Жылдамдықты табуға берілген есептер (Презентациялар)

4  сынып

Атраубаева Бибігүл Қожашқызы

Жаңа материалды меңгерту

Сабақтың тақырыбы:

Жылдамдықты табуға берілген есептер

Мақсаты:

Жылдамдықты табуға берілген есептерді шығара білуге үйрету.

Күтілетін нәтиже

— Қозғалыс есептері туралы мағлұмат алады;

— Өз ойларын еркін жеткізуге тырысады;

—  Шығармашылық тапсырмалар арқылы ой- қиялдары дамиды;

— Топпен жұмыс істеуге үйренеді.

Міндеттер

— пәнге деген қызығушылығын, белсенділігін арттыру;

— есепке сәйкес сызба сала білу дағдыларын  қалыптастыру;

— жарыс арқылы тез дұрыс есептеуге үйрету;

— ауызбіршілікке, ұйымшылдыққа  тәрбиелеу.

Ұйымдастыру кезеңі

Психологиялық дайындық.

Шырылдады қоңырау,

Біз сабақты бастаймыз

Партамызға отырып,

Табыс тілеп көзбенен,

Жаңа білім алуға,

Алға қадам аттаймыз.

Оқушылар орындарына отырып, алақандарын біріктіріп, бір-біріне жүректерінің жан жылуын береді.

Бүгінгі күн терезеден,

Бізге, міне, тұр қарап.

Сондай жақсы көңіл күймен,

Басталады бұл сабақ.

Мұғалімнің іс-әрекеті

Оқушы-

ның іс-әрекеті

Қызығушылы-ғын

ояту кезеңі

Сыныпты топқа бөлу (қозғалысқа байланысты топ түріне бөлу)

1-топ- «Жылдамдық»

2-топ- «Уақыт»

3-топ- «Қашықтық»

Әр оқушы өзіне тиесілі орнына отырады, топ басшысын сайлайды.

Үй жұмысын тексеру

5 есеп.

60∙ 80=4800  90 ∙90= 8100  70 ∙400=28000

70∙40=2800   70 ∙70=4900   90∙ 900=81000

   200∙ 80=16000       700 ∙50=35000

   30 ∙600=18000       60∙ 900=54000

   300 ∙90=27000       800 ∙70=56000

3 топтан 1 оқушыдан жауап береді.

Мағынаны тану кезеңі

Жасырын сөзді тап ойыны.

1 есеп. Велосипедші 3 сағатта 20 км/сағ жылдамдықпен қанша километр жол жүрді? (60км

2есеп. 7м/с жылдамдықпен жүгірген спортшы 14 секундта неше метр жүгіріп өтеді? (98м)

3есеп. Ит 15м/с жылдамдықпен жүгіреді. 8 секундта неше метр қашықтықты жүгіріп өтеді.(120м)

4есеп. Автобус 68км/сағ жылдамдықпен 4 сағат жүрді. Осы уақытта қанша километр қашықтықты жүреді?(272км)

5есеп. Саяхатшы 10минутта 92 м/м жылдамдықпен неше метр жол жүреді? (920м)

6 есеп. Спорт машинасымен жарысушы тасжолда 78км/сағ жылдамдықпен қозғалады. Ол 2 сағатта қандай қашықтықты жүріп өтеді? (156км)

7 есеп. Велосипедші 2 сағатта 45 км/сағ жылдамдықпен неше километр жүреді? (90 км)

8 есеп. Мотоциклші 30км/сағ жылдамдықпен 5 сағатта неше километр жүреді? (150 км)

9 есеп. Жеңіл машина 35 км/сағ жылдамдықпен 2 сағатта неше километр жүреді? (70 км)

Жаңа материалды меңгерту. Видео арқылы көрсету.

1. Автокөлік 320 км жолды 4 сағатта жүріп өтті. Автокөлік қандай жылдамдықпен қозғалды?

 V= 320 км :4 сағ= 80 км/сағ

2. Жаяу жүргінші 520 метр жолды 8 минутта жүріп өтті. Ол қандай жылдамдықпен жүрді?

    v= 520м : 8 мин= 65 м/мин

3. Топпен жұмыс. Постер қорғау

«Жылдамдық» тобы: Үйден кітапханаға дейінгі арақашықтық 1800м. Осы арақашықтықты оқушы 30 минутта жүріп өтті. Ол қандай жылдамдықпен жүрді? (60 м/мин)

«Уақыт» тобы: Жүк машинасы 200 км жолды 4 сағатта жүріп өтті. Оның қандай жылдамдықпен жүргенін тап. (50км/сағ)

«Қашықтық» тобы: Мотоциклші 120км арақашықтықты 2 сағатта жүріп өтті. Ол қандай жылдамдықпен жүрді?(60км/сағ)

4. «Кім алғыр?» ойыны

Шарты: кестеден математикалық термин сөздер шығару

Сергіту сәті.

Интерактивті тақтадан қозғалыс қимыл көрсететін видеоны музыкамен қосып көрсетеді. Оқушылар осы арқылы сәл демалып алады. Және көңілдері де көтеріледі.

5. №4 есеп. Кесте бойынша есептер құрастыр және оларды шығар.

6. №5 есеп. Сандарда әр разрядтың неше бірлігі бар екенін айту.

7. №8. Логикалық тапсырма

Үш дос-Алмас, Қанат және Серіктің әрқайсысының сұр, қара және сары мысығы бар. Алмас пен Қанаттың мысықтарының түстері қара емес. Алмастың мысығының түсі сұр емес. Балалардың әрқайсысының мысығының түсін тап.

8. №7 есеп. Баған түрінде түсіндіре отырып, орындау.

5003-845=4 158

5000-153=4 847

80 000-24150= 55 850

600 000- 6704= 593 296

150 082-27 563=122 519

510 082-53 826= 456 256

Есептің шешуін айтады. Сол бойынша жаңа тақырыпты анықтайды.

Қозғалыс жылдамды-

ғын формула арқылы таба білуге үйренеді.

Оқушылар жылдамдық ты   есептеп табады.

Әр топ өз алдындағы плакатқа берілген есептің сызбасын құрып, оны түсіндіре отырып қорғайды.

Әр топ өзіне берілген тапсырманы орындайды.

Тақтадағы қимылдар-ды музыка арқылы билеп көрсетеді.

3 топ кесте бойынша есеп құрастырып

оның сызбасын плакатқа сызады.

Әр топтан  оқушылар сандардың разрядында қанша бірлік бар екенін айтады.

Әр топтан екі оқушыдан орындайды.

Ой толғаныс кезеңі

«Иә-жоқ» математикалық диктанты

«Жылдамдық» тобы

1. Екі жағы шектелген түзу сызық сәуле.

2. Қанша созса да, ешқашан қиылыспайтын параллель түзулер.

3. 2 класс бұл миллиондар класы

4. Ауданын табу үшін ұзындығына енін көбейтеміз.

5. 10 бірлік мың=100 000

6. Жылдамдықты табу үшін V= S: t формуласын қолданамыз.

«Уақыт» тобы

1. Жылдамдықты табу үшін қашықтыққа уақытты көбейтеміз.

2.Уақыттың өлшем бірлігі сағат.

3. 3 класс бұл мыңдар класы

4. Тіктөртбұрыштың қарама-қарсы қабырғалары бір-біріне тең.

5. 20 ондық мың= 20 000

6.Жылдамдық- уақыт бірлігінде жүріп өткен қашықтық

«Қашықтық» тобы

1. Қиылысу кезінде тік бұрыш құрайтын перпендикуляр түзулер.

2. 1 км де 10 000 метр бар.

3.  1 класс бұл мыңдар класы

4. Квадраттың барлық қабырғасы тең.

5. 30 жүздік мың= 300 000

6. Жылдамдық V әрпімен белгіленеді.

Қойылған сұрақтарға «иә» немесе «жоқ» деген сөздерді койып орындайды.

Нақты жауабын есте сақтау.

Қорытынды

Жаңа тақырып бойынша түйген ойларын жазады.

Үй жұмысын беру

№6 есеп. Мәндері бірдей өрнектер жұбын тап. 71 бет.

Бағалау

Топ басшысының бағалауы

Бағаны не үшін қойды, қысқаша сипаттама айтып өтеді.

Рефлексия

Оқушыларға стикерлер таратылады.

Оқушылар

ҰНАДЫ, ҰНАМАДЫ СҰРАҚ белгісін жазады.