Microsoft Excel электрондық кестесі

Шығыс Қазақстан облысы

Аягөз ауданы,Аягөз қаласы

«Қалалық қазақ мектеп-лицейі»КММ

Абдилдина Асел Сакеновна

 

 

Сабақтың  тақырыбы:Microsoft    Excel  электрондық   кестесі

Сабақтың   мақсаты:
Білімділігі:Оқушылардың  электрондық кесте  туралы түсінігін қалыптастырып, электрондық  кестенің  ұяшық, ұяшық   диапазондары, деректер  түрлері, терезе  элементтерімен, бағана мен қатарлар  арқылы орындалатын  амалдар, деректер  типтері жайлы алғашқы ұғымдарды  беру.Microsoft  Excel – кестелік процессорын іске  қосу, терезе   элементтері, мүмкіндіктері, бағанның  енін  және  жолдын  биіктігін     өзгерту, бағанның  енін  және  жолдың  биіктігін  өзгерту  туралы  білімдерін   қалыптастыру. Құжатты  сақтау  және   ашу  жолдарын     түсіндіру
Дамытушылық:оқушылардың  есте  сақтау  жәнез ейіндік қабілеттерін  дамыту, пәнге  деген  қызығушылығын  арттыру  және    тез жылдам  ойлауға  қалыптастыру.
Тәрбиелік:Компьютермен  жұмыс  істеу   кезіндегі техника қауіпсіздіктерін ескере  отырып, ықтиятылыққа баулу ,ақпараттық  мәдениетке   тәрбиелеу.

Сабақтың  түрі:дамытушылық
Сабақтың типі:жаңа  сабақты  меңгерту
Сабақтың  әдісі:түсіндірмелі, сұрақ — жауап, топтықжұмыс.
Сабақтың  көрнекілігі: Компьютер құрылғылары, электронды  оқулық, слайд
Сабақтың өту барысы:
І. Ұйымдастыру.Оқушыларды   түгендеу. Журнал толтыру.Сабаққа  дайындықтарын    тексеру

І. Ұйымдастыру    кезеңі:

Сәлеметсіңдер ме, балалар! Отырыңыздар!

II.Шаттық шеңбер

Топқа бөлу –туған күндері бойынша жыл мезгілдеріне

ІІI. Өткен сабақты қайталау:

Өткен материалдарға шолу жасау.

«Миға шабуыл» әдісі арқылы сұрақ – жауап

1. Компьютерлік графика дегеніміз не?
2. Компьютерлік графиканың қолдану салаларын ата?
3. Ғылыми графика дегеніміз не?
4. Іскерлік графика дегеніміз не?
5. Контрукторлық графика дегеніміз не?
6. Суреттеу графикасы дегеніміз не?
7. Компьютерлік анимация дегеніміз не?
8. Компьютерлік графика түрлерін ата?
9. Растрлық графика дегеніміз не?
10. Векторлық графика дегеніміз ?
11. Фракталдық графика дегеніміз не?
12. Растрлық кескін дегеніміз не? (үлкейткенде әрбір нүктенің өлшемі үлкейіп, сатылы эффект пайда болады, оны оптикалық құралсыз көзбен де көруге болады. Растрлық бейнені  кодтау 0 және 1 сандары  мен  орындалады.)
13. Векторлық кескін –дегеніміз не? ( нүктелер; сызықтар; шеңберлер; төртбұрыштар және басқа геометриялық примитивтерді пайдаланып, компьютерлік графикада кескінді өрнектеу.)

 

Ал енді жұмыс дәптерін ашамыз.

Бүгінгі күнді және сабақтың тақырыбын жазамыз.

IV.Жаңа тақырыпты түсінідру.

Жаңа мағынаны тану кезеңі.

Тарихи шолу: Microsoft Excel — сандық кестелермен жұмыс істеуге арналған Microsoft Office — тің құрамына кіретін программа MS Excel — сандық кестелермен жұмыс істеуге арналған Microsoft Office – тің құрамына кіретін программа. MS Excel — дегі ыңғайлы аспаптардың көмегімен алынған сандық мәндерді талдауға, сонымен қатар олардың нәтижесін кесте түрінде беруге болады. Есептеу кезінде 400 — ден аса математикалық, статистикалық, қаржылық және басқа да арнаулы функцияларды, әр түрлі кестелердің өзара байланыстарын қарастыруға болады.

