Сынақ – адамды шыңдалуға апаратын жол

Куберова Гаухар Дүйсенқызы
«Н.Өмірзақов атындағы орта мектеп мектепке дейінгі шағын орталығымен» коммуналдық мемлекеттік мекемесі
География-экология пәнінің мұғалімі
Алматы облысы
 Сынақ – адамды шыңдалуға апаратын жол.
Мектептегі тәжірибе кезеңінде жүргенде көптеген жетістіктерге де кедергілерге де жолықтық.Сондағы жетістіктерімді айтатын болсам, бірінші күннен бастап мектеп әкімшілігінің біздің жұмыстарымызға қолдау көрсетіп, оң көзқарастарымен қарағаны, өйткені біз үшін мектеп әкімшілігінің қолдауы ауадай қажет еді. Осы қолдаудың арқасында бірден құлшына жұмысқа кірістім, оқушылардан, ата-аналардан, ұстаздардан сауалнама алдым. Осы сауалнаманың қорытындысын шығармашылық топпен талқылай келе мені таң қалдырғаны- оқушылардың үні. Оқушылардан алған сауалнамада кездескен кедергілерге келетін болсақ, біз оқушылардың үнімен санаспай, олардың жан- дүниесін түсінбей, оқушылардың ойын білмей, балалардың таңдауына, идеяларына, ой-өрісіне, қабілетіне, ерекшеліктеріне мән бермеген екенбіз.Кейбір оқушылардан сұхбат алу барысында мектепке өзгерістің болғанын қалайсың ба? немесе мұғалімдер күнделікті сабақтың қалай өткенін қалайсың? – деген сұрақтарға, оқушылардың шынымен де өзгерістің болғанын қалайтынын атап айтқан. Осыдан менің түйгенім, оқушылардың талабын қанағаттандыру үшін мен алдымен мұғалімдерге коучинг және тәлімгерлік үдерісін жүргіздім, мұғалімдер тәжірибелеріне оқыту мен оқу үдерісінің жаңа тәсілдерді енгізе отырып,7 молульді сабақтарына ықпалдастыр ып, әріптестерімнің тәжірибесінде өзгерісті енгіздім. Топтық жұмыстың арқасында оқушылардың да пәнге деген көзқарасы, қызығушылығы , ынтымақты жұмыстың болғаны мені қатты қуантты. Мұғалімдер коучинг әдісінің арқасында жеті модульді сабақтарына кіріктіру арқылы, оқушылардың пікірімен санаса білді, әрбір оқушының жан дүниесі�ен үңіле білді, оқушы мен мұғалім арасында сенімді,әділ қарым қатынастың болуына көз жеткізді. Тағы бір таң қалдырған сәттердің бірі ата-аналардың біздің сабақтарымызға қызығушылық танытып, күнделікті сабақтарға келіп қатысуы. Бұл мен үшін үлкен қуаныш. Өйткені қызығушылық танытқан ата-ананың өзі мектептің дамуына және баласының сапалы білім алуына ықпал етеді. Күнделікті күйбең тірліктен бас алмай, баласының қалай оқып жатқандығын қадағаламайтын, сабаққа баласының келген- кеткенін білмейтін ата-аналардың да болатыны кедергілер келтіргені рас. Мен бұл жағадайларды сауалнамалардың қорытындысынан білдім. Сауалнамаға немқұрайды қараған ата-аналар да болды. Олар сауалнаманы толықтай толтырмай берді. Мен кедергілердің алдын алу мақсатында ата-аналармен сұхбат жүргіздім. Сұхбат барысында ата-аналарға мектептің жақсы жақтарын айта аласыз ба? – деген сұраққа 9-сынып оқушысының ата-анасынан мектептің жақсы жақтары – әр түрлі шаралардың ұйымдастырылуы, мұғалімдердің ынтымақты жұмыс істеуі деген жауап алдым. Баласының күнделікті мектепке асыға кетуі,
осы технологияның бала өміріне әсер еткендігін ата-ана сезіне білді және кез келген уақытта қолдарынан келгенше көмек беруге уәде етті.