті құрамдасты қалыптастырады; сабақтан тыс қызметте эмоционалды-құндылықты мінез-құлық компоненті дамиды.
Этникалық принцип – тәрбиені ұлттық сана қалыптастыруға бағытталған ұлттық мазмұнмен толтыру, барлық азаматтар үшін ана тілінде білім алу және қарым-қатынас жасау үшін, дәстүрлерді, әдет-ғұрыптарды, рәсімдерді зерттеуге жағдай жасау.

Директордың тәрбие ісі жөніндегі орынбасарының қызмет бабындағы нұсқауы.
1.Тәрбие жұмыстарын жетілдіру,бақылау,басқаруды іске асыру барысында қосымша білім берудің оқу бағдарламалары негізінде білім алушыларға жағдай жасауды,яғни:
—-Өзін-өзі басқаруын;
—-шығармашылығын дамытуын;
—-қабілеттілігін іске асыруын;
—-қоғам өміріне бейімделуін;
—-азаматтық сана-сезімін;
—-жалпы мәдениетін;
—-салауатты өмір салтын қалыптастыруын;
—-оқушылардың бос уақытын мазмұнды ұйымдастыруын көздейді.

2. Білім беру ұйымы жүзеге асыратын оқу және тәрбие жұмысын ұйымдастырады,басқарады және бақылайды.
3.Тәрбие жұмысын ұйымдастыру барысында мектеп деңгейіне сай мерекелік іс-шаралар өткізеді.
4. «Өмірдің қиын кезеңдеріне кезіккен кәмелетке толмаған жасөспірімдерді әлеуметтік оңалту»тақырыбында жүргізілетін тәрбие алаңы жұмыстарын бақылауға және басшылыққа алады.
5.Қазақстан Республикасының «Кәмелетке толмағандар арасындағы құқық бұзушылықтың профилактикасы мен балалардың қадағалаусыз және панасыз қалудың алдын-алу туралы»Заңының (2004 жыл,9 шілде)орындалу барысында жұмыс жүргізеді.
6. Дәлелсіз себептермен жалпы білім беретін оқу орындарына бармайтын кәмелетке толмағандарды анықтап,есепке алады,олармен және олардың ата-аналарымен немесе заңды өкілдерімен жеке профилактикалық жұмыс жүргізеді.
7. Оқушылармен және олардың ата-аналарымен жеке профилактикалық жұмыс жүргізу коммиссиясының жұмысын басқарады.
8.Отанын сүюге,адамгершілікке,Қазақстан Республикасының мемлекеттік рәміздерін құрметтеуге,ұлттық салт-дәстүрді сақтауға тәрбиелейді.
9.Мемлекеттік органдармен,қоғамдық бірлестіктер және ұйымдармен бірлескен жұмыстарды үйлестіреді.
10.Сынып жетекшілерінің,тәрбиешілердің,педагог-психологтың,әлеуметтік педагогтың,аға тәлімгердің тәрбие жұмыстарын қадағалайды және бірлескен жұмыс жүргізеді.
11.Мемлекеттік органдармен кездесулер дөңгелек үстел,семинар-кеңестер ұйымдастырады.
12.Сабақ кезінде және сабақтан тыс уақытта жүргізілетін мерекелік іс-шаралар барысында құжаттардың жүргізілуіне тікелей жауапты.
13. «Жас қыран»ұйымының жұмысын жетекшілік етеді.
14. «Жас ұлан» ұйымдарымен жұмыс жүргізеді.
15. Дене шынықтыру, психология, экономика,еңбек,ән-күй пәндері әдістемелік бірлестіктеріне жетекшілік етеді.(Ескерту: мектеп басшыларының мамандықтарына сәйкес міндет бөлісуіне қарай өзгерістер болуы мүмкін)

Директордың тәрбие іс жөніндегі орынбасарының атқаратын қызметі
Күнделікті
1.Мектептегі кезекшілікті және өзіне-өзі қызмет көрсетуін ұйымдастыру;
2.Сынып жетекшілерімен жұмыс ұйымдастыру,әдістемелік қөмек,кеңес,т.б;
3.Өз бетімен білім алу және әдістемелік материалдарды жинақтау;

Апта сайын
1.ҚР Мемлекеттік гимінің орындалуын қадағалау;
2.Әр дүйсенбіде оқушылар сап түзеуін (линейка)ұйымдастыру,қатысу;
3.Оқушылардың тазалық күнін өткізуін қадағалау;
4.Сабақтан тыс 2 тәрбиелік іс-шараға қатысу:
5.Тәрбие мәселелері бойынша сынып жетекшілерімен кеңесу,әдістемелік көмек көрсету;
6. «Қиын»,және қиыншылық туғызатын оқушылармен жұмыс жүргізу;

Ай сайын
1.Өзін-өзі басқару ұйымының отырыстарына қатысу;
2.Ата-аналармен кездесу;
3.Танымдық жорықтар мен мәдени орталықтарға саяхат ұйымдастыру;
4.Сынып жетекшілері әдістемелік бірлестігінің отырысына қатысу;
5.Аудандық,қалалық кәмелетке толмаған жасөспірімдер бөлімімен байланыста болу;
6.Әкімшіліктің айлық жоспарды құру кеңесіне қатысу;

Жылына 2 рет
1.Педагог кадрлардың біліктілігін арттыру және қайта даярлау институтымен байланыста болу (тамыз,қаңтар)
2.Демалыс (каникул)кезінде мәдени іс-шаралар ұйымдастыру;
3.Сынып жетекшілері семинарын өткізу;
4.Жалпы ата-аналар жиналысын өткізу;
5.Тәрбие жұмысына қорытынды сараптама жасау,есеп беру (желтоқсан,маусым);
6.Тәрбие жоспарына өзгерістер енгізу (қажет болса);

Жылына 1 рет
1.Тәрбие жұмысы жоспарын бекіту;
2.«Ең таңдаулы сынып жетекшісі» байқауын өткізу;

Атқарылатын іс-шаралар Мерзімі Жауаптылар
Салауатты өмір салтын насихаттау: «Денсаулық күні» Қыркүйек ДТІЖО,
ӘБЖ
Тәрбие сағаты: «Салауатты өмір сүру дегеніміз?» 3 «Б»сынып Қазан Мейірбике
Сынып сағаттары: «Салауатты өмір салтын сақтау – болашақты жақтау»
(1-4 сыныптар), «Ішімдік ішу — өзіңді-өзің құрту» (5-11 сыныптар), «Никотин және спорт» (5-8 сыныптар),
«ЖҚТБ ауруынан қорғанудың жолы – салауатты өмір салтын қолдау»
(9-11 сыныптар)
Жыл бойы Сынып
жетекші

Дөңгелек үстел: «Зиянды әдеттерден жиренейік» 7 сынып Желтоқсан ДТІЖО,ӘБЖ

Рефераттар, буклеттер сайысы: «Маскүнемдік пен нашақорлықтың әлеуметтік зардабы мен оны жеңу жолдары» 8-9сынып Қаңтар ДТІЖО,
ӘБЖ

Шығарма: «Денім сау болсын десең»
7сынып Ақпан Мейірбике кітапханашы
Сыныпаралық сайыс сабақ: «Шынықсаң шымыр боласың» 5сынып Наурыз Дене тәрбиесі бірлестігі
Тренинг: «Денсаулықты сақтау – баршаның міндеті» 8 сынып Сәуір Педагог-психолог,
Медбике
8-10сынып «Біз салауатты өмір салтын қолдаймыз!» үздік жобалар байқауы. Мамыр ДТІЖО
аға тәлімгер