«Менің елім-Қазақстан» мәнерлеп оқу сайысы

Шахтинск қаласы

Ә.Бөкейханов атындағы мектеп –лицейі

Бастауыш сынып мұғалімі 

Когабекова Аcель Тургинбаевна

 «Менің елім—Қазақстан» мәнерлеп оқу сайысы
Мақсаты: Оқушылардың Отанға, туған жерге деген сүйіспеншіліктерін арттыру; Өлеңді мәнерлеп оқуға машықтандырып, есте сақтау қабілеттерін дамыту,
Түрі: Өлеңді мәнерлеп оқу сайысы
Көрнекілігі: Қанатты сөздер, суреттер
Барысы:

1- жүргізуші:

Армысыздар, құрметті ұстаздар мен тәуелсіз еліміздің ұлағатты ұрпақтары.Талай ғасырлар бойы ата-бабаларымыз еркіндік пен тәуелсіздік таңын аңсап келген. Иншалла олар көксеген арманға ХХ ғасырдың соңына қарай қол жеткіздік. Соның арқасында бүгінгі таңда өз бағыт-бағдарын ұстанған, өркениет елдер мойындаған жеке мемлекетке айналдық.
2 -жүргізуші:

Тәуелсіздік жолында талай жандар құрбан болып, елім деп еңіреп өткені белгілі. Талай кезең қиын-қыстау, қуғын-сүргінді ата-бабаларымыз басынан кешті. Қазақстан Республикасының президенті Н.Ә.Назарбаев: «Біз Қазақстанның тәуелсіздігінің оңайлықпен келмегенін біліп оны қадірлеуіміз керек. Әрбір Қазақстанның азаматы мақтанышпен Елтаңбаны, Әнұранды, Туды көтеруі керек. Әрбір азамат өз Отаны үшін еңбек етуге, жанын қиюға міндетті»-деген.

 

• жүргізуші:

Туған жердей жат жердің болмайтыны – ақиқат,

Оған көңілің ешқашан толмайтыны – ақиқат.

Алтын торда алтын құс өсірсең де, бұлбұл құс

Өскен бағы болмаса, қонбайтыны –ақиқат, — деп сайысымызды бастаймыз.

2 -жүргізуші:

Сайыс екі кезеңнен тұрады.

1-кезең-«Туған жердей жер болмас,
Туған елдей ел болмас» дегендей

Туған жер ,Отан туралы ақын , жазушылардың өлеңдерін оқиды.

2-кезең- «Мен жас ақынмын»  өз өлеңдерін  оқиды.

1- жүргізуші:

Жас талапкерлерге өздерінің әділ бағаларын беру үшін әділ-қазылар алқасын сайлап алайық:

1. Мектеп директоры-
2.Тәрбие ісінің меңгерушісі-

3.Бастауыш сынып мұғалімі-

2 -жүргізуші:

Уа, туған жер, топырағыңнан жаралдым

Алабыңнан арманыма нәр алдым.

Тұнығыңнан жүзіп іштім сендегі

Алтын арай таңғы жұпар самалдың.   – дей келе мәнерлеп оқу сайысына қатысушыларды таныстыра кетейік. Бұл сайыс 3-4 сыныптар аралығында өтеді. Олар:

1. 3 «А» сынып оқушылары –
2. 3 «Б» сынып оқушылары –
3. 3 «В» сынып оқушылары-
4. 4 «А» сынып оқушылары –
5. 4 «Б» сынып оқушылары –
6. 4 «В» сынып оқушылары–

 
1-Жүргізуші: 

«Өлең-сөздің патшасы, сөз сарасы,
Қиыннан қиыстырар ер данасы.
Тілге жеңіл,жүрекке жылы тиіп,
Теп-тегіс, жұмыр келсін айналасы,-демекші, сөзді оқушыларға береміз.

1-нөмірлі сайыскеріміз

2-нөмірлі сайыскеріміз                         12 сайыскеріміз
2 -жүргізуші:

2-кезең-«Отан, Қазақстан, Туған жер  туралы шығарған өз  өлеңдерін оқу.

1-нөмірлі сайыскеріміз

2-нөмірлі сайыскеріміз                         12 сайыскеріміз
 

 

1-Жүргізуші: 

Сайыскерлерге өздерінің әділ бағаларын беріп, марапаттау үшін сөз кезегін әділ-қазыларға береміз.

Мектеп директоры

2 -жүргізуші:

Тәуелсіз Қазақстан – ұлы Отаным,

Көк туымды қалайша құлатармын.

Тып-тыныш тұрып жатқан жайымыз бар,

Бәріміз баласындай бір атаның.

Елімізде бақ-береке, ырыс болсын,

Қызыл тілім қанжардай қылыш болсын.

Халқымның ахуалы дұрыс болсын

Отанымыз әрқашанда тыныш болсын! – деп «Менің Отаным – Тәуелсіз Қазақстан» атты мәнерлеп оқу сайысын  аяқтаймыз.

[bws_related_posts]