1985 жылдың мамыр айында Мicrosoft компаниясы өздерінің электрондық есептеулерге арналған кестелік бағдарламасы МICROSOFT ЕXCEL ойлап шығарды. Үш айдан соң — ақ бұл бағдарлама барлық есеп жүргізушілерге таным болып қолданысқа енді

. Microsoft Excel — ді іске қосу үшін келесі тізбектерді орындаймыз

1. Пуск — Программы — Microsoft Office — Microsoft Excel. Microsoft Excel файлы жұмыс кітабы деп аталады.

Жұмыс кітабы. MS Excel файлы жұмыс кітабы деп аталады. Жұмыс кітабы терезенің төменгі жағына аттары таңбаша арқылы берілген парақ қаттамасының (Лист — 1, Лист — 2,…) жұмыс парағынан тұрады. Таңбашаны ашып, жұмыс кітабының ішінде парақтан — параққа ауысуға болады.

Жұмыс парағы 256 бағаннан және 65 536 жолдан тұратын кесте түрінде беріледі. Жолдар сандармен нөмірленген, ал бағандар әріптерден және әріп комбинацияларынан тұрады. Алфавиттің 26 әрпінен кейін АА, АВ, т. с. с. әріп комбинациялары басталады.

Терезе мынадай бөліктерден тұрады.

1. Тақырып жолы.
2. Бас меню де, негізінен басқа да Microsoft Office программаларындағы бөлімдерден құрылған. Оның Word менюінен айырмашылығы Кесте орнына Мәлімет алмастырылған.
3. Стандартты аспаптар.
4. Пішімдеу панелі.
5. Жұмыс істеп тұрған ұяшықтыңаты
6. Формула жолы.
7. Жұмыс парағы8. бағандар аты Латынның А, В, С, D…F 26 әрпінен тұрады.
8. Жол нөмірі 65 536 жолдан тұрады
9. Таңбашалар немесе парақ
10. Айналдыру жолағы
11. Басқа параққа ауысу батырмасы.
12. Қалып — күй жолағы Пуск — Программы —

Кесте дегеніміз — бұл жолдар мен бағандарда реттеліп бірілген ақпарат.

MS Excel программасының негізгі ұғымдары:

• Қатар – электрондық кестедегі горизонталь жол, максимал саны – 65536, жұмыс аймағының сол жақ шекарасында араб цифрларымен нөмірі белгіленген.
• Бағана – электрондық кестедегі вертикаль жол, барлық саны – 256, жұмыс аймағының жоғарғы шекарасында латын әріптерімен белгіленген.
• Ұяшық – бағана мен қатардың қиылысқан жері, адресі бағана әрпі мен қатар нөмірінен тұрады, мысалы: В3.
• Блок – тіркесе орналасқан ұяшықтардың төртбұрыш аймағы (диапазон), мысалы: В5:D8.

Microsoft  Excel –дің негізгі  10 мүмкіндігі бар.

Microsoft Excel программасы

1) Кесте құруға және оларға ат қойып, дискіге сақтауға;

2) Сақталған кестелерді ашуға және оларға түзету жасауға;

3) Кестеге жол,баған,немесе ұяшықтар қосуға;

4) Кестеден жол, баған немесе ұяшықтардан алып тастауға;

5) Жол, баған немесе ұяшықтарды ішіндегісін көшіруге немесе орнын ауыстыруға;

6) Ұяшықтардан ішіндегісін өсуі немесе кемуі бойынша сұрыптауға;

7) Формулалар бойынша есептеулер жүргізуге;

8) Диаграмма тұрғызуға;

9) Графикалық обьектілер кірістіруге;

10) Баспаға шығаруға мүмкіндік береді;

Жұмыс кестесінің элементтері

ЕхеІ-дің обьектілерімен өңделген ХІs  кеңейтілуі түрінде берілген файл оның құжаты болып табылады. ЕхеІ де құрылған файл жұмыс кітабы болып табылады. Әр файыл 1ден 255 дейін жұмыс парағы деп аталатын электрондық кестеден тұрады. Әр парақ 65 536 қатардан ж\е 256 бағаннан тұрады. Қатарлар бүтін сандармен нөмірленеді,ал бағандар латын алфавитінің А,В,…,АА,ВВ әріптерімен белгіленеді. Баған мен жолдың қиылысында ұяшық-деп аталатын кестенің негізгі элементі орналасады. Курсор тұрған екпінді ұяшыққа сандар мен мәтін енгізуге болады. Ұяшықтың адресі н\е кординатасы бағанның аты мен қатардың нөмірі арқылы анықталады. Мысалы АІ,С20.

Жұмыс кестесінің беті бойынша орын ауыстыру.

Кестенің қажетті бетіне ауысудың екі жолы бар:

1)   Терезенің төменгі жағындағы кестенің таңбасына шерту арқылы.

2)  «F5» пернесін басып, Переход терезесіндегі Ссылка ұяшықтың координаталарын енгізіп, Ок бастырмасын шерту керек.

Кестеге жұмыс беттерін қосу үшін Вставка Лист командасын орындау қажет.

Кесте бетінің таңбасының атын өзгерту

Үнсіз келісім бойынша жұмыс беттерінің таңбаларына «Лист1», «Лист2» т.б. меншіктелген. Сол парақтағы ат қою дұрыс. Ол үшін мына әрекеттерді орындаймыз.

1)   Қандайда бір парақтың таңбасында мауыстың оң жағын шертіңдер

2) Переименавать командасын таңдағанда сонда ол қара түспен ерекшеленеді. Жаңа ат енгізу қажет.

Бағанның енін және жолдың биіктігін өзгерту.

Кестенің ұяшығына мәтін енгізгенде көбінесе мәтін ұяшық шекарасына сыймай қалады. Бағаның енін мауыстың көмегімен өзгертуге болады. Н\е Формат-Строка(Столбец)-Ширина командасын таңдау керек Жұмыс кестесінің беті бойы бойынша орын ауыстыру. Кестенің жұмыс беттерінің ауыстырылуы. Кесте бетінің таңбасының атын өзгерту. Бағаның енін ж\е жолдың биіктігін өзгерту

V.Сергіту сәті (Музыка)

1. Практикалық жұмыстар.

1-тапсырма: Жәрменкеден   түскен  пайда

 

Товар	Саны	Бағасы	Жалпы  құны	Пайда % үлесі
Қалам	50	50	2500	25
Дәптер	140	10	1400	14%
Өшіргіш	130	10	1300	13%
Қалыңдәптер	15	100	1500	15%
Барлығы			6700

 

2-тапсырма:

Статистикалық талдау.

Кестеде Қазақстан Республикасы бұқаралық құралдарының тілдер бойынша

1996 жылғы саны берілген.Осы мәліметтер негізінде әрбір категориясы

бойынша %  тік қатынасын өзі анықтайтындай етіп, жеке жеке диаграммалар

тұрғызыңыз.

Қазақстан Республикасы бұқаралық ақпарат құралдарының тілдер бойынша 1996 жылғы саны.
	газеттер	журналдар	Теле-радиоком-паниялар
Қазақ, орыс тілдерінде	413	97	19
Қазақ тілінде	37	11
Орыс тілінде	412	68	26
Басқа тілдерде	211	7	1

 

 

3-тапсырма:

Физикалық есеп.

Төмендегі кестеде тізбек бөлігі үшін кернеүі тұрақты болғандағы, кедергінің мәнінің5 Ом<R<14Oм аралығындағы өзгерісі көрсетілген I=U\R пайдаланып ток күшін есептеңіз және графигін тұрғызыңыз.

I,A
R,Oм	5	6	7	8	9	10	11	12	13	14
U,B	20	20	20	20	20	20	20	20	20	20

 

VII. Қортынды.Бекіту сұрақтары.

1. Электрондық кесте дегеніміз не?
2. МICROSOFT ЕXCEL кестелік   бағдарламасы қай жылы ойлап шығарылды?
3. Баған дегеніміз не?
4. Ұяшық дегеніміз не?
5. Қатар дегеніміз не?
6. Microsoft Excel бағдарламасының қалай іске қосамыз?
7. EXCEL-дің неше мүмкіндігі бар?

Білім бағалау.

VIII. Бағалау

• Бағалау парағы арқылы минут бойы  топ басшысы жүргізген бағалауды жинақтау.

1. Үйге тапсырма:Электрондық кесте тақырыбын оқу.Кестемен жұмыс.Кесте сөзіне сөзжұмбақ құрастыру.

 

 

[bws_related_posts]