Сапарғали Бегалин

Абильмажинова Гүлмира Каниевна

Сабақтың тақырыбы: Сапарғали Бегалин
Сабақтың мақсаты: а) Білімділік: Жазушы туралы мағлұмат алу.
ә) Тәрбиелік: Оқушылардың адамгершілік қасиеттер туралы түсінігі, өнерге деген қызығушылығы арта түседі, өнерді бағалауға үйренеді, сұрақтарға жауап беру арқылы сөйлесу, сөйлемдерді, сөз тіркестерін дұрыс құру дағдыларын дамыту, сөз қорын молайту. Өз бетінше жұмыс істеуге, ұқыпты болуға тәрбиелеу.
б) Дамытушылық: Өзінше ой қорытуға, қосымша ақпараттарды қолдануға дағдыланады, таным қабілеттері дамиды.
Сабақтың түрі: Жаңа сабақ
Сабақтың әдісі: түсіндіру
Сабақтың көрнекілігі: Сапарғали Бегалиннің портреттері, интерактивті тақта, видео.
Сабақтың барысы:
І. Ұйымдастыру кезеңі.
Тіл дамыту сұрақтары
Қазақстан қандай мемлекет?
Мемлекеттік тіл?
Қазақ тілі қай тіл тобына жатады?
II.Үй жұмысын сұрау.
Ыбырай Алтынсарин өмірін айту.
Жалқы есім дегеніміз не?
Сөздік.
Қазақ балалар жазушыларының басында кім тұр?
III. Жаңа сабақ. Сапарғали Бегалин Видео көру.
1.Мәтінді оқу, іштерінен қайта оқу.
2.Сұрақтарға жауап беру.
3.Синтаксистік талдау.
1. Сапарғали Бегалин-қазақ балалар әдебиетінің аса көрнекті жазушысы.
2. Балалар Сапарғали Бегалинді «біздің алтын сандығымыз» дейді.
IY.Контейнер. Түйінді сөздер.
Сапарғали Бегалин.
1889ж, зерттеулер, « Таза бұлақ», көрнекті жазушы, «Кел, балалар оқылық», «Шоқан асулары», кітапханасы, Орынбор, атасы, «Мектеп бағында».
Y. Кестені толтыру.
Шығармалары Не туралы?
YI.Сөз тіркестерінен сөйлем құрау.
1. Негізін салушылардың
2. Балалар Сапарғали Бегалинді
3. Көптеген тілдерге
4. Асыл презенті
YII.Лупамен жұмыс. Мәтіннен осы құраған сөйлемдерін лупамен тексереді.

Қазақ балалар әдебиетінің негізінсалушылардың бірі- Сапарғали Бегалин. Жазушы жиырма шақты поэма, оннан астам повесть, жүздеген әңгіме, көптеген естеліктер, зерттеулер, мақалалар жазған.
Халқымыздың асыл перзенті Шоқан Уәлиханов туралы «Шоқан асулары» кітабы- тамаша адамдар өмірін дәл бейнелейтін туынды. «Бала Шоқан» повесінде бала Шоқан мен мүсінші Мысық деген баланың достығын суреттейді. «Сұрапылда», «Керкиік», т.б. әңгімелерінде халықтың бәйге атқа сүйіспеншілігі суреттеледі.
Сапарғали Бегалин- қазақ балалар әдебиетінің аса көрнекті жазушысы. «Бала мерген», «Сәтжан», «Көксегеннің көргендері» сияқты тамаша повестерінде малшы өмірінің, аң аулау өнерінің қызықтарымен жастарды таныстырады.
«Жас бұтақ», «Қант бұршақ», «Хат», «Мектеп бағында», «Есеннің кірпісі» деген әңгімелері табиғатты қорғауға, қоршаған ортаға қамқорлық жасауға үйретеді. Сапарғали Бегалиннің балаларға арнап жазған кітаптары көптеген тілдерге аударылған. Алматы қаласындағы Республикалық балалар кітапханасы Сапарғали Бегалиннің есімімен аталады. Балалар С. Бегалинді «біздің алтын сандығымыз» дейді.
YIII. Қорытынды. Тесті сәйкестіру.
1 нұсқа
I. 1 .Сапарғали Бегалин кім? А) асыл перзенті
2. Шоқан Уәлиханов? Ә) әдебиет негізін салушы
3. «Сәтжан» Б) малшы өмірі
II. 1. Салалас құрмалас сөйлем А) Ыңғайлас салалас
2. Қарсылықты салалас сөйлем Ә) не, немесе, әлде, я болмаса
3. Талғаулы салалас сөйлем Б) дегенмен, сонда да, бірақ
III. 1. Сабақтас құрмалас сөйлем А) – са, -се
2. Шартты бағыныңқылы Ә) –ғанда, -генде, -қанда, -кенде
3. Мезгіл бағыныңқылы Б) мезгіл бағыныңқылы
IY. 1. Себеп-салдар салалас А) себебі, өйткені, сондықтан
2. Кезектес салалас сөйлем Ә) сонша, соншама, сондай
3. Түсіндірмелі салалас сөйлем Б) бірде, біресе, кейде
Y. 1. Сабақтас құрмаластың неше түрі бар? А) Сапарғали Бегалин
2. Ортақ етіс Ә) –ыс, -іс, -с
3. Жалқы есім Б) 6 түрі бар
2 нұсқа
I. 1. Балалар Сапарғали Бегалинді А) тамаша адамдар өмірі
2. «Шоқан» асулары кітабы Ә) қазақ балалар әдебиетінің атасы
3. Ыбырай Алтынсарин кім? Б) «алтын сандығымыз» дейді.
II. 1. Салалас сөйлемннің неше түрі бар? А) бірде, біресе, кейде
2. Ыңғайлас сөйлем Ә) 6 түрі бар
3. Кезектес сөйлем Б) да, де, та, те
III. 1. Жалпы есім А) қандай? қай?
2. Зат есім сұрақтары Ә) мектеп, қала
3. Сын есім сұрақтары Б) кім? не?
IY. 1. Есімдіктің неше түрі бар? А) 3
2. Жіктеу есімдіктің неше түрі бар? Ә) 6
3. Сөйлемнің неше түрі бар? Б) 4
Y. 1. Сабақтас құрмалас сөйлем А) –ғанда, -генде, -қанда, -кенде
2. Шартты бағыныңқылы Ә) мезгіл бағыныңқылы
3. Мезгіл бағыныңқылы Б) –са, -се
IX. Бекіту сұрақтары.
1. Сапарғали Бегалин кім?
2. С. Бегалин шығармаларының саны қанша?
3. Балаларға арналған шығармаларын ата?
4. Қай кітапхана С. Бегалин есімімен аталады?
5. Балалар С. Бегалинді қалай атайды.
X.Үй тапсырмасы. І деңгей — мәтіннің мазмұнын айту. 168-169 бет
ІІ деңгей – кестені толтыру , 169 бет тапсырма
ІІІ деңгей – сөздік жаттау, 169 бет
XI. Бағалау